رد: معركة العيادين والظفير على الدبدبة
كُتب : [ 28 - 02 - 2009 ]
خال الغلبا
شكراً لك على إيراد هذه القصة
لكن عندي بعض التنبيهات السالفة
عدد فرسان العيادين تسعة فرسان
منهم طاحوس العذيبي ومثاعي بن شاهر وناصر القانوس وهادي بن ذياب وغيرهم ..
وفي نهاية السالفة يوم خذا مثاعي الشلفا من راس أبو ذراع
خدمه على وجهه لين خف نزف الدم ثم شاله معه على فرسه وخذاه معه لأهله وحطه عنده في البيت وقام يعالجه واستمر علاجه أكثر من شهر ويوم تعافى عطاه ذلول وزوده وخلاه يروح لاهله
وهذا أكثر ما أثر في أبو ذراع أنهم يوم افتكوا ابلهم ما ذبحوا الصويب بل عالجوه
وهذي الإضافات الي أنا ذكرتها خذيتها اليوم (السبت 3-3-1430هـ) من عبدالهادي بن ضيدان بن نزهان
أحد شيبان العيادين في رماح
في الختام أكرر شكري لك على إيراد السالفة
ولا هنت
|