الشاعر علي سلمان السبيعي

[محمد بن جابر]

بسم الله الرحمن الرحيم
والسلام عليكم ورحمه الله وبركاته



وشحـالكم يا أخواني .. هذه قصيده غزلـيه أعجبتني لـ الشاعر علي سلمان السبيعي وحبيت
نقلها لكم



بديت بسم اللي به الخلق يبدون ،، ماخاب ظن اللي دعا وإلتجالــه

من بعدها غنيت مع من يغنون ،، إحساس شاعر طاغين بالجزالــــه

أصدر الفكره من البال بفنـون ،، والكايده عندي سوات السهاله

مادمت متضايق / ومكبت / ومحزون ،، أببدع إبداعن ليــحد الثمـــاله

يا هيه يلي تنشد الحب وشلون ،، ركز معي هـ الحين بـضرب مثالـــه

إحساس سالب واجه إحساس مشحون ،، وصـار التجاذب بينهم بالعدالـــه

هذا يحب هذا .. وهذاك مفتـــون ،، وهذا يضحـي لجل هذا بحالـــــه

هاذي المحبه هيه يلي تحبون ،، ولا بلاش من الغـرام وليـالـــه

وأنا حبيبي داعج العين مزيون ،، صورته لا صار القمـر بإكتمــاله

الناس لا شافوه قاموا ويدعون ،، سبحان من سواه وأكمل جمـالـه

سهرت ليلي وباقي الخلق يمسون ،، خـايف عيوني تنشغل عن خيالـه

ياقلهآ بعيني إذا قلت بيمون ،، إلا الحقيقه كل عمري فدالـه

مرت ليالي وأبتدأ من يعذلــون ،، يرمون شوكن من يميني وشمــاله

صدق كلام اللي عني يقولــون ،، وأنكر حبيبه عن حيــاته وزالــه

مايدري إني لـ المحبه أبصـــون ،، وأبقى على ذكراه وارقب وصـالـه

أضحك وأنا من داخلي حيل مغبون ،، عـــزي لمـن مثـلي واعـــزتــالــه

لو للـحقيقه مثلي لسان / وعيون ،، ماقد شكاا مخلووق جور العدالــه


الشاعر علي سلمان السبيعي


ودمتم بود أخوكم محمد بن جابر

[الحميدي محمد الفراعنه]

لاهنت اخي الكريم على النقل وصح السان الشاعر علي سلمان السبيعي على القصيدة