قصيده متواضعه تحتاج تقييم وابغى رايكم بكل صراحه ويا ابو خالد يهمني رايك ...

[نجم سبيع الغلبا]

بسم الله الرحمن الرحيم



هذه ابيات متواضعه


وابي رايكم بصراحه ولا ابي احد يجاملني

ابي رايكم من حيث (( الوزن .. الفكره .. والقافيه ))

رفيقن لاخسرته خسرت العمر كله = ورفيقن مخاواته تراها اكبر خساره
ورفيقن يحوش الطيب دقه وجله = ورفيقن مماشته تراهـــا عيـــاره
ورفيقن فاتحن عينه على كل زله = ورفيقن مافتح عيونه على عيب جاره
ورفيقن مايقرب درب الردى والمذله = ورفيقن على درب الردى شب ناره
ورفيقن درب الكرم والطيب دله = ورفيقن سواليفه لاجاك حصه وساره
ورفيقن بهر الكيف وجهز الدله = ورفيقن لاماشيته تحوم المراره
وانت الكريم اللي تبري العله = راسك يشـوش ويقــدح شــراره

[المثري]

وانت الكريم اللي تبري العله 0000راسك يشوش ويقدح شراره

وانت الكريم اللي تبري العله 0000راسك يشوش ويقدح لك شراره

انا لست بشاعر ولكن اتذوق الشعر وش رايك بالبيت بعد التعديل رد علي
وعلى كل هي جزلة بالحيل وصح لسانك

[نجم سبيع الغلبا]

مشكور على مرورك يالغالي

واظن البيت

راسك يشوش ويقدح لك شراره

مكسور اذا اضفت لك قبل شراره

والله منيب عاد ظابط الوزن مره


على كلا بيض الله وجهك

[سبيعي مهجول]

السلام عليكم
اخوي انا شاعر مبتدى
واقول لويكون البيت



وانت الكريم اللي تبرالي العله ................................................ راسك يشوش ويتقادح شراره



ارجو اذا كان يوجد اخطاء الرد
وشكرا

[نجم سبيع الغلبا]

البيت على شكله الاول مهوب مكسور

وانت الكريم اللي تبري العله ..... راسك يشوش ويقدح شراره


ومشكور ياولد العم على مرورك الطيب وبيض الله وجهك

[al-sary]

مشكور

[ابن كسران]

السلام عليكم ورحمة الله وبركاته

يعطيك العافية القصيدة لاباس فيها ولا تعتبرني ناقد فانا مثلك مبتدي ولكن اعجبني القاف وجادت قريحتي

مثل مايقولو وهذاالرد على قصيدتك وسامحنا وتقبل تحياتي ويهمني رايك وراي الا خوان اعضا المنتدى

ولا هنــتووووووووووووووووووووووووووووووووو


لاتفكر خل عنك الفكر خلة ****** لاتفكر غير في صيد الحبارة

اسعة البارك اللة في المذلة ****** السعيد الي قدح في البر نارة

لاتفكر في الكباري والمضلة ****** لاتفكر كود في قدح اشرارة

دور الطيب وخل اشين خلة ****** دورالي مكسبة مكسب عمارة

الرجال الرجال وحكمة من اللة ****** وضعيف الي يسميها شطارة

ونجم معروف تخفية الاهلة ****** وصقر معروف لشاف الحبارة

[ابن كسران]

--------------------------------------------------------------------------------

السلام عليكم ورحمة الله وبركاته

يعطيك العافية القصيدة لاباس فيها ولا تعتبرني ناقد فانا مثلك مبتدي ولكن اعجبني القاف وجادت قريحتي

مثل مايقولو وهذاالرد على قصيدتك وسامحنا وتقبل تحياتي ويهمني رايك وراي الا خوان اعضا المنتدى

ولا هنــتووووووووووووووووووووووووووووووووو


لاتفكر خل عنك الفكر خلة ****** لاتفكر غير في صيد الحبارة

اسعة البارك اللة في المذلة ****** السعيد الي قدح في البر نارة

لاتفكر في الكباري والمضلة ****** لاتفكر كود في قدح اشرارة

دور الطيب وخل اشين خلة ****** دورالي مكسبة مكسب عمارة

الرجال الرجال وحكمة من اللة ***** وضعيف الي يسميها شطارة

ونجم معروف تخفية الاهلة ****** وصقر معروف لا شاف الحبارة

[نجم الجدي]

السلام عليكم ورحمة الله وبركاته
كيف حالك يانجم سبيع قصيدتك هذي تدل على نضوج العقل فانها تحتوي على حكم وامثال وهي من ناحية القافيه جميله ومن ناحية المعنى جميله ولكن من ناحية الوزن ليس وزنها مستقيم عليك ان تلحن اباتك وستعرف الخلل وبامكانك التغلب على الوزن بالممارسه اتمنا لك التوفيق وانتظر جديدك .....

[ابن كسران]

السلام عليكم ورحمة الله وبركاته




الاخ نجم الجدي الرسالة وصلت لي ويعطيك العافيه على المرور وكرر مرورك وعطنا رايك



وكلنا واحد ووووووووووووووووووووا



ا خوك ابن كسران