الشاعر / حامد زيد
يوم ثارت في جنونً من جنون الجاهليه
عاتبتني لين شبت في شراييني لهبها
استفزتني وفزت وزعلت مني عليه
واستظاقت من كلامي يوم زعلني عتبها
من بعدها مابقى لي في محانيها بقيه
اسدلت دمع المحاجر للبكى وارخت هدبها
والله اني مانويت ابدي معاها بالخطيه
بس هي اللى تعدت حدها لحظة غظبها
يمكن اني كنت قاسي بالعتب معها شويه
كثر ماكانت تمنى راحتي واعشق تعبها
والله اني كنت اكابر بالعتب في حسن نيه
بس ابدري هو صحيح اني الوحيد اللى عجبها
جرحتني بالكلام وكبرت حيل القضيه
وخسرت بي كل عرق من شراييني كسبها
والا اهي ماكان فيها للموادع مقدريه
والجفا كانت تعافه بس مدري وشقلبها
ليتني ما رحت اقايس قيمتي عند بدويه
رجعت لي كل عرقً حبها والا نهبها
وعلمتني كيف بنجح وانتصر وابقى ضحيه
وعلمتني كيف قلبي لو غلبها ما غلبها
وعلمتني يوم صدت عنفوان الأجوديه
ماتلوح للمقفي لو سلبها ما سلبها
رابيه بين القبايل والعرب واهل الحميه
عاقله ماتبذر الآ نخلتهً تعرف رطبها
ان تهادت ذكرتني في خفوق العامريه
وان تمادت تركب بليس الرجيم وما ركبها
جفنها لا سلهمت به مايطيق السامريه
تسحبه برضاه عينه وان سهت عينه سحبها
وان حكت تعطي مكانه للحروف الأبجديه
كن كلمتها تلفت للكلام اللى عقبها
والحروف الى تعدت بالشفاة النرجسيه
كنها صارت قصيده بس ربي ما كتبها
وش بوصف من حلاها وش بخلي للبريه
ما بها بالحسن عيبً واكشفته الا حجبها
شعرها فيه الخوي اللي تبرى من خويه
والشفى لو تشرب الماء واختلط فيها .. شربها
كن في ظمة شفاها جمرتين بنار حيه
كل من حس بدفاها واحترق صد وقربها
شفتها مثل الجريمه وابتليت بها بليه
غلطهً جيت اتحاشى ظلمها قلت ارتكبها
كل شي شفت فيها فيه نبرة جاذبيه
موهبه من فضل ربي واشهد ان الله وهبها
كلها لله بالله فاتنه هالآدميه
عاجبتني من بداية راسها لسفل كعبها
لو تبادلني شعوري والهديه بالهديه
ما وفتني لو تبيع ثيابها واغلى ذهبها
هملتني والقلوب الجرهديه جرهديه
وحرمتني والمحبه نارها تاكل حطبها
والا انا ما كنت اكابر والليالي سرمديه
يمكن اللى غصبني للولع فيها غصبها
ياخفوقي ودي انك منت في حاجة وصيه
شف مكاني وانت تدري وينهي يمة عربها
رح لها وان كان فيها قلب يطمح في مجيه
شف طلبها في عروقه وان حصل تمم طلبها
وانشده من قال عنها منهدر دمي ...
قله ان اللى حصلي بالمحبه من سببها
وان يقول اني تعمدت الزعل لجل الأذيه
قله اني ما تحمل بالعتب قلة ادبها
ولو يقول اني انا اللى كنت بادي بالخطيه
قل هي اللى تعدت بالخطى لحظة غظبها
غير متصل
حامد زيد
