الاخ شعيب الرمحية انت تكلمت كلام حتى الجاهل ما يقدر يقوله لان كلامك فيه اغلاط كثيره وانت لست وصي على الناس خل اللى يحط له معرف او عشر معرفات هذا ما يخصك وبعدين انا شاهدت كل الكلام اللى صار في قصة اهل العشر ما فيه غلط عللى احد او سب من احد بالعكس كل الكلام صحيح ومثبت حتى الراوي خيال الغلباء ادلى بدلوه وكذلك جعد الوبر وناس كثيره لها باع في حفظ تاريخ قبيلة سبيع وبدون تسييس الامور او تزويرها ولن نسمح بذلك اطلاقا , على العموم سوف ابدي معك من بداية اهل العشر المردف كيف تقول انهم 12 من الجبور ياالله عطني اسماؤهم حتى اصدقك وعطنى اسماء الصمله الاربعه اللى تقول حتى اصدقك ترا الصدق منجا وقول الحقيقه يرفعك حتى عند ربك , ليه تفسر القصه على كيفك لا وتقول انا من خلقنا الله وحنا نسمع عيب عليك , يا اخي انت مالك شيبان انت ما سمعت من شيبان سبيع انت قاعد تسمع من وين هذا كلام ما يجوز تقوله اسمع هداك الله انا ما احب الغلط على الناس وسلب حقوقهم المعروفه والتاريخ يسجل والناس هم العالمون .
قصة هل العشر المردف ما عليها غبار وشاهدها قصيدتها وهي اثبات حقيقي وهي معروفه تحت قيادة بن خيوط وبن جفيران ولكن امير هل العشر معروف انه بن خيوط حتى الشاعر اللى قصد بن عياف تراه من الجبور وميز بجران بن خيوط حيث خصه بثلاث بيوت لوحده الا يكفي هذا , وشطره عن الباقين لفعله المشهود والبيت الرابع ذكر معه اخوه بداح والشاعر ذكر تسعه وهو العاشر من عشرين في القصيده منهم ال خيوط اثنين وال جفيران اثنين وعلي وبن نوبان هاجد وعبيد بن دواس والوائلي ناصر وولد الكبودي عامر والشاعر سعد بن عياف , هولاء عشره عرفو من القصيده وين العشره الباقين ما عرفوا لاكن انا اعرف لانهم تكلمو مع بن عياف وسألوه ليش ما ذكرتنا في القصيده وعلمهم السبب واقتنعوا الله يرحمهم جميعا .
الامور يا اخي ما تجي بالتمني او على كيف الاهواء او التشكيك بافعال الرجال لان الناس بتقولك وقف هذا ما هو صحيح وراح يقنعونك بالشواهد والاثباتات ( الساكت عن الحق شيطان اخرس ) .
الرايه صحيحه هي لبن خيوط وهذي دلاله على الزعامه والقوه وليس حملها فقط حسب هواك , وبصراحه انا اشك انك من خارج القبيلة او انك من عائله دخيله على سبيع لان ودك تشربك ابناء العم ببعضهم بكلام ماله مصداقية ابد .
اسمع هداك الله ال خيوط قد شاخو في سبيع والجمالين غصب عنك وعني انا شخصيا لاني ادي الحق خذوها بالشجاعه والغزاوي والفزعات لبني عمهم واذا انك على بالك بتشربك الامور وتدخل عساف ابوثنين ترا ابوثنين يرجع في بن خيوط يعني الشيخه منهم وفيهم ما تقدر تفرقهم مثل ما ترغب او يرغبون اكثر الناس وهذا صحيح , والغميض بن عمهم وياليت تعطيني دوره في قبيلة سبيع حتى افتخر به وكذلك بابن محيسن اول مره اسمعه في حياتي وياليت تعطينى دوره في قبيلة سبيع حتى افتخر فيه , ياشعيب الرمحيه الامور ما تجي على الكيف والضحك على الناس والاستخفاف بهم والكذب والبهتان والتزوير ما يجوز ولا يحبه لا الله ولا رسوله وسوف تأثم على كلامك هذا .
بصراحه انا احب ال خيوط لانهم رجال ويحترمون الناس ولا لهم مشاكل عندنا لحد هذا اليوم ويحبونهم شيبانا لهذا كتبت ودافعت ووضحت عن ما اعرفه من امور تخص القبيلة وحز في نفسي هذا الغلط المتعمد من اخينا شعيب الرمحيه الله يهديه.
كنت اتمنى لو ان الاخ عمر بن خيوط ترفع عن مثل تلك الامور التافهه وهو اكبر من ذلك ولا يلحقه شك في عائلته .
هذا ولكل رجل صادق مع نفسه ومع الناس خالص التقدير والاحترام .
غير متصل
رد: قصة وقصيدة أهل العشر المردّف
