أمدح أهل الجود وأهل المكارم والوفا = لابة سعد القرايب ومزبان الغريب
كُتب : [ 29 - 09 - 2009 ]
بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : لقد وجدت هذه القصيدة لأحد الشباب مهملة القائل في مدح قبيلة سبيع بن عامر الغلباء فإليكموها :-
أمدح أهل الجود وأهل المكارم والوفا = لابة سعد القرايب ومزبان الغريب
تنشر البيضاء لهم في المواطي والشفا = عزوة لا سمعها صامل الهده يخيب
يكرمون الضيف لا جالهم وإلا لفى = وجارهم ما ملهم من بعيد ومن قريب
صاملين في المواقف وبالراي اعرفا = هم هل الطالات وأهل القيم سقم الحريب
لا زبنهم راعي الدم ما حصّل جفا = زبّنوه وحلو المشكله حشمه وطيب
هم سبيع أهل المكارم وفزعتهم شفا = ينجدون اللي شكا الهم والعلم المصيب
ولا سعوا في اللازمه راعي الدعوى عفا = يبذلون الجاه والمال في الأمر الصعيب
وإن نصاهم من دهته الليالي والحفا = عزوة الغلباء سناده حضور (ن) ما تغيب
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .
رد: أمدح أهل الجود وأهل المكارم والوفا = لابة سعد القرايب ومزبان الغريب
كُتب : [ 29 - 09 - 2009 ]
مشكور وما قصرت ولا هنت
لي عدت فعول القبايل والأفخار = لنا من الناموس مثنى ومربوع
فعول عسرات على كل مختار = نهوم للعليا بشيمات وطبوع
بني عمر بالله لهم حظ وأنصار = شر على اللي يلبس الجوخ ودروع
حنا هل الملحة وحنا هل الكار = من مثلنا يدي بها رجل جربوع
بني عمر يدون بكبار وصغار = ووجيههم ما تعطي البطن منفوع
الجليس الصالح كحامل المسك والجليس السوء كنافخ الكير
رد: أمدح أهل الجود وأهل المكارم والوفا = لابة سعد القرايب ومزبان الغريب
كُتب : [ 30 - 09 - 2009 ]
مشكور وما قصرت ولا هنت
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
رد: أمدح أهل الجود وأهل المكارم والوفا = لابة سعد القرايب ومزبان الغريب
كُتب : [ 30 - 09 - 2009 ]
مشكور وما قصرت ولا هنت
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة