اخواني
السلام عليكم ورحمة الله :
للتواصل معكم رغم مشاغل الحياه ولكن تبقون في الذاكره
وهذا من طيبكم وعلومكم الغانمه .. واشكر اخي الاستاذ
خالد الشماسي دائماً لأن له الفضل بعد الله في هذا الاجتماع الطيب .
يقول اخوي الشاعر / عجيب بن سعيد الذيابي :
سلام ياشيخٍِِ من اطباعه الطيب= الطيب دربه والمراجل شعاره
اعداد ماهبت هبوب الملاهيب= واعداد ماسار القمر في مساره
واعداد مايظهر من النجم ويغيب =واعداد من جاء البيت حج وزياره
مني لبو فهد عطيب المضاريب= مسعود ساس المرجله والنماره
شيخٍ على الطولات يرقى المراقيب= في ساعةٍ شبو هل الحرب ناره
له مجلسٍ فيه الكرم والمواجيب= ودلال رسلانٍ بجنب المناره
والعود الازرق يجتول بالتراحيب= على النشاما يجتول بإستداره
وله فزعةٍ تشفي كبودٍ معاطيب= اللي عليها الضيم تاره وتاره
وله وقفة ٍ مثل الجبال الشناخيب= ترسي عى البيداء بعز ووقاره
تنخاه في سود الليال المعاصيب =في ساعةٍ فيها تشوف الكداره
عزٍ لربعه والأهل والأصاحيب= في حزة الضيقات مابدا أعتذاره
الطيب ساسه ماخذاها مواهيب= جده وبوه امسلمينه قراره
من عزوةٍ عاداتها بالمكاسيب= لامن نار الحرب ولع شراره
صديقهم يشرب قراح المشاريب= وعدوهم يشرب قراحه مراره
اسبيع لاسلو سيوفٍ محاديب= فوق الاصايل حربهم بإنتحاره
اتبيع غال الروح دون التحاسيب= وعدوهم تصبح عليه الخساره
وعاداتهم تكسب حلال الاجانيب= يومٍ نهار الحرب ثور اغباره
وخويهم يجلون عنه المكاريب= والجار يغمر بالوفاء والجواره
وصلاة ربي عد منشاء الاساحيب= وعداد ماجَلّا ظلامه نهاره
ورديت عليه بهذه الابيات :
يامرحبا مليار مليار ترحيب = بالعزوه اللي معرفتهم تجاره
ترحيباً احلى من لبن شمّخ النيب = وعطره يفوح بكل ديره وحاره
اعداد ماخط القلم بالمكاتيب = واعداد ما قال البشر من عباره
شرفتنا في ملتقانا على الويب = جسر التواصل في عصور الحضاره
بين النشاما مانزل منزل العيب = مجلس وفاء لأهل الوفاء والنعاره
اقلط تفضل قدمك سبيع يالذيب = اقل واحدهم على اساس أماره
هذا محلك وانت ضمن المعازيب = وللضيف حنا نصير رهن الإشاره
حنا كبار بخوت في صفحة الغيب = واكبر دليل الحظ جابك زياره
لا تنزل الا فوق روس المراقيب = وافتح في كل قلوبنا لك سفاره
عجيب ياستر العذارى الرعابيب = وياحزام من دنياه عكس إختياره
مثلك يبين إليا حصل له تجاريب = فيه التحدي لأعتزاء والجساره
والمال من يمناه ماله محاسيب = تخفي يمينه ماعطت عن يساره
لكبرت القاله وحزم الكلاليب = واشيب عين اللي عماره دماره
يترك خطاه ويلعن ابليس ويصيب = لاحس في كبده لهيب الحراره
لو ان عصرك عاصر الزير وكليب = ماسجل التاريخ للزير غاره
من لابة(ن) مايعتريها عذاريب = كن الوفاء والطيب منها استعاره
يابعدهم عن منزل الشك والريب = قبيلة(ن) للمجد مثل الوزاره
آمان للخايف وحرش العراقيب = من دونها تشعاء النفوس السطاره
ياعتيبه الهيلا وش إنقول ونجيب = متى العتيبي مارعى حق جاره ؟!
وانتم وحنا للوطن طيب في طيب = نمشي على نهج الملك في عماره
اتمنى ان تنال استحسانكم وان ترقى الى ذائقتكم العاليه
تحياتي
اخوكم
مسعود الحويزي
غير متصل
