السلام عليكم ورحمه الله وبركاته
كيفكم إن شاءالله بخير
ابي منكم ترحيب يليق بأبن القبيله
وأبي تهنئه لأني رزقت ببنوته حلوه
بس والله محتار ايش أسميها لأنها أول وأصغر سبيعه و عمرها أسبوع
ابي منكم اسم يليق فيها ضروري
ويعطيكم العافيه مقدمآ
أخي الكريم / سبيع القصيم السلام عليكم ورحمة الله وبركاته وبعد : أرحب تراحيب المطر حللت أهلا ونزلت سهلا وأهلا هيل عد السيل والله يحييك من ممشاك إلى ملفاك بين إخوانك وفي محلك مدهال النشامى من مثلك وشرواك بيتنا الثاني منتديات قبيلة سبيع بن عامر الغلباء قال الشاعر السبيعي :
يا مرحبا باللي لفانا وجانا
= ترحيب أحلى من حليب المصاغير
هي لذة الدنيا وغاية منانا
= جمعت بني عمي على نية الخير
وقال شاعر اّخر من غير قبيلة سبيع :
يا مرحبا ترحيبة البدو بالسيل
= ترحيبة العود العمى في عياله
وإن شاء الله تجد عند إخوانك ما يسرك وتفيد وتستفيد وسم الحلوة الأمورة غلبا مع أطيب الأمنيات واسلم وسلم والسلام .
اخوي سبيع القصيم الف مبروك على المولوده والله يكتب لها الصلاح ويقر عينك بها امين يارب بصراحه عنوان الموضوع يقول فيها حياة انسانه .... شدني الموضوع وقلت بافزع هههههههههههههههههههههههه لكن طلع المطلوب اسم .... بسيطه سمها سديم او ملاك او هبه بصراحه هذي احب الاسماء عندي وتقبل تحياتي والله يديم عليك الافراح والسلام عليكم