والصبر زين إلا بسهم المواشي

[البدر]

والصبر زين إلا بسهم المواشي

قصيده رائعه تعبر عن حال الأسهم والمساهمين واكيد ان راعيها قد كله مقلب جامد

ألف : أولف وأول السوق نسبه = نسبة تحت ما عاد تحتاج حسبة
سوق ضربنا فوق عشرين ضربة = والصبر زين إلا بسهم المواشي
والباء : بدينا وأشترينا وبعنا = وياليتنا فيما كسبنا قنعنا
طرنا وتعلينا ولكن وقعنا = والصبر زين إلا بسهم المواشي
والتاء : توقعنا تزيد المكاسب = وقلنا نبي نشرب لذيذ المشارب
لكن ورطنا بين عارض وطالب = والصبر زين إلا بسهم المواشي
والثاء : ثبت عندي بعلم يقيني = اني خسرت وراح ما في يميني
الله على تسديد ديني يعيني = والصبر زين إلا بسهم المواشي
والجيم : جمعنا سهوم كثيرة = ولا درينا أن الدعاوي خطيرة
حتى خسرنا والخسارة كبيرة = والصبر زين إلا بسهم المواشي
والحاء : حسافة يا جماعة فلوسي = حطيتها بأسهم وكسّرت قوسي
صحيح هالدنيا عطتنا الدروسي = والصبر زين إلا بسهم المواشي
والخاء : خلاص اقول توبه ولا أعود = لو كنت بالمكسب موصى وموعود
وهذا قرار ما علي فيه منقود = والصبر زين إلا بسهم المواشي
والدال : دجينا بسهم المواشي = نشريه غالي ثم نبيعه بلاشي
هذا جزاة اللي شرا بالخشاشي = والصبر زين إلا بسهم المواشي
والذال : ذاك اللي تسبب علينا = ويلاه لو انه يطيح بيدينا
من دون ذبحه كلنا ما رضينا = والصبر زين إلا بسهم المواشي
والراء : رمينا رمية دون رامي = وصابت وقلنا حرفنة ياسلامي
السوق طيب لين جانا الصرامي = والصبر زين إلا بسهم المواشي
والزاي : زدنا يوم شفنا المرابح = وقمنا مع العالم نزيد المطابح
ويمكن على بعض السهوم انتذابح = والصبر زين إلا بسهم المواشي
والسين : سوينا بها فاهميني = نشري نقول السوق بكره يزيني
نبغى المكاسب وأثرنا خاسريني = والصبر زين إلا بسهم المواشي
والشين : شاري يومه السوق غالي = ما همني لو زاد فيها ريالي
لا والله الا راح باقي حلالي = والصبر زين إلا بسهم المواشي
والصاد : صدق اللي سهما منول = حول ميه وسبعين واليوم حول
ينزل الى ستين شي يهول = والصبر زين إلا بسهم المواشي
والضاد : ضاربنا بسهم الفنادق = لكن رمونا مثل رمي البنادق
حتى زبنا بالحفر والخنادق = والصبر زين إلا بسهم المواشي
والطاء : طمرنا طمرة دون داعي = نبغى النسب بالباحه أو بالجماعي
واليوم يكفينا حليب المراعي = والصبر زين إلا بسهم المواشي
والظاء : ظلمني من نصحني بتعمير = ويقول لي هذا السهم مكسبه غير
وانا مطبح فيه من دون تفكير = والصبر زين إلا بسهم المواشي
والعين : عيوا يرفعون المؤشر = يمكن سياسة سوق لازم يخسر
كم واحد من ذا المؤشر مدمر = والصبر زين إلا بسهم المواشي
والغين : غيّر يالمحافظ وبدل = موضوعنا حله وبالسوق عدل
نظامكم ما هو كتاب منزل = والصبر زين إلا بسهم المواشي
والفاء : فتيحي مشترينه بطمعه = لكن جانا منه عشرين قمعه
ما اظن يستاهل حسابه وجمعه = والصبر زين إلا بسهم المواشي
والقاف : قالوا بكره السوق يرتد = والوضع اشوفه كل يوم يتعقد
مقرود يامن طاع شور المقرد = والصبر زين إلا بسهم المواشي
والكاف : كافي يا وزير التجارة = خمسين بالميه علينا خساره
ان كان تفهم في فنون الاداره = والصبر زين إلا بسهم المواشي
واللام : لبنى يوم أغارت بلا خيل = خذت بسطوتها سهوم الرجاجيل
وخلت مدامعهم تبل المناديل = والصبر زين إلا بسهم المواشي
والميم : ما تنفع سهوم العوايد = خسرانة وما عاد فيها فوايد
الفايده بالكاش لا صار زايد = والصبر زين إلا بسهم المواشي
والنون : نادوا من يعرف السلومي = وقولوا توجه يم شيخ القرومي
يحلها لا صار وقت اللزومي = والصبر زين إلا بسهم المواشي
والهاء : هروج كل يوم تعادي = كل يسوي فاهم ٍ واقتصادي
ياطيبكم عند العشاء والمنادي = والصبر زين إلا بسهم المواشي
والواو : وهقنا المسمى ابراهيم = يقول انا بقلب جميع المفاهيم
ياعزتيله علقوه الشغاميم = والصبر زين إلا بسهم المواشي
والياء : ياربي طالبك ترحم الناس = وان تنتقم يارب من فعل الأنجاس
ولا باس ياللي صابه الهم لا باس = والصبر زين إلا بسهم المواشي ..!!

[مشعاب]

رووووووووووووووووووووووووووووووووعه


ههههههههههههههههههههههههههههههههههه



تسلم يالبدر عوايدك الطيب



واللام : لبنى يوم أغارت بلا خيـل .......خذت بسطوتهـا سهـوم الرجاجيـل

وخلـت مدامعهـم تبـل المنـاديـل ..........والصبر زيـن إلا بسهـم المواشـي



ابك اظاهر اني بروح اتعلم الاسهم عقب هالقصيدة


والصبر زين الا بسهم المواشي

اني والله داري ان الغنم ما وراها خير


كان قال

الصبر كله في حليب المغاتير


اخوك مشعاب اخو عجراء

[السيف]

صح اللسانك يالبدر على هذه القصيدة

والله يعين المساكين الي مثل ذا راحت دراهمهم خسارة

تحياتي

[سلمـان]

صح لسانك يالبدر وسلمت يمناك

شكل هالمسكين اكل مقلب جامد على ماقلت


اخوك سلمان

[اخو شما]

لاهنت يالبدر على نقل هالقصيده

فعلا تحكي الواقع

[ابن شطيط]

لاهنت اخوي البدر على ايرادها

قصيده رائعه

وفعلا فعلا تحكي واقع ...!!!

التحيه لك

[خالد الشماسي]

شكرا جزيلاً يالبدر


قصيدة جزلة المعنى سهلة الأسلوب


تحكي واقع ولكن الشاعر لم يتطرق إلى الجانب الموجب من صفقاته الرابحة


ودائما الإنسان يحس بالخساره أكثرمن إحساسه بالربح


دمت يالبدر

[البدر]

اخو عجرى

لاهنت على مرورك طال عمرك وماعليك زود وانصحك

ريح راسك من الاسهم بقدر مافيه من مكسب بقدر مافيها من تعب


السيف

لاهنت طال عمرك مرورك شرف الصفحه


سلمان

لاهنت طال عمرك على مرورك الكريم

اخو شما

لاهنت على مرورك الكريم ونتمنى ان نسفيد منك في مجال الاسهم لانك اصبحت من احد خبرائها

ابن شطيط

الشكر لك على مرورك الكريم وسعداء بهذا التواصل الجميل

ابو عمر

لاهنت طال عمرك على المرور الكريم والله يكفينا شر الخساره

[ابن مشعب]

ا لصبر زين الا بسهم المواشي

المواشي تهون لاكن وش نقول بسهم شمس الي نشب بحلوقنا



لاهنت يالبدر

[البدر]

لاهنت يابن مشعب على مرورك الكريم
شارك في اتحاد الاتصالات وتعوض الخسائر ان شاء الله

اخوك البدر