ألا يالسبيعي ليش ما خذت لك كربـاج = ولينت ظهر اللـي يعاملـك برعونـه

[خيَّال الغلباء]

بسم الله الرحمن الرحيم

قال الشاعر :

أنا اللي قصيدي ثبت الحكـم للحجـاج
= ولا رحت للشاطي وزايـد ومليونـه

ألا يالسبيعي ليش ما خذت لك كربـاج
= ولينت ظهر اللـي يعاملـك برعونـه

يقولون يا ناصر أفا تاصـف المغنـاج
= وهي بينهم ترقص بالألحـان مفتونـه

ولأجلك خيالي داج بالبيـد والأفجـاج
= وعينـت مخلـوقٍ عوانيـه يغلـونـه

لقيته على الخلقه ولا يعرف المكيـاج
= ولا وصّل رموشه ولا يكحـل عيونـه

عيونه نواعس مثل عين المها ودْعاج
= ولا يشتري ظلّ يحطّه علـى جفونـه

وخده خطيرٍ تمشخه قطعـة الديبـاج
= وتجهر عيوني لا ضحك صفة سنونـه

قوامه غصن بان ٍغضيض ٍ ولا يحتاج
= سليكـون بالخديـن ببْـره يحقنـونـه

وجرمه كما صفراً تمايل على المهباج
= إلى صاح من هيـل ٍبجوفـه يدقونـه

نسيم البحر ينقض جُعوده كما الأمواج
= ويغدي طريقه ليْـن شعـره يجدلونـه

الأعطاف ملبوده ولا عرّيـت ببْـلاج
= يحب الستر والكاب ضافي على متونه

والأنهاد خوخاتٍ ولا صابهنّ إخمـاج
= ولا نهضن بالّلـي بعضهـم يحطونـه

عتابه نغم من دون نوتـه ولا مونتـاج
= كما نغمة القيثـار لا جـروا إلحونـه

زفيره يداويني بـلا وصفـةٍ وعْـلاج
= ليا من تنفس بالتراقـي علـى هونـه

شريعة محمد ما يبي غيرهـا منهـاج
= ولا يلحق الموضه ولا دْيور وإفنونـه

عن العين مصيونٍ ولا بالملاهـي داج
= وأغار إمن أخيّانه إلى جـو يزورونـه

ينور دروبي شبه مشكاة فيهـا سـراج
= وإنَ أخطيت يبدي ما بصدره ومكنونه

حشا ما بدى لي منه كيد النساء وإزعاج
= ولا هوب منـدوب لْوكالـة يقولونـه

يلبي مطاليبـي بـلا منـةٍ وإحـراج
= ومن زين طبخه خطْر نأكل صحونه

خدوم ٍولو مسكنه قصرٍ حماه العـاج
= وإلى جبت من يخدم قفل بابنـا دونـه

إلى أقفيت صك الباب بالقفل والمزلاج
= ولا يفتحه في غيبتـي لـو يكسرونـه

ملوك العجم كل لبس فوق رأسه تـاج
= وهو تاج رأسي حافظـه لا تشوفونـه

بعضهم يورخ مولده بأشهرٍ وأبـراج
= وأنا مولدي ليلة خواتـه شكـوا بونـه

منقول وأنتم سالمون وغانمون والسلام .

[الجوال550]

خيال الغلبا,,


صح لسانك ياخيال ولسان شاعرها الله لا يحرمنا منك ومن ابدعاتك

تقبل اروع تحياتي ..

["فهد البكران"]

ألا يالسبيعي ليش ما خذت لك كربـاج
= ولينت ظهر اللـي يعاملـك برعونـه

يقولون يا ناصر أفا تاصـف المغنـاج
= وهي بينهم ترقص بالألحـان مفتونـه


صح لسان قايلها .. وناقلها

وتسلم .. ياغالي ،،

[ابوخالد القريشي]

صحّ لسانك ولسان الشاعر



وهي بينهم ترقص بالالحان مفتونه




هذا المقام اللي يقولونه

[ابن جعوان]

صح اللسان الشاعر
ومشكور على النقل
تقبل مروري لاهنت

[خيَّال الغلباء]

أخي الكريم / الجوال السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجزلة في شاعر الثقلين والوطن الكبير / ناصر بن محمد بن فارس الفراعنة السبيعي وحنا معه بالتصويت إلى النهاية وفاله البيرق إن شاء الله ويستاهل أبو فارس والله يعافيك ويبارك فيك ويجزاك خيرا هذا وتقبل فائق شكري وامتناني مقرونا بجزيل محبتي واحترامي مع أطيب الأمنيات واسلم وسلم والسلام .

[خيَّال الغلباء]

أخي الكريم الأغلى / فهد البكران السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجزلة في شاعر الثقلين والوطن الكبير / ناصر بن محمد بن فارس الفراعنة السبيعي وحنا معه بالتصويت إلى النهاية وفاله البيرق إن شاء الله ويستاهل أبو فارس والله يعافيك ويبارك فيك ويجزاك خيرا هذا وتقبل فائق شكري وامتناني مقرونا بجزيل محبتي واحترامي مع أطيب الأمنيات واسلم وسلم والسلام .

[خيَّال الغلباء]

أخي الكريم / أبو خالد القريشي السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجزلة في شاعر الثقلين والوطن الكبير / ناصر بن محمد بن فارس الفراعنة السبيعي وحنا معه بالتصويت إلى النهاية وفاله البيرق إن شاء الله ويستاهل أبو فارس والله يعافيك ويبارك فيك ويجزاك خيرا هذا وتقبل فائق شكري وامتناني مقرونا بجزيل محبتي واحترامي مع أطيب الأمنيات واسلم وسلم والسلام .

[خيَّال الغلباء]

أخي الكريم الشاعر / ابن جعوان السلام عليكم ورحمة الله وبركاته وبعد : شكرا جزيلا لك على مرورك الكريم بهذه القصيدة الجزلة في شاعر الثقلين والوطن الكبير / ناصر بن محمد بن فارس الفراعنة السبيعي وحنا معه بالتصويت إلى النهاية وفاله البيرق إن شاء الله ويستاهل أبو فارس والله يعافيك ويبارك فيك ويجزاك خيرا هذا وتقبل فائق شكري وامتناني مقرونا بجزيل محبتي واحترامي ومن قال ما هان مع أطيب الأمنيات واسلم وسلم والسلام .

[الخثلان السبيعي]

ماقصرت ياخيال الغلبا على هالنقل ..

بس العفو .. مين الي قايل هالقصيدة .؟؟

>> لاخلى ولا عدم ياهلي.. .