منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ليّه على الطيّب كثير المشاريه= والا الردي ماني عليه أتشره
الطيّب أعزه وأقدره وأغليه= وأما الردي ماني بحبذ ممره
صديقي اللي لاتضايقت أناديه= يفزع لو إنه ساكنٍ وسط حره
يابعد رمعاته ومطيب هقاويه= ياكثر خيراته وياقل شره
وأنا ليامنه زهمني أبا أجيه = أجيه لو بانت علي المضره
أبيع عمري بيع لرضاه وأشريه= ويبشر ليا جا ينتخي بالمسره
أما طلعت أطيب منه أو بجاريه= فالطيب لين العلم ياصل مقره
ياذالزمان اللي نشوف العجب فيه= كله عجب من حد بحره لبره
عزي لمن مثلي تلد العرب فيه= الله ياهرج الأوادم محره
لومايسوي شي قالوا يسويه= شفناه شوف العين والا بجره
والناس عيت كل شي تخليه= النايم اللي في فراشه تجره
يقطع سنين الحب وسنين طاريه= ماناشنا الامن وراه المضره
واليوم علمٍ مني وملحته فيه= سكرت باب الحب تسكير مرررررره
غير متصل
كثير المشاريه
