منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يا الله يإللي في إيديك المفاتيح = يا حايلٍٍٍٍٍٍٍٍ(ن) بين الذبيح وذبيحه
يا جابر(ن) كسر القلوب المجاريح = معتق رقاب أهل الوجيه الفليحه
تكتب لنا عندك عن النار تسريح = وتجعل منازلنا جنانا فسيحه
وسار القلم والقاف جاله نواضيح = وقدحة من راس الفتيله قديحه
ونظمت قيفاني على قافية إيح = لين إختلط نزف القلم والقريحه
وأرسلتها لأهل الوجيه المفاليح = عبر البريد إللي وصوفه مليحه
وجدي على خوة رجال(ن) طحاطيح = وعزاه يافرق الوجيه القبيحه
إللي تجرح في هل الطيب تجريح = ومن شينهم ما يسمعون النصيحه
و لا شموا الكبسه يجونك مطافيح = ولا حسبوا فعل الردى والفضيحه
أهل النميمة والنفوس المشافيح = إللي على فعل المكارم شحيحه
لعلهم فدوة رجال زحازيح = شروا هل الموقع بكلمة صريحه
إللي تقدم في الصحون المفاطيح = أهل الرحابه والنفوس المريحه
وضحت لهل الطيب بالقول توضيح = وأهل النذاله كل منهم مطيحه
وش عاد لو هلوا دموع التماسيح = وتصنعوا وأعطوك رقم الشريحه
وقالوا نبي نعمل للأوضاع تصحيح = وانس الخيانه والغدر والوقيحه
ومن لا وقف معي وأنا أقوم وأطيح = باب المعرفه قدم وجهه بليحه
وأشرحه في منتدى الشعر تشريح = حتى يعرف إن الرسايل صحيحه
وجدي علىخوة رجال(ن) طحاطيح = وعزاه يا فرقا الوجيه القبيحه
غير متصل
