دون الرسول انسلح الفكر تسليح
كُتب : [ 19 - 02 - 2012 ]
تحير الدموع ابداخل العين وتسيح=وتخالط الدمعه حروف القصيده
لاصار لأحزان القصيده مفاتيح=لاوصلت السبه حدود العقيده
تزايد اوجاع القلوب المجاريح=وتشب بالأضلاع نارن وقيده
وإن وصلت السبه شبيه المصابيح=دونه ندافع بالسيوف الحديده
ونرجح الأقوال بالفعل ترجيح=ونذود دونه والخلايق شهيده
نذود دون مسمح الدين تسميح=ونحارب اصحاب القلوب البليده
دون الرسول انسلح الفكر تسليح=ونحطم اللي يزرعون المكيده
ونوضح افعاله للأجيال توضيح=اللي ملك كل الصفات الفريده
نمشي على نهجه صلاه وتسابيح=وانفوسنا من سنته مستزيده
يالله عسانا مع وجيهن مفاليح=نحشر معه يوم المواقف شديده
|