السلام عليكم ورحمه الله وبركاته
اخواني الاعزا اعضاء منتدى قبيله سبيع
يسرني ان اضع بين ايديكم هذه القصيده الموجهه للاخ العزيز الشاعر الحميدي بن سعد السويدي السبيعي
وقت المقيل اللي به الناس ترتاح= يا هاجسي لا هنت ما فيه راحه
هات الجديد اللي له البال ينساح= وقطف ورود الشعر من كل واحه
نويت انصي القاف كساب الامداح= اللي نعده شيخ صاحب سماحه
يا ابو سعد الوقت با الخير شحاح= فيه السعد مغير شوفه لماحه
بريرته خوذه وقفل(ن) ومفتاح= على كذا نقضي مساه وصباحه
شي(ن) يخلي خافي السد ينباح= ويمل منه المجتهد في كفاحه
الى متى نرجي من الوقت الارباح= ويصير في كف الخساره رجاحه
اذكر زمان فات من عقب ما راح= ذكره يجدد للضمير انشراحه
قاسي لكني كنت با الحيل مرتاح=ما نيب احسب جيته من مراحه
على مراد القلب مسرى ومسراح= اسج فيه الرجل مع كل ساحه
كل الدروب اللي على بالي اسماح= ما رحت ادور رخصه وستراحه
من عند من با الجود معطى وشفاح=دايم هماجه زايد عن قراحه
والناس لو تعطي على جد ونصاح= تالي الدهر تلحق عليها الشفاحه
وهذا رد اخي العزيز الشاعر/ الحميدي بن سعد السوده السبيعي
وقت المقيل ابعد عن العين ونزاح= والشعر في صدري تخالف ارماحه
ثارت هواجيسه على الفكر طفاح= وخفى قدومه لين بان اجتياحه
واسبابه اللي للمواقيف نطاح=شيخ نعده من رموز الفصاحه
؟؟؟؟؟ عسى ايامه مسرات وافراح=حرك هواجيس الفكر وستباحه
ونا على الهقوات عاشق وطماح= اعشق جزيل القاف واطلق سراحه
واعدل المائل بتفكير واصلاح= با الفكر اعدل كسرته من جناحه
ويا هاجسي ما دمت للدر سباح=ما هر وعندك خبره(ن) للسباحه
هات الردود اللي كما المسك فواح= يرضي رفيق هم الايام لاحه
دارت به الدنيا على خف وجناح= وشاف السعد منها قليل (ن) رباحه
وهذي هي الدنيا مسرات وتراح= ولا احد من العالم ضمن لي نجاحه
مر(ن) تعاندنا على كل مسناح= ومر(ن) تسامحنا ولا به سماحه
شفنا بها ما شفت من هم وجراح =مير الصبر يا ؟؟؟؟؟بلسم جراحه
وليا بلاك الحض بقصار الارواح= ضعاف النفوس اهل الردى والوقاحه
فرحل عن الرديان والرزق ما باح=الرزق عند اللي كثير مناحه
مهوب عند مكثرين التمداح= ناس(ن) تمدح مير ما به فلاحه
ونا ادري انك من هل العزم يا صاح= ولانتب من اللي ثاوي في مطاحه
مير النصيحه للذكي دوم مفتاح= ومن يستشير اعطيه كل الصراحه
لو كان ماني لكثر الخلق نصاح= كل بعقله عارف وش صلاحه
اقولها صادق ولانيب مزاح= وهذا ردود اللي طلبت اقتراحه
وتم الجواب اللي كما المسك فواح= لك مرسله والعود الازرق وشاحه
غير متصل
