قصيدة مناسبه

[هندي بن فالح]

هذه القصيده بمناسبة عزيمة الشيخ/جري بن هملان للشيوخ آل شويه

وفي مقدمتهم الشيخ/محمد بن نايف بن شويه

بالمبتدأ والليل نوره بادي=بديت بإسم الله عليم الغيب
اللي خلقنا ما عبدنا غيره=رب الخلايق للعباد مجيب
قالوا بني شويه لفوا طرقيه=قلنا هلا ما يكفي الترحيب
يامرحبا ترحيبةٍ مثنيه=بنٍ وهيل وزعفران وطيب
باللي لهم فعلٍ قديم وحاضر=أهل المراجل كلها بالجيب
يامرحبا ياضيوف عند معزب=جري عزم ويكثر الترحيب
ضيوفنا منا حزام وفزعه=الجد واحد دون شك وريب
والدرب واحد في الرخاء والشده=من يوم بقعاء وقتها عجيب
وأنا قريشي في محل قريشي=لو كان ما تحتاج للتنسيب
لكن عندي علم ياعرافه=ويالله عسى كل السهوم تصيب
سهوم حق ولا سهوم الباطل=تسلم من التزوير والتكذيب
جري ولد هملان مروي ملقاء=طلق الذراع منزح الحريب
وإبن مشاري قايد السرايا=مورد الظامي على القليب
وفيصل ولد هذال شال الرايه=حامي وحوش العرق قول مصيب
وثعلي ليا هلل وساق البيرق=يمطر سماها والنجوم تغيب
ودغيم إبن جميع يوم عصوره=على طريقه يتعبن الشيب
وجمل وزامل للحمول جمال=لا شرف السبار بالرقيب
وعيد السميري يعرفن فعوله=في ساعةٍ منها الرجال تشيب
والهيبري سمي وفعله بادي=والذيب يشبع في طريق عضيب
وإبن مديبغ والهويج مشرع=يردون حوض من المخافه هيب
وإن قيل يالجدعي وقالوا فالح=فالح ليا سموه بن غريب
وضيدان إبن هباس من ميقافه=للضد ضد وللصحيب صحيب
والعذر للي ما ذكرت أسماهم=إمكرمين بدون نقص وعيب
وإنا سبيع ونعتزي بالغلباء=تعرف مواقفنا شباب وشيب
وإن جاء النهار اللي تحن رعوده=والوقت قاسي والمقام صعيب
راسين بالميقاف وقت الشده=درع الغروس متعبين الشيب
وإنا هل الغلباء هل المثلوثه=يوم الزمان يجوع حتى الذيب
أملاكنا الوديان من ماضينا=ورماح مكسب في نهار تعيب
وكل القبايل وافيات فعولها=متوازعين المجد بالترتيب
واليوم في حكم آل السعود العادل=سور البلد حماية الغريب
وختام مايبدا صلاةٍ على النبي=شفيعنا بالموقف الحسيب

الشاعر/هندي بن فالح بن مشوط القريشي السبيعي

[أبو يزيد]

الشاعر القدير

هندي بن فالح

تشرفت بمصافحة هذه الدره الثمينه التي تليق بمن ذكرت من الرجال الاشاوس وسبيع الغلباء

صح لسانك مليوووووووووووون

واهلااا بك في شبكة ومنتديات سبيع الغلباء

[شحيفان بن ملفي]

صح لسانك ولاهنت اخوي


اخوك/شحيفان بن ملفي العريني

[فـــالح السبيعي]

الشااعر القدير

هندي بن فالح القريشي السبيعي

صح لساااانك مليون

وبيض الله وجهك ويستاهلون المدح كل من ذكرت ونعم فيك وفيهم

وشكراا لك على إهدا هذه القصيده الجميله لنا

[خالد الشماسي]

صح لسانك وبيض الله وجهك


والنعم وألف نعم بمن ذكرت ، فقولك صحيح على برهان لا هنت


قصيدة مميزة وتستحق كل الإشادة


لك اطيب تحية

[ابن جمل]

اولا - مرحبا يا ابو فالح في منتدا ربعك بين ربعك

ثانيا- بيض الله وجهك على هذي القصيده الرائعه وانت قلتها بحظور نشاما وفي محل نشاما وذكرت بها اسما نشاما
مضى عليهم الزمن ولم يمضي على ذكر اسماهم هاولا بعض الفرسان الذي حفظو عزت القريشات في زمان الجهل والخوف والجوع وزمان

اخذ العزه با القوه قبل حكم ابو تركي عساه با الجنه رحمهم الله جميعا وسكنهم فسيح جناته
ولك مني جزيل الشكر

[ربيع اول]

صح لسانك يابن فالح

وكفوا بالقريشات الاد العسيلي

ويستاهلون ال شــويه وفي مقدمتهم الامير محمد بن نليف بن وليـد بن شويه

هذا الشيخ الكبير , قد تشرفت بلجلوس معه وكان شيخ عاقل بحق , كم خدم قبيلته في كثير من الامور.

وقد حصلت مشكله عند الامير سلمان لنا وكان هو من انهاها.

ولاكن ليس بغريب عنه فهو حفيد الامير وليـد ين شــويه الذي فعوله سابقه اسمه ,

[جفين الطويرش]

صح لسانك وبيض الله وجهك يابن فالح

وكفوا بالقريشات الاد العسيلي


والنعم وألف نعم بمن ذكرت ، فقولك صحيح على برهان لا هنت

[ابوراجح]

]صح لسانك وبيض الله وجهك يابن فالح

وكفوا بالقريشات الاد العسيلي


والنعم وألف نعم بمن ذكرت ، فقولك صحيح على برهان و لا هنت في هذ الابيات الرايعه التي اليس بغريبه منك ويستاهلون أكثر