منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ياعلي يانسـل مرويـن الحـراب سعد منهو رافقك واصبـح نديـم
كُتب : [ 27 - 12 - 2005 ]
يالله انـك لاتعرضنـا الـعـذاب = ياله الكـون ذو العـرش العظيـم
لذت بك يارب من فعل الخـراب = ومن عقولٍ فكرها اصبـح سقيـم
هاضني ماشفت من وقع الخطاب = والا انا طبعي على البلـوه حليـم
ياعلي ياصاحبـي يابـن الحبـاب = مكرمين الضيف وكعام الخصيـم
صغت لك علمٍ بلا حبـر وكتـاب = وقلتلي اسكت ترى ضرسي يضيم
والله ان قلبي غدى فيـه اكتـراب = من سبب ما صار من علمٍ جسيـم
شفت من وقتي وانا توي شبـاب = ما يشيب العيـن ويعـل الحكيـم
شفت ناسً تحسب الزله صـواب = ومن فعولـه طيبـه قالـو قديـم
ناقص برستيـج ملبوسـه ثيـاب = يتبع ابـلٍ فـي هواهـا مستهيـم
مادروا بان المراجل مـا تصـاب = كود من رجلٍ على الشده زويـم
حافظٍ دينـه ومـن ربـه يهـاب = وماشيٍ درب السـراط المستقيـم
والمراجل عاليه فـوق الهضـاب = مايعانقها سـوى الرجـل الفهيـم
ياعلي يانسـل مرويـن الحـراب =سعد منهو رافقك واصبـح نديـم
ياعلي شفت العجب والا العُجاب =من كلامٍ حط في صدري جحيـم
صارت سلالة عزيزيـن الجنـاب = فكرها اردى مـن افكـار البهيـم
ومشكله لا صار من قومٍ نجـاب = ذكرهم دايـم علـى الدنيـا مقيـم
ومشكله لا صار ما يحسب حساب = للكـلام اللـي يقولـه للحشـيـم
ياعلي ضاقت وابي منك الجـواب = هو صحيح النار يارثها الهشيـم؟
رد : ياعلي يانسـل مرويـن الحـراب سعد منهو رافقك واصبـح نديـم
كُتب : [ 27 - 12 - 2005 ]
شكرن يالربع على المرور بالنسبه للقصيده منقوله ولا ارعف القائل ولو عرفت لا ذكرتها وليس لي كل ما شفت مردود لابو نواف ارتعت قلت اللحين بينشدني من القائل :) ومرحبابكم وشكرن على المرور الذي زادني شرفا
رد : ياعلي يانسـل مرويـن الحـراب سعد منهو رافقك واصبـح نديـم
كُتب : [ 27 - 12 - 2005 ]
اقتباس:
المشاركة الأصلية كتبت بواسطة جزل العطايا
شكرن يالربع على المرور بالنسبه للقصيده منقوله ولا ارعف القائل ولو عرفت لا ذكرتها وليس لي كل ما شفت مردود لابو نواف ارتعت قلت اللحين بينشدني من القائل :) ومرحبابكم وشكرن على المرور الذي زادني شرفا
ياخووووووي لا ترتاع ولا شيء أنا أعرف إنك تمزح لكن والله إنني من المعجبين بكل ما تقدم لنا في جميع المجالات ولك مكانة أنت والأخوان هي مكانة الأخوة
تدري ويش مشكلتك أقولك عليها أنت ما تقدم لنا إلا كل ما هو جزل وراااااااائع وتجتهد ما شاء الله عليك في إختياراتك خاصة في مجال الشعر ولكن لا تنقل لنا أسم الشاعر ونحن إذا سئلنا عن الشاعر فذلك من شدة اعجابنا بشعره
ووالله أني أحيانا اتحسر على أني لم أعرف أسم الشاعر حتى أبحث عن دوواوينه أو قصائده
أسجل اعجابي الشديد بشخصك الكريم وبكل ما تقدم والله يعطيك العافية
هـــــــذا ولك مني ولجميع الإخوان كل تحية وتقدير واحتراااااااااااااااااااااام
رد : ياعلي يانسـل مرويـن الحـراب سعد منهو رافقك واصبـح نديـم
كُتب : [ 27 - 12 - 2005 ]
لاعصبت الراس في وقت العزاوي
مانصيت الا الزحول اهل الشجاعه
وانت ذخر يابو نواف وقـت البـلاوي
لاقسى وجه الزمن واعلن ضياعه
والله انـك قـد تعديـت الهقـاوي
وفعلك الطيب لنا ياضـي شعاعـه
يوم رديت الرساله يـا النـداوي
بيض الله وجهك ووجه الجماعـه
وابشر باللي لاكتب القصيده يذكر منهي له وشكرن على الثقه
غير متصل
