الفائز في مسابقة الوصف الشعري

[مشعاب]

الفائز هو النادر

وهذا وصفه للصورة

إرتعت من صورتك يا راعي الذود= لا وا عذابك يالوجيه الكليحة
إليا نطحته قلت شيخ على زود=واليا قفيته قلت وش هالقبيحة
بهرج النمايم كنه افلام هليوود= وأيدينهم عند المواقف شحيحة

بقية المشاركات هنا





مشعاب اخو عجراء

[اخو شما]

مشعاب انا أعترض وبقوه اختيارك غير موفق وبعدين ممكن نطلع

على أسماء اعضاء اللجنه المشكله

هنالك ملاحظات على اختيارك:deal::deal::214::214:

النادر يقول :

إرتعت من صورتك يا راعي الذود

طيب وين الذود؟ .................. وش دخل الذود في الصوره


ويقول في بيت اخر:

بهرج النمايم كنه افـلام هليـوود

...........................وأيدينهم عند المواقـف شحيحـة

أيضا وش دراه ان راعي الصوره نمام او جبان في المواقف

وبعدين ممكن نعرف وجه الشبه والرابط بين هووليود والنميمه:shades_sm

بعدين انت قلت وصف للشكل وليس لأخلاق صاحب الصوره






















لا لا تصدق امزح يامشعابوه

النادر يستاهل:wink_smil

بس وراك نسيتني في الترشيح الله يهديك انا صديقك القديم

[مروّض]

مبروك للنادر...فوزه

يستاهل...و نريد مشاركات في منتدى الشعر...حتى يحافظ على القمه

و حظ أوفر لبقية المشاركين...و لهم نصيبهم من الفوز...

كما أتمنى أن يتم عمل مسابقات أخرى قريبا...لتفعيل المشاركات

و شكرا للأخ ...مشعاب على تفضله باعلان المسابقه...و متابعتها...

[ابن شطيط]

مبروك للنادر

ويستااااهل


ولاهنت اخوي مشعاب على هالتواصل

والمتابعه

ونحن بحاجه لمثل هذه الانشطه وانت خير من يديرها ولا يهونون بقية الاخوان

تحياتي للجميع

[خالد الشماسي]

يستاهل النادر

بيوته طيبه و ما دامك اخترتها يا اخو عجراء فهي الأفضل


يالله عطنا بعد صورة خلنا نحاول :)

[المزاح]

مبرووووووووووووووووك

ويستاهل اخونا النادر :applaudit

وبيض الله وجه


ولاهنت ياخو عجراء على المسابقه الرائعه وياليت اتكررهاااااا