بسم الله الرحمن الرحيم
اخوتي الاحبه
عندما يسمع الشاعر ابيات تدخل الى قلبه منذ الوهلة الاولى فانه يتأثر بها وقد يحاول مجاراتها او الرد عليه على نفس الوزن والقافية ومن هذه الابيات ابيات اعجبتني للشاعر الكبير سعد بن جدلان الاكلبي فلم اتمالك نفسي الا ان ارد عليها ببعض الابيات
وتقول ابيات قصيدة سعد بن جدلان
ودنا بالطيب بس الدهر جحـاد طيـب=كل ما تخلص مع الناس كنك تغشهـا
يدك لامدت وفاء لاتحرى وش تجيـب=كان جاتك سالمه حب يـدك وخشهـا
كل ماشبيت نار المحبـه مـع حبيـب=قام يسحـل فـي مشاهيبهـا ويرشهـا
وكل ما واجهت لك فالزمن وجه غريب=مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب=جعل قشاش الحطب لاسـرح يقتشهـا
وكان هذا ردي عليها
يا ابن جدلان الحكم جبتها وانت اللبيب=واللبيب ان جاب حكمه حشى ماغشّها
كم يد(ن) مدت وفا عوّد الساعد عطيب=راح يـطردها وهي شارده وامتشّها
رزقنا مكفول والله جعل قسمة ونصيب=قسّــم الارزاق والمزن نطلب رشّها
وانت لو جاك المسـيّر عدو والا حبيب=اكرم اللافـين من جود بيتك عشّها
اعترف لك ياسعد شاعراً واخطي واصيب=جتكم ابياتي واذا ما اعجبتكم طشّها
قلت اجاري شامختكم ولو مانـي قريب=لك سمان القول وانا بقـولي هشها
اتمنى ان تنال اعجابكم
بقلمي
ولد الجابري
غير متصل
