ملحمة مجد القبيلة للشاعر الكبير / دسمان بن مناحي المحمدي السبيعي

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فإنه بين يدي قصيدة من القصائد الخالدة في ذكر أمجاد القبيلة لشاعر القبيلتين الكبير / دسمان بن مناحي المحمدي السبيعي وفقه الله وحفظه ويقول فيها :

ابدا بذكر الله رفيع المقامي= هو السلام ومنه يبدا السلامي
المقتدر محيي هميد العظامي= وبشايته تصوير الانفس والاجساد
المطلع علام مافي الخفايا= وعن خاينة الاعين وسر النوايا
رب الفلق محصي جموع البرايا= جميع مافي الكون عنده بتعداد
الهنا اللي مالنا غيره اله= معبودنا ماغيره احد عبدناه
كل الامال معلقات برجواه= حنا عبيد له اركوع وسجاد
سامع دبيب النمل فوق الحيودي =فوق الحيود السود والنمل سودي
في ليلة سوداء عربها رقودي =الا خطيب ضارين بالتهجاد
اللي فتق سبع السموات فتقا= من بعد ماكانت مع الارض رتقا
يالله عسانا من بلاويك عتقا =في ساعة يكثر بها عض الانجاد
ياحي ياقيوم ياعالم الغيب= ياواقي العثرة وياساتر العيب
تلطف بمن سالك ومن جودك تجيب =انت الذي بامرك تصاريف الانواد
يافالق الحبة ويارافع الطير= يامنزل الماء من مزون مزابير
ياخير من يجزي هل الخير بالخير= ياباعث الانسان من تحت الالحاد
ياخالق الجنة وياخالق النار =للجنة ابرار وللنار فجار
ميزان عدل وكل شئ بمقدار= منك الطغاة مقرنين بالاصفاد
يامهلك فرعون يامهلك عاد =يامهلك اللي جابوا الصخر بالواد
انت لهم يوم الملاقى بمرصاد =وبالريح دمرت ايراما ذات الاعماد
مجري سفينة نوح من فوق طوفان =اللي عليها اثنان من كل زوجان
ارست على الجودي وكان الذي كان =في حكمة اللي عالم غيب الارصاد
يامقدر الاجال ياعالم الحال= حنا تحت رحمتك في يوم الاهوال
في يوم لاينفع بنين ولامال= يكود من قلبه سليم وعباد
عباد للي يعلم الكائنات =يرجي ثواب منزل المحكمات
ايات حق وكلهن معجزات= ترتيلهن يغني عن الشرب والزاد
باسمك بدينا القاف وابك استعنا= ولاقط في غرات مسلم طعنا
ولانتبع المقفي ليا صد عنا= تبت يد اللي للمقفين نشاد
من بعد ذا عندي بمجد القبيلة =نوادر ماهي علينا دخيله
يكفي عن الهرج المطول قليله= ان ما نقص هرجي عن الصدق مازاد
حنا سبيع مطوعين الخصومي= وحنا سبيع موردين السهومي
وحنا سبيع اللي سعدنا يقومي= ينهض سعدنا لاتردن الاسعاد
سبعان لاقالوا على الخيل سبعان= من ماضي الدنيا هل سنان وعنان
نمشي بقو الزند والسيف شامان= ريف القصير وللعدا سم الاكباد
ياما خذينا من حفيف قلاعه =لاطار عن وجه المزين قناعه
يسوقنا زود الدجر والشجاعة= ياما كسبناها صباح ومهجاد
حنا ليا منا نوينا بعدوه =مانجعل الدخان للنصر قدوه
كلن نسوقه لين نقصيه مدوه= نتعب ظهور الخيل ونطول الاماد
كم خايع قفر نجيه ونعسه= وكم طارفة قوم قلعنا مرسه
يبطي وهو منا صوابه بنسه= لاذاق منا ملحة الحرب ماعاد
سقم الخصوم مبعدين المشاحي= مروين حد مكعبات الرماحي
كسابة الطالة نهار الصياحي= واليا عطينا الوعد نوفي بالاوعاد
دواسة الجمع المناحر ليا هيب= بالخيل والسلة وسرد محاديب
ومذلقات يوسعن المضاريب= والجبخان وضرب صلفين الاولاد
