عديت مزموم (ن) على أرض (ن) نـزاوى = يوحش خلاه وحوله الذيب عـاوي

[مبارك مقين]

عديت مزموماً على أرضن نـزاوى=يوحش خلاه وحوله الذيب عـاوي
حصاه سودن مثل رؤوس السماوى=التهلكه حوله هي أقـرب حـراوي
دارن نبيها دونها الذيـب خـاوى=رقـن سباريتـه تغر الهقـاوي
يالجتـي لجـة ذيابـن تـعـاوى=تبغى عشاها من قطيع الشـواوي
لها ثلاث أيـام مـن دون مـاوى=حتى طواها من عنا الجوع طـاوي
أشوف فكري والهواجس تخـاوى=كأني غريبن عن ديـاره جـلاوي
حسبت قلبي عن دروبـه تشـاوى=وأثره على درب الصبايا نحـاوي
بلاه من نجلـن هدبهـا تسـاوى=على طرف خدن من الزيـن راوي
حرك أضلوعي لين راحت تهـاوى=بيتن فقد بعض الذرى والعـراوي
قامت تلاويـه الهبايـب أمـلاوى=شدو أنزول الحي وأمسى خـلاوي
تسمع مع أرواقه نسيمن تصـاوى=شملا هواها صلف والليل ضـاوي
زيرانها مـن عصـر ماتنتقـاوى=منها الشجر راحت أغصونه حناوي
هـذا مثـل والجـرح ماينتـداوى=ألن لنظر عينـي طبييـن مـداوي
إللـي كلامـه