مشيت في الدنيا للشاعر / محمد صالح المصعبي

[بروق الصيف]

	مشيت في الدنيا شفت العــجب فيها .....جنبت عنها ولكن جات نشادة مدري وش اللي تبي مني ولا أبيها....عذبت لي خفوقي وزادت إجهادة دـنيا تحسـب البـشر لعـبة تسـليها .... وحظ من هو تحبة تكثر إسعادة تلعب على الناس عاليها ودانيـها... كنها نواعير ماء للحرث مدادة شـيـبت لي عيوني مـن بلاويـها.. ..وعلومها اللي تجي للنفس سدادة الشاة ترعا وصار الذيب يحميها...وذاك الوحش شاردٍ والخرب طرادة الناس فـيـها كـثـير اللي تلاقـيها ...وسـبحانه الله فـرق خلـقة عـبادة نـاسٍ إذا شـفـتـها تـفـرح تحييـها ..وتنسا مشاكلك وتعوُد على العادة وناسٍ إذا شـفتـها دربك تخـليـها.....تـعاف نفـسك مواجة ناس فسادة وناسٍ ولو مايـجـيها شي يغـنيها....تعزك وتعطيك زود الشف وزيادة وناسٍ ولو كنت انت انسان تعطيها...تذمك وتنكر صنيعك ناس حقادة دنـيـا غريـبـة عـجـيبة في لـياليـها ..صافية يوم وباقي العام هدادة قنـعـت منـها وقـانع من تـواليـها... ونهاية العمر وسط القبر وألحادة مامنـها فـايدة غـلـطان شـاريـها ....يتعب ومن باعها يازين مقعادة ينسى غثاها ونفسة صوب باريها...تسعى لمرضاه عنها يوم ميعادة جنبت عنها وباخص كل غاليها ....والقلب مرتاح ماله بالسهر رادة ترقد العين وإن جاء مايصحيها ....كملت ليلي على مصحف وسجادة

[نجم سبيع الغلبا]

تسلم يالغالي على القصيده الرائعه من شاعر رائع

لاهنت على النقل يالغالي


تقبل مروري

تحياتي : نجم سبيع الغلبا

[بروق الصيف]

تسلم وبيض الله وجهك

[ابن جعوان]

:أخي: بروق الصيف : بارك الله فيك :

صح السااانك
وبيض الله وجهك ماقصرت طال عمرك
اصفقلك على القصيدة الراااائعه

تستاهل
تقبل مروري لاهنت

أخـوك

أبن جعوان

[بروق الصيف]

تسلم وصح الله بدنك

ولاهنت على المرور الكريم والرد الطيب

الله لا يهينك

[ابـــن مهـــراس]

اخوي برووق الصيف
الله لايهينك على جهدك في نقل القصيده المميز الرائعه
وجعل عمرك طويل
انت دايم متميز

وعيدك مبارك مقدما
لك ولكل الاعضاء الموجودين
ولكل قبيلة سبيع الغلبا
ولكل سعووودي
ولكل خليجي
ولكل عربي
ولكل مسلم

وتقبل مروري

[بروق الصيف]

تسلم أخوي ابن مهراس

الله لا يهينك

ومبروك علينا وعليك العيد وعلى المسلمين كلهم

[محمد التواما]

اخي بروووووق الصيف صح لسانك ولاهنت على النقل الرائع

[siz~*¤ô§ô¤*~*¤ô§ô¤*~e=4]وكــــــــــــل عـــــــــام وانت بخـــــــــــــــــير[/size]~*¤ô§ô¤*~*¤ô§ô¤*~