منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ياعيد لعلك علينا تعودي = الحمد لله فيك عشنا سعيدين
الحمد لك والشكر لك يا معبودي = أنت الذي لك صايمين مصلين
اموحدينك بالعباده وكودي = أنت الذي رضيت الإسلام لك دين
واروح وأرجع للتحمد واعودي = الي جمعني مع ربوع محبين
ربعي هل الناموس صلب الجدودي = كسابة للنعم مبطي وذالحين
هم القراح وهم سم الكبودي = لا كشرا سود الليالي سلاطين
وهم الأسود وهم عيال الأسودي = اللي على فعل المواجيب ضارين
رجالهم دايم بطيبه يزودي = في مجلسه تلقاء شباب ومشيبين
والباب ما يقفل عن اللي يرودي = ويفرح بهم لا جو من البعد لافين
لا جوه كنه من الجلوس محدودي = من نايد العربان ولا الموالين
وذبايحه من كاسرات العمودي = يجزع على الغالين قبل الرخيصين
والبن خولاني وعود الهنودي = لا وردوه مدورين التثامين
مهوب من اللي يجمعون النقودي = اللي يجيبه نقد واللي يجي دين
ويالله يا منزل تبارك وهودي = كثر حلال اللي بالأمجاد وافين
كثر حلال اللي بوجده يجودي = آمين يا محصي مخاليقه آمين
وجعل مراويح السحايب تقودي = تمطر على دار هله مستحقين
نوه حدور والنسايم سنودي = ويثبت على المنشاء بالأيام تسعين
تلاعج بروقه وجاله رعودي = وضفا على الوادي من يسار ويمين
وروي الرغاب وجاء لنوه فصودي = يخف نوه من مناشيه ويزين
ونبت الدبق وخضر به كل عودي = وترجع ديار مسنيه قد لها سنين
وعميت على ما قيل عين الحسودي = كل يقول الحمد لله مروين
آمين يا رب الركوع السجودي = يا منزل سورة تبارك وياسين
يالغلباااااااااااااااااا
هالقصيدة لمن ... ؟؟؟؟
وهل مازالت لصاحبها ؟؟؟؟
لاني قريت في احدى المنتديات انها نسبت لشاعر اخر
فحبيت اتأكد منكم لاني اعرف انها للشاعر فيصل بن خالد السبيعي ؟؟؟؟
وجهك ابيض اخوي س ب ع
واختي ماعليه هذا ظرف ومادامك عرفتي خلاص خلي مجلس الرجال لاهله
وبعدين هذا يبين لنا انك مهتمه في شعراء القبيله وانسابها وقصصها
وهذا شي يحسب لك
غير متصل
لمن هذه القصيدة ؟؟؟؟
