يانجد

[البدر]

هذه قصيده لشاعر يقال انه عتيبي انا حافظ منها بعض الابيات مهيب مرتبه . اذا كان احد يعرف قائلها او يعرفها كامله يقولها لنا

[poet font="Simplified Arabic,4,black,normal,normal" bkcolor="royalblue" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]
يانجد بردك سو والحر اكلنا *** متــلطمينن بالعمايم وصيام

الحضر قفو بالملايين عنا *** اللي خذوه العام واللي ورىالعام

اسيوفنا وارماحنا نكسنا *** واسيوفهم وارماحهم روس الاقلام

في كل عام ياكل السيف منا *** بتفه سبب يحكم علينا بالاعدام

ان ما خذينا حقنا في وطنا *** والا نزحنا يم حافظ وصدام
[/poet]



وسلااااااااااااااااااااااااااااااامتكم

[ابن جـــــــراح]

هي فعلا لشاعر عتيبي لكن حصل عليها مشاكل كبيره وقال انها ليست لي

وبعد الوسايط قالوا انها لبندر بن سرور العتيبي لكي لا يلحق الرجال شيء

ولها بقيه ان شاء الله يوم السبت القادم آتيكم بها

تشكر على طرح الموضوع

بن جراح

[خالد الشماسي]

البدر ما تزال تخرج لنا من المخزونات فلك الشكر

ابن جراح مشكور على الوعد بإحضار القصيده .

[البدر]

شكرك يا اخوي ابن جراح على التفاعل مع طلبي ونتظر منك انك تجيب الباقي انشالله

ابو عمر اشكرك على الاطراء وهذا اقل شي نقدمه لهذا المنتدى

[ابن شطيط]

ماقصرت اخوي
البدر
طلع بعد طلع
لاتحرمنا

اخوك بن شطيط

[ابن جـــــــراح]

اخي البدر

السلام عليكم ورحمة الله

مع الاسف اني لم احصل على القصيده لكن وعدني احد الشباب باحضارها لي كامله ان شاء الله

لكن ما احظرته لكم هو اسم الشاعر

وهو/ عيد بن حطاب العضياني العتيبي

وله ايضا من القصائد

العام يوم السماء تمطر صواريخ ...... وابو عدي الله يهجـــــده هجدنا

حنا هل الفزعات واهل المناويخ ...... مير ان من فزعاتنا ما استفدنا

ولها بقيه لكن يتعذر وضعها بالمنتدى

وله العديد من القصائد لكن لسوء حضه انه كلما وضع قصيده اختفى بعدها مدة من الزمن

والعاقل يفهم

وسوف ارسل لك بيت من احد قصائده ان شاء الله

تقبل تحياتي واعذرني لاني سوف اتاخر عليك في باقي القصيده لكن السموحه

منك ومن الشباب اخي البدر

وسوف يصلك البيت اللي قلت لك ان شاء الله

تحياتي الخالصه لك ولاخواننا جميعا

اخوكم بن جراح

[البدر]

الله لايهينك يا بن جراح انت ما قصرت اول وتالي وبيض الله وجهك على كل حال . واللي يعسرك جعله فداك







اخوك البدر

[الراوي]

صح لسانك قايلها ...
وصح لسانك على نقلها..
ويعطيك العافيه ..

[البدر]

مشكور اخوي الراوي على مرورك وننتظر مشاركاتك




اخوك البدر