يالله يا جال الأمور المهمة .....

[ابن قطنان1]

.................................................. ......بسم الله الرحمن الرحيم............................................ .....................

.................................................. ........السلام عليكم ورحمة الله وبركاته........................................... ....

.................................................. .......يا هلا وغلا بكم جميعا............................................. .................

القصيدة:لشاعر معروف توفي رحمه الله وهو الشاعر بندر بن سرور العتيبي وسبق لي التعريف به في موضوع سابق .
القصيدة:
--------------------------------------------------------------------------------

يالله يا جال الأمور المهمة =تجلى وهق قلب برى حال راعيه
البر دجته و البحر رحت يمّه =أدرج سبب حظ على الله مساعيه
يوم إن ولد اللاش رزقه على أمه =رزقي على اللي ميّت القشع يحييه
ماني وانا بندر ببياع دمه =يقطعك يا بيّاع دمّه و مهفيه
اللي يبيّع لابسات الأزمه =ثور يبي بيض العماهيج تغنيه
يزعل ليا جت ليلة الدول يمّه= يرضى بسوق المال بأخيه و أبيه
خطو البخيل اللي يكبّر معمه= يقرا الكتاب و واجب الله مخليه
أما هرج له في رفيقه بنمّه= والا عطا و أمه تضيّع هقاويه
يا مل قلب كل ما مات همّه= دارت دواليب الدهر لين تحييه
فرّاق شمل الناس عيّا يلمه= وقتن يشيب الراس من شاية فيه
أحدن ينام و حط راسه بكمه= و أحد تخم النوم عينه و تخطيه
و أحدن يحاول بالردى بنت عمه= و أحدن يحاول ستر عذرا عوانيه
تخالف الأنظار شرقن و يمّه= كلٍ هدف رايه من الناس مرضيه
أنشدك ياللي كل شي تتمه= تقرا الكتاب كل فرض تصليّه
ويش القليب اللي عميق مجمّه= ما سرّ غرسه ماه عطشى سوانيه
سم السبب يا عارفن عنه سمه= سم السبب يا عارفه قبل اسميه


اتمنى أن تنال أعجابكم



السلام ختام


ابن قطنان1

[خيَّال الغلباء]

رحم الله الشاعر الحكيم / بندر بن سرور القسامي العتيبي وسلمت يمنى الناقل

[ابن قطنان1]

و يمناك يالغالي

[وطبان]

مشكور وما قصرت والله لا يهينك

[ابن قطنان1]

العفو و لا يــــهــــنـــــــك

[ماجد الشماسي]

صح لسان الشاعر بندر

ولا هنت يابن قطنان متميز دائما

[ابن قطنان1]

و لا تـــهـــون