رد : قم يا نديبي هاتلي ما يوني = عشر هافات من الوكاله اخذوهن
كُتب : [ 11 - 10 - 2008 ]
مشكور وما قصرت والله لا يهينك
إنا لقوم أبت أخلاقنا شرفا = أن نبتدي بالأذى من ليس يؤذينا
قوم إذا خاصموا كانوا فراعنة = يوما وإن حكموا كانوا موازينا
تدرعوا العقل جلبابا فإن حميت = نار الوغى خلتهم فيها مجانينا
إن الزرازير لما قام قائمها = توهمت أنها صارت شواهينا
بيض صنائعنا خضر مرابعنا = سود وقائعنا حمر مواضينا
رد: قم يا نديبي هاتلي ما يوني = عشر هافات من الوكاله اخذوهن
كُتب : [ 15 - 04 - 2009 ]
مشكور وما قصرت والله لا يهينك
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
هب الهواء غرب (ن) وساق الخيالا= قامت تسوقه زاعجات العواصيف
مزن (ن) من المنشا بروقه تلالا =قامت تلاعج بالبروق الكواشيف
مزن (ن) عظيم (ن) مظلم (ن) كالجبالا =سود (ن) مقاديمه مزونه مقانيف
يسوقه المعبود رب الجلالا= يم البعيثه هل مزنه ذواريف
سكر هواه وصب ماها وسالا= سيل (ن) غزير (ن) ينبت العشب بالصيف
سيل (ن) يعم طعوسها والسهالا= تلقى الزبد عقب المطر كالقطاطيف
يروي مطرها معطشات الرمالا= تلقى الفقع فيها بليا مغاريف
تاخذ ثلاث أيام عد (ن) كمالا= حتى تشوف العشب منها مواريف
من بعدها ذعذاع نسيم الشمالا= نسمة هبوبه كنها نسمة الطيف
والطير غرد سبح الله تعالا= والصوت شالنه طيور الخواطيف
والغصن الأخضر بالذعاذيع مالا= قام ايتمريع معجبه قده مريف
تلقى البختري والنفل والثمالا= والربل والخزامى غصونه مناكيف
والشيح والقيصوم طلعه جلالا= والقحويان اللي شبيه المراهيف
والنار مشبوبه عليها الرجالا= في فيضة (ن) نلقى بها الأنس والكيف
والبن مصبوب (ن) بصفر الدلالا= مع زعفران (ن) صبته كالمراعيف
ونشرب من الغدران ماء (ن) زلالا= مثل العسل طعمه ولابه عواذيف
مركوبنا جيب (ن) حلال بحلالا= يا زين غرة كشنته يالغطاريف
إليا مشى يشبه سريع الغزالا= وإليا وقف ذيب (ن) نحيل السراجيف
مصنوع باليابان كمل كمالا= بيك أب حوض (ن) فيه كل التواصيف
إليا دعست البنص زمجر وصالا= غنت شكامينه بليا شفاشيف
إليا لقم باثنين غنى هلالا= يفز فزات الطيور المعاكيف
يقطع صحاري نجد صبح ولالا= جرت كفراته كما سلة السيف
هيكل جميل وفيه جملة خصالا= يفحط بخامس مع طريق المراصيف
اسمه على خشمه امدلل دلالا= حطوه صناعه رجال (ن) عواريف
جسمه رشيق (ن) مكتمل بالجمالا= وصوته كما صوت الرياح الشواعيف
إليا ركبته ما تعرف المحالا= جيب (ن) مجرب للطعوس المهاييف
إليا فحط في ماقفه ثم جالا= خلى الحصى روسه مقاطع شغانيف
موديله أربع وتسعين ما به مقالا= تصدير مجيوب (ن) بغال المصاريف
وصلوا عدد ما هل وبل (ن) وسالا= على رسول كرم الجار والضيف
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فقد وجدت في بعض المنتديات أن هذه القصيدة تنسب للشاعر الكبير / عبدالله بن فهيد بن راشد الغيداني الحربي وتعتبر من بداياته في الشعر الشعبي وهو شاعر فحل من فحول الشعر الشعبي ولكنه مقل جدا جدا من الظهور في وسائل الإعلام بمختلف أنواعها . هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .