منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ماكتبت البيت من دون المزاجـي=قبل اروّق وانتشي طعـم الرحيـق
واجمع افكاري على برواز عاجي=واتخير في الجزيل وفـي الطليـق
في البحور الطاغيات وفي الفجاجي=اتنـقـى درّة الـقـاف الوثـيـق
ياعجاج القيض تكفـى ياعجاجـي=بلغي خلي تـرى عايـش شريـق
انكسرقلبي مثل كسـر الزجاجـي=وفي غيابك صابني هـمٍ وضيـق
وفي بعادك صابني شبه ارتجاجي=وفي وصالك ياهوى قلبـي شفيـق
كيف اقاوم واعتزي وارفع حجاجي=وفي بحر حبك غدى قلبي غريـق
موج حبك ياحبيب الروح ماجـي=انت عشقي وانت حبـي والرفيـق
في عيوني طاغي العبرات راجـي=ولاسهـرت الاعشآنـك يالعشيـق
شفت حبك في خفوق الروح هاجي=وآعذابي من هـوى حـبٍ لبيـق
ارحم قليبٍ كويتـه كـي صاجـي=لعنبوحيّـك تـرى قلبـي رقيـق
طف ناري بالقـراح وبالهماجـي=في وريدي تشتعل نـار وحريـق
ياعلاجـي لاتبآطـى بالعلاجـي=والله ان الجرح في قلبـي عميـق
لاتخلي حبنـا يمشـي اعوجاجـي=ولاتسمّع هرج عاذل لـو صديـق
وان حكوا الحسّاد فيني واللواجـي=احذراحـذر لاتصـدق يالعشيـق
قدرهم عندي مثل قـدر الدجاجـي=لايهمونـك عسـاهـم للحـريـق
كنت احسبك يابعد روحي سياجـي=لاغدروقتـي نصيتـك ياطـويـق
والله اني مانويـت الا الخراجـي=أنتظر قلبي متـى يصبـح عتيـق
ودام ساقي في حراوي البعد داجي=وين برحل دلنـي ويـن الطريـق
بعت حبي زاهدٍ وسـط الحراجـي=مادريت القلـب غيـرك مايطيـق
فآه من عينٍ كحيلـه والحجاجـي=شبّكـة قلبـي وانـا حـرٍ طليـق
اطلب الله من عيون الناس حاجي=ابك زينـك معجـزة رب الخليـق
أخي الكريم الشاعر / عايش أبو ليل السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة وسلامة قبلك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