نبيد جمع معسكرات السرايا =ونشوش فوق المكرمات السبايا
لاغردن بالصوت بيض الصبايا= نفضا الجموع لعين مركوز الانهاد
تلمنا الغلباء وحنا قبايل= قبايل يذري ذراها قبايل
من طيبهم طالوا على كل طايل= ساس المعرفه والمروه والامجاد
مانقطع الساقه ولاناكل السور= ولانذبح الغافل ولانشهد الزور
ولاننقل النمه ولانجحد النور =ولانوقت الساعه لغراة الاجواد
حنا هل الشيمه بعيدين الانظار= مانزعل العاني ولانزعل الجار
ليا هفت ملة قصيرين الاشبار =انفوسنا ماهي دنياة وازهاد
حنا هل الردات لاصاح صايح= ليا غدت جرد السبايا سبايح
كسابة الطالة نهار المدايح =نرجع ونسقي خصمنا مر الاكباد
نمشي مع البيرق عضود الامامي= شرق وغرب وفي جنوب وشامي
بياعة الارواح يوم الزحامي =قوم على حرابنا علة فؤاد
تشهد لنا البيداء ويشهد لنا الجيش= وصنع اليهود معكفات النواتيش
وسيوف هند في يدين الداغيش= تشهد لنا نطاقة الصاد والضاد
ناطا الحما في شف سجح الخلايا =جرد الرقاب مبعدات الهوايا
وان قامت الاعداء علينا حمايا =ندوس غبات الخطر جد واعناد
نفرح بفنجال المبارز ليا سيق =لوكان هو صعب ومر اليا ذيق
ويفرح بنا المضهود في ساعة الضيق= نبوج عنه الظلم والنور ينقاد
دخيلنا يامن وتامن جواده =عام وشهرين وعشر زياده
نفرض على طلابته فرض اراده= وحنا لمن يلجا لنا كن وبراد
تامن بنا حنا الشعاف المصاغير= نرعا بها بالخوف وقت المخاضير
ونظمي بها في نازحات المصادير= واللي يبينا لاعرف وسمنا حاد
احسن محل في الجزيره خذيناه =بمثمر لاصادم العظم يشظاه
من فوق حيل للمطارد مضراه= ويدرا خطرنا اللي ورا حد الاكراد
حنا هل واهل الجهامه= وعرق حمينا فيه بيض النعامه
وايضا خذينا عصب نجد وسنامه =ولاجاء لنا الا عقب غارات وطراد
خذنا من العارض ليا جو عوجان= بالسيف ماجتنا بتسليم الاثمان
دار لهزعات المراقيب مقطان =تسمن بها شيب القرا قبل الاذواد
زحنا صناديد الاشاويس عنها =بمشوك كن السحايب دخنها
حتى ثنينا في يدينا رسنها =من فضل رب للمخاليق جواد
كم ضربة منا تفج الترايب =وكم ذود مصلاح نجيبه غصايب
وكم مربع سقنا عليه الركايب =يلقى لها مع صحصح الخبت مرجاد
واليا غزونا ناقلين البواريد= يبغون حلوات اللبن شمخ القيد
هذاك يوم عندنا كنه العيد= يوم التشابك عندنا مثل الاعياد
نفرح بهم فرحة قريب بقربه =اليا تحلا ديرته عقب غربه
وانفك له من شوف الاقراب كربه= ومحقق في غربته كل ماراد
نذبح مذربهم ونلثم شباهم= ويطيح بيرقهم ويظلم سماهم
ونحطهم عبره لقوم وراهم= يمسون فوق كبودهم مثل الاوتاد
ناخذ على الخيل الاصايل عجاريف= بالرمح والمزروع والدرع والسيف
نولف فراق ونفرق مواليف= وحرابنا نقطع هجومه والامداد
كم واحد ينقل علينا ضغينه= طويلن لسانه قصيره يمينه
في كل سبل المرجله غالبينه =في خشمه خطام وفي رجله قياد
نرفع كرامتنا عن الهرج لاراب= ولانندفع في ساقة النجم لاغاب
ولاندعي وسط المجالس بالاكذاب =للخير حصاد وللشر حصاد
مانستمع لمحرفين السوالف= هذارة المجلس وجيه المكالف
اللي لها اعراض الاوادم معالف= ولاهمنا مغرض ولا قول حساد
هذي مزايانا وهذا فخرنا =سون على صف المحارب خطرنا
ننزل ديار اخصامنا مع ديرنا= بمصقل ينزل على المتن قداد
عديت فعل مخرقين الطوابير =مخضبة حدب السيوف البواتير
ان فرحوا الصدقان خير على خير =وان كضمت خطر هل الغيض وش عاد
موجز وفي بعض العلوم اختصرنا =ديره هدمناها وديره عمرنا
بيض صحايفنا بعيد نظرنا =علم عليه الله والاجواد شهاد
من دون نقص في حقوق القبايل =مروين حد مفتقات السلايل
يوم المشاكل والخطر والدبايل =ومصادم الدنيا بخفخاف وزناد
قبايل فوق الجزيره مقيمه= ولهم تواريخ وقيمه وشيمه
تقاسموا ثم ارتضوا بالقسيمه= ومن جاد حظه مع ظروف الدهر جاد
قبايل مااحد يقف في نصدها= جبع محازمها كثير عددها
توعد وتوفي في المواقف وعدها= امجادهم تذكر قديمات وجداد
ذكرتهم من دون عد وتخصيص =اخاف من هرج يجي فيه تنقيص
للعلم باب وللخطايا قوانيص= وانا عن الزله احب التركاد
والحضر صافين القلوب المشاكيل= سم تغلغل في القلوب المغاليل
تسمع بناديهم للاذكار تهليل =اهل سفرة تندل واهل بن وقناد
للمعرفه والخير فيهم مواري= رجالهم في بذل الاحسان ضاري
حديث مسلم عندهم والبخاري =والنصح منهجهم والافتاء والارشاد
واليوم في نعمه وحكم السعودي= والراية الخضراء براس العمودي
والعود يكسر في عيون الحسودي= امن وامان ونعمة واكل ورقاد
كلن تحت فية علمهم يفلي =حج الجمل وانكف وصلى المصلي
وتبدلت كوخ الكواويخ زلي =وعاشوا بظل الامن والخير يزداد
شعب جعلنا الله للاسلام خدام =واظهر لتصريف امرنا خير الانام
اختارهم رب السماوات حكام= ولموا شتات الشعب عقب التشراد
راحت عصور الظلم مع فايت فات= والسلب في ايام الجهل والقوامات
والشرك وانواع البدع والخرافات =وتوقفت عنا قواميس الالحاد
فضل من المولى عزيز الجلالا =ثم السعود مخضبين السلالا
كواكب فوق الجزيره تلالا= خير على الخير وضد للاضداد
مدوا حبال الامن في كل ديره =واستاصلوا عنا الخيوط الشريره
يفخر بهم سكان شبه الجزيره= سادوا على من قبلهم كانوا اسياد
حطوا لهم في عالية نجد حجري= في الف وميه وسبع وخمسين هجري
بشلفا ومصقول وبن ونجري =وعلم ودين وضرب مسقوف واشداد
من ذلك التاريخ لليوم حكام =ومواكبين سبق الركب قدام
شر على الظالم ونصر للاسلام =بذالة المعروف خطلان الاياد
ترجمت فحوى الهاجس اللي طرا لي= مثلي مثل غيري وجالي مجالي
لانيب انا الاول ولانيب تالي =لي مع ورود الماء مقام وميراد
عبرت عن ما في ضميري يجولي= وموثق بالمستندات قولي
قول على حسب الثقه والاصولي= متحفظ عن كل شاعر وقصاد
مثايل تبقى على طول الازمان= يعرف لها من بين الاشعار عنوان
ابغي ليا من قيل وش قال دسمان= ارضيك ياللي للشعاعير نقاد
اقولها مانيب ادور عطايا= ولاابغي من التاجر فلوس وهدايا
ولاارجي من العالم كفية بلايا= مااحد يريد ووالي العرش مااراد
هذي عدد وقفاتها اربعمية بيت= خصيص في مجد القبيلة ولاافويت
وعلى محمد سيد الرسل صليت= المستقيم الناصح المرشد الهاد
ازكى صلاة عد ما هل همال= وماغرد القمري على روس الاقذال
على الشفيع بيوم تقسيم الاعمال= اللي يصلي والمخاليق هجاد

