خذماتراه وخل عنك التفاكير = ياقلب يااللي كل ماجاه داره
لابد للعسر المنوخ مياسير = ولابد ماتقفي النذاره بشاره
العبد ماله عن حتوف المقادير = واللي كتب لو هو بصندوق زاره
ماقل دل وحاجتي ياهل العير = طرس تودونه لحامي جواره
من دية العوام روحوا مساير = تلفون ينبوع الندا والنعاره
ربع يسرك وردهم والمصادير= صبيان ياما شتتوا كل غاره
صار الجزا لى من عشيرالمعايير= لته يشارهني مشاري مشاره
ان كان حنا ياخوالك عطاطير = فحمود تبطل شيمته واعتباره
جدك أخذ هندية بالدنانير = بيضا وتكرم داخليه طهاره
ليتك تقر بخطبتك بنت صنهير = أنشد بني عتبه ترا العجل داره
مرباه في دسبول والجد بنجير = اشقر ولطامة خدوده خساره
حنا هل الباس الشديد المناعير = وحنا الى خرب المذاهب عماره
ناهيك من صنعا الى ماورا الدير = أنشدك من كل البوادي جواره
أنشدك من خيله بفارس مشاهير = وانشدك من أضرم على العجم ناره
وان قيل ثور مقري السبع والطير = أسهر عيون أهل المدن بانظاره
ومن طوع المامور بالسيف والمير = عن اينه شرعه وسيفه يساره
هذاك ابن عمي وخل الجماهير = ىياخو عمر ويش جابنا للعطاره
الراية البيضا لاهل نية الخير = مادامت العينين ترعى سماره
بيت السلف بيت الخلف والمظاهير = بيت عمار المنتفق من عماره
بيت لهم ورد الرياسه بتصدير = حلوين علقم للذي به مراره
بيت لهم شيمه علامه عن الغير = مالجلجت عينه بجدار جاره
بيت الرعايا والهنايا المقاصير = بيت سلاطين العرب من حراره
الاخ وافي السلام عليكم ورحمة الله وبركاته وبعد بيض الله وجهك على هالقصيدة الجزله للشاعر الجزل عبد الله بن ربيعه الذي قارع ابن لعبون وتفوق عليه وقد احرق اغلب شعره وصحة البيت من ديرة العوام روحوا مسايير ودرية العوام هي الزبير باطراف العراق وتسمى نجد الصغرى وسمها ديرة العوام لانها بنيت على قبر الزبير بن العوام رضي الله عنه والسلام
الطـيـب لا تسـتغربه مـن هـل الطيـب = اللـي لـهم في منهج الـطـيـب خـبـره
أوسع على الأجواد من فيضة شعيب = وأضـوق على الأنذال من خرم الإبره
والأمثال قـالـت كل طـيـر ٍ لـه لـعـيـب = يـدرع بـمـا يـدرع ويشبــر بـشبــره
الاخ وافي السلام عليكم ورحمة الله وبركاته وبعد بيض الله وجهك على هالقصيدة الجزله للشاعر الجزل عبد الله بن ربيعه الذي قارع ابن لعبون وتفوق عليه وقد احرق اغلب شعره وصحة البيت من ديرة العوام روحوا مسايير ودرية العوام هي الزبير باطراف العراق وتسمى نجد الصغرى وسمها ديرة العوام لانها بنيت على قبر الزبير بن العوام رضي الله عنه والسلام
الاستاذ والشيخ مسلط 22 اشكرك جزيل الشكر على هذا التوضيح عن الشاعر المذكور بن ربيعه
واشكرك على مرورك وتعليقك الطيب كذلك لك جزيل الشكر والاحترام
وتقبل تحيات أخوك وافي
غير متصل
الشاعر / عبدالله بن محمد بن ربيعة بن وطبان
