الكلام هنا للشاعر:
بسم الله الرحمن الرحيم
والصلاة والسلام على أشرف الأنبياء والمرسلين
بدون مقدّمات هذه المرة
قصيدة غزلية قديمة يطلبها الكثير وفي كثير من المنتديات
ولو أنها غزلية إلا أن فيها ميلان للحكمة ولا سيما في آخرها
بالمناسبة (الغرو) هو البنت الصغيرة عند العامة واللي مقابل وجهها يجيب العافية ;)
وكلمة (ويل أمه) مثل ثكلته أمه باللغة العربية :) تقال للتعجب
[poet font="Simplified Arabic,5,orange,bold,italic" bkcolor="black" bkimage="" border="outset,4,orange" type=2 line=200% align=center use=ex length=0 char="" num="0,black" filter=""]
غروٍ نطحني يجرّ الغيّ ويل أمّه=مثل أمّي أنّه عذاب الروح مثل أمّي
عليه لبّسني إبليس الهوى عِمّة=وابليس من قبل بن خالي وابن عمّي
يا ليت من هو تليّن في طرف كمّه=اليا تمدّد طرف كمّه على كمّي
غروٍ ذبحني وانا من لحمه ودمّه=وش بقّىْ للي مهو من لحمي ودمّي
لا جيت اخمّه وقلت الخمّه الخمّة=قال :ابتعد يا ولد بدري على خمّي
ما يدري انّه خبر (إنَّ) وأنا ضمّة=يا حلو حلو الخبر مرفوع بالضمّي
يوم انكشف لي نحَرْه وبانت الزِّمّة=قامت شياطين بقعا تزمّني زمّي
يا عين شيهانةٍ في عالي القمّة=قمّت بريشٍ وريش البُرْق ما قمّي
لو في بريقعْه رحمة كاشف الغمّة=ما كان زوّد سواد بريقعه غمّي
الزين إلى جاء لزينٍ ناقصٍ تمّه=والله لولاه حسن البيض ما تمّي
زينٍ عليّه تغيّر وانعَسَر صمّه=نسى ثلاثة ليالٍ عسْرها صمّي
ومن صار لي في الرخا عبدٍ وانا عمّه=لا جاء القسا صرت له عبدٍ وهو عمّي
سقى الولي يوم انا دلوٍ وهو جمّة=واللهْ ماْيسقيني ألا صافي الجمّي
يا لعنبوه انْ مدحته كنّي آذمّه=وغيره تمنّاني اقصد به ولو ذمّي
مدري على اسم القمر سمّوه يا يُمّه=والا على اسم الغضي وجه القمر سِمّي
[/poet]
القصيدة
للشاعر الكبير
ناصر بن محمد بن فارس الفراعنة السبيعي
غير متصل