صح لسان أبو ثواب منقول وأنتم سالمون وغانمون والسلام .

[مخايل الغربي]

بسم الله الرحمن الرحيم

الاخ خيال الغلباء السلام عليكم ورحمة الله وبركاته وبعد اشكرك جزيل الشكر على ايراد هذه الملحمة في القبيلة للشاعر الكبير دسمان بن مناحي صح لسان ابو ثواب وسلمت يمينك على النقل وانت سالم وغانم والسلام

[منصور الحري]

سبعان لاقالوا على الخيل سبعان=من ماضي الدنيا هل سنان وعنان
نمشي بقو الزند والسيف شامان=ريف القصير وللعدا سم الاكباد

لاهنت أخوي على المشاركة الطيبة

[خيَّال الغلباء]

أخي الكريم / مخايل الغربي السلام عليكم ورحمة الله وبركاته وبعد لقد أشرقت الملحمة بمرورك وصح لسان الشاعر الكبير / دسمان بن مناحي المحمدي السبيعي وعادته الجزاله وأنت سالم وغانم والسلام

[فـــالح السبيعي]

أخي الغالي خيال الغلباء
صح لساااان أبوثواب على هذه المعلقه
وبيض الله وجهك على النقل الراااائع

[خيَّال الغلباء]

بسم الله الرحمن الرحيم

استاذي العزيز ابو بندر فالح السبيعي السلام عليكم ورحمة الله وبركاته وبعد اشكرك جزيل الشكر على المرور بملحمة الشاعر الكبير ابو ثواب دسمان بن مناحي المحمدي السبيعي صح لسانه واشرق المتصفح بمرورك العطر تقبل فائق الشكر والامتنان وانت سالم والسلام

[خيَّال الغلباء]

المشاركة الأصلية كتبت بواسطة خيال الغلباء

بسم الله الرحمن الرحيم

بين يدي قصيدة من القصائد الخالدة في ذكر أمجاد القبيلة لشاعر سبيع الكبير / دسمان بن مناحي المحمدي السبيعي

ابدا بذكر الله رفيع المقامي= هو السلام ومنه يبدا السلامي
المقتدر محيي هميد العظامي= وبشايته تصوير الانفس والاجساد
المطلع علام مافي الخفايا= وعن خاينة الاعين وسر النوايا
رب الفلق محصي جموع البرايا= جميع مافي الكون عنده بتعداد
الهنا اللي مالنا غيره اله= معبودنا ماغيره احد عبدناه
كل الامال معلقات برجواه= حنا عبيد له اركوع وسجاد
سامع دبيب النمل فوق الحيودي =فوق الحيود السود والنمل سودي
في ليلة سوداء عربها رقودي =الا خطيب ضارين بالتهجاد
اللي فتق سبع السموات فتقا= من بعد ماكانت مع الارض رتقا
يالله عسانا من بلاويك عتقا =في ساعة يكثر بها عض الانجاد
ياحي ياقيوم ياعالم الغيب= ياواقي العثرة وياساتر العيب
تلطف بمن سالك ومن جودك تجيب =انت الذي بامرك تصاريف الانواد
يافالق الحبة ويارافع الطير= يامنزل الماء من مزون مزابير
ياخير من يجزي هل الخير بالخير= ياباعث الانسان من تحت الالحاد
ياخالق الجنة وياخالق النار =للجنة ابرار وللنار فجار
ميزان عدل وكل شئ بمقدار= منك الطغاة مقرنين بالاصفاد
يامهلك فرعون يامهلك عاد =يامهلك اللي جابوا الصخر بالواد
انت لهم يوم الملاقى بمرصاد =وبالريح دمرت ايراما ذات الاعماد
مجري سفينة نوح من فوق طوفان =اللي عليها اثنان من كل زوجان
ارست على الجودي وكان الذي كان =في حكمة اللي عالم غيب الارصاد
يامقدر الاجال ياعالم الحال= حنا تحت رحمتك في يوم الاهوال
في يوم لاينفع بنين ولامال= يكود من قلبه سليم وعباد
عباد للي يعلم الكائنات =يرجي ثواب منزل المحكمات
ايات حق وكلهن معجزات= ترتيلهن يغني عن الشرب والزاد
باسمك بدينا القاف وابك استعنا= ولاقط في غرات مسلم طعنا
ولانتبع المقفي ليا صد عنا= تبت يد اللي للمقفين نشاد
من بعد ذا عندي بمجد القبيلة =نوادر ماهي علينا دخيله
يكفي عن الهرج المطول قليله= ان ما نقص هرجي عن الصدق مازاد
حنا سبيع مطوعين الخصومي= وحنا سبيع موردين السهومي
وحنا سبيع اللي سعدنا يقومي= ينهض سعدنا لاتردن الاسعاد
سبعان لاقالوا على الخيل سبعان= من ماضي الدنيا هل سنان وعنان
نمشي بقو الزند والسيف شامان= ريف القصير وللعدا سم الاكباد
ياما خذينا من حفيف قلاعه =لاطار عن وجه المزين قناعه
يسوقنا زود الدجر والشجاعة= ياما كسبناها صباح ومهجاد
حنا ليا منا نوينا بعدوه =مانجعل الدخان للنصر قدوه
كلن نسوقه لين نقصيه مدوه= نتعب ظهور الخيل ونطول الاماد
كم خايع قفر نجيه ونعسه= وكم طارفة قوم قلعنا مرسه
يبطي وهو منا صوابه بنسه= لاذاق منا ملحة الحرب ماعاد
سقم الخصوم مبعدين المشاحي= مروين حد مكعبات الرماحي
كسابة الطالة نهار الصياحي= واليا عطينا الوعد نوفي بالاوعاد
دواسة الجمع المناحر ليا هيب= بالخيل والسلة وسرد محاديب
ومذلقات يوسعن المضاريب= والجبخان وضرب صلفين الاولاد
نبيد جمع معسكرات السرايا =ونشوش فوق المكرمات السبايا
لاغردن بالصوت بيض الصبايا= نفضا الجموع لعين مركوز الانهاد
تلمنا الغلباء وحنا قبايل= قبايل يذري ذراها قبايل
من طيبهم طالوا على كل طايل= ساس المعرفه والمروه والامجاد
مانقطع الساقه ولاناكل السور= ولانذبح الغافل ولانشهد الزور
ولاننقل النمه ولانجحد النور =ولانوقت الساعه لغراة الاجواد
حنا هل الشيمه بعيدين الانظار= مانزعل العاني ولانزعل الجار
ليا هفت ملة قصيرين الاشبار =انفوسنا ماهي دنياة وازهاد
حنا هل الردات لاصاح صايح= ليا غدت جرد السبايا سبايح
كسابة الطالة نهار المدايح =نرجع ونسقي خصمنا مر الاكباد
نمشي مع البيرق عضود الامامي= شرق وغرب وفي جنوب وشامي
بياعة الارواح يوم الزحامي =قوم على حرابنا علة فؤاد
تشهد لنا البيداء ويشهد لنا الجيش= وصنع اليهود معكفات النواتيش
وسيوف هند في يدين الداغيش= تشهد لنا نطاقة الصاد والضاد
ناطا الحما في شف سجح الخلايا =جرد الرقاب مبعدات الهوايا
وان قامت الاعداء علينا حمايا =ندوس غبات الخطر جد واعناد
نفرح بفنجال المبارز ليا سيق =لوكان هو صعب ومر اليا ذيق
ويفرح بنا المضهود في ساعة الضيق= نبوج عنه الظلم والنور ينقاد
دخيلنا يامن وتامن جواده =عام وشهرين وعشر زياده
نفرض على طلابته فرض اراده= وحنا لمن يلجا لنا كن وبراد
تامن بنا حنا الشعاف المصاغير= نرعا بها بالخوف وقت المخاضير
ونظمي بها في نازحات المصادير= واللي يبينا لاعرف وسمنا حاد
احسن محل في الجزيره خذيناه =بمثمر لاصادم العظم يشظاه
من فوق حيل للمطارد مضراه= ويدرا خطرنا اللي ورا حد الاكراد
حنا هل واهل الجهامه= وعرق حمينا فيه بيض النعامه
وايضا خذينا عصب نجد وسنامه =ولاجاء لنا الا عقب غارات وطراد
خذنا من العارض ليا جو عوجان= بالسيف ماجتنا بتسليم الاثمان
دار لهزعات المراقيب مقطان =تسمن بها شيب القرا قبل الاذواد
زحنا صناديد الاشاويس عنها =بمشوك كن السحايب دخنها
حتى ثنينا في يدينا رسنها =من فضل رب للمخاليق جواد
كم ضربة منا تفج الترايب =وكم ذود مصلاح نجيبه غصايب
وكم مربع سقنا عليه الركايب =يلقى لها مع صحصح الخبت مرجاد
واليا غزونا ناقلين البواريد= يبغون حلوات اللبن شمخ القيد
هذاك يوم عندنا كنه العيد= يوم التشابك عندنا مثل الاعياد
نفرح بهم فرحة قريب بقربه =اليا تحلا ديرته عقب غربه
وانفك له من شوف الاقراب كربه= ومحقق في غربته كل ماراد
نذبح مذربهم ونلثم شباهم= ويطيح بيرقهم ويظلم سماهم
ونحطهم عبره لقوم وراهم= يمسون فوق كبودهم مثل الاوتاد
ناخذ على الخيل الاصايل عجاريف= بالرمح والمزروع والدرع والسيف
نولف فراق ونفرق مواليف= وحرابنا نقطع هجومه والامداد
كم واحد ينقل علينا ضغينه= طويلن لسانه قصيره يمينه
في كل سبل المرجله غالبينه =في خشمه خطام وفي رجله قياد
نرفع كرامتنا عن الهرج لاراب= ولانندفع في ساقة النجم لاغاب
ولاندعي وسط المجالس بالاكذاب =للخير حصاد وللشر حصاد
مانستمع لمحرفين السوالف= هذارة المجلس وجيه المكالف
اللي لها اعراض الاوادم معالف= ولاهمنا مغرض ولا قول حساد
هذي مزايانا وهذا فخرنا =سون على صف المحارب خطرنا
ننزل ديار اخصامنا مع ديرنا= بمصقل ينزل على المتن قداد
عديت فعل مخرقين الطوابير =مخضبة حدب السيوف البواتير
ان فرحوا الصدقان خير على خير =وان كضمت خطر هل الغيض وش عاد
موجز وفي بعض العلوم اختصرنا =ديره هدمناها وديره عمرنا
بيض صحايفنا بعيد نظرنا =علم عليه الله والاجواد شهاد
من دون نقص في حقوق القبايل =مروين حد مفتقات السلايل
يوم المشاكل والخطر والدبايل =ومصادم الدنيا بخفخاف وزناد
قبايل فوق الجزيره مقيمه= ولهم تواريخ وقيمه وشيمه
تقاسموا ثم ارتضوا بالقسيمه= ومن جاد حظه مع ظروف الدهر جاد
قبايل مااحد يقف في نصدها= جبع محازمها كثير عددها
توعد وتوفي في المواقف وعدها= امجادهم تذكر قديمات وجداد
ذكرتهم من دون عد وتخصيص =اخاف من هرج يجي فيه تنقيص
للعلم باب وللخطايا قوانيص= وانا عن الزله احب التركاد
والحضر صافين القلوب المشاكيل= سم تغلغل في القلوب المغاليل
تسمع بناديهم للاذكار تهليل =اهل سفرة تندل واهل بن وقناد
للمعرفه والخير فيهم مواري= رجالهم في بذل الاحسان ضاري
حديث مسلم عندهم والبخاري =والنصح منهجهم والافتاء والارشاد
واليوم في نعمه وحكم السعودي= والراية الخضراء براس العمودي
والعود يكسر في عيون الحسودي= امن وامان ونعمة واكل ورقاد
كلن تحت فية علمهم يفلي =حج الجمل وانكف وصلى المصلي
وتبدلت كوخ الكواويخ زلي =وعاشوا بظل الامن والخير يزداد
شعب جعلنا الله للاسلام خدام =واظهر لتصريف امرنا خير الانام
اختارهم رب السماوات حكام= ولموا شتات الشعب عقب التشراد
راحت عصور الظلم مع فايت فات= والسلب في ايام الجهل والقوامات
والشرك وانواع البدع والخرافات =وتوقفت عنا قواميس الالحاد
فضل من المولى عزيز الجلالا =ثم السعود مخضبين السلالا
كواكب فوق الجزيره تلالا= خير على الخير وضد للاضداد
مدوا حبال الامن في كل ديره =واستاصلوا عنا الخيوط الشريره
يفخر بهم سكان شبه الجزيره= سادوا على من قبلهم كانوا اسياد
حطوا لهم في عالية نجد حجري= في الف وميه وسبع وخمسين هجري
بشلفا ومصقول وبن ونجري =وعلم ودين وضرب مسقوف واشداد
من ذلك التاريخ لليوم حكام =ومواكبين سبق الركب قدام
شر على الظالم ونصر للاسلام =بذالة المعروف خطلان الاياد
ترجمت فحوى الهاجس اللي طرا لي= مثلي مثل غيري وجالي مجالي
لانيب انا الاول ولانيب تالي =لي مع ورود الماء مقام وميراد
عبرت عن ما في ضميري يجولي= وموثق بالمستندات قولي
قول على حسب الثقه والاصولي= متحفظ عن كل شاعر وقصاد
مثايل تبقى على طول الازمان= يعرف لها من بين الاشعار عنوان
ابغي ليا من قيل وش قال دسمان= ارضيك ياللي للشعاعير نقاد
اقولها مانيب ادور عطايا= ولاابغي من التاجر فلوس وهدايا
ولاارجي من العالم كفية بلايا= مااحد يريد ووالي العرش مااراد
هذي عدد وقفاتها اربعمية بيت= خصيص في مجد القبيلة ولاافويت
وعلى محمد سيد الرسل صليت= المستقيم الناصح المرشد الهاد
ازكى صلاة عد ما هل همال= وماغرد القمري على روس الاقذال
على الشفيع بيوم تقسيم الاعمال= اللي يصلي والمخاليق هجاد

صح لسان أبو ثواب وأنتم سالمون وغانمون والسلام .

أخي الكريم / منصور الحري السلام عليكم ورحمة الله وبركاته وبعد : شكرا جزيلا لك على مرورك الكريم بالملحمة ولقد أشرقت بمرورك عليها وصح لسان الشاعر الكبير / دسمان بن مناحي المحمدي السبيعي وعادته الجزاله وأنت سالم وغانم والسلام .

[سعد الجبري]

جــــ ع ــــــل عـــــمــــركــ طـــوويــل يــا دســمان
صح لساانك مليار
ووبيض الله ووجهك

[خيَّال الغلباء]

أخي الكريم / سعد الجبري السلام عليكم ورحمة الله وبركاته وبعد : شكرا جزيلا لك على مرورك الكريم بملحمة القبيلة ولقد أشرقت بمرورك عليها وصح لسان الشاعر الكبير / دسمان بن مناحي المحمدي السبيعي وعادته الجزاله مع أطيب الأمنيات واسلم وسلم والسلام .

[ابن عبيدان]

من حسن الصدف كنت انا وابو ثواب البارح نتكلم حو ل مشاركاتة في منتديات سبيع لاني من الناس الي اتمنى ان يكون لبو ثواب ديوان في المنتدى حتى يتمكن القاري والمحب لهذا العملاق من قراءت قصايدة 0 وكنت اريد هذة المعلقة وابحث عنها0

مشكور ياخيال الغلباء اختصرت علي المسافة وبيض الله وجهك يالغالي والشكر موصول لبو ثواب على هذة المعلقة العصماء

تحياتي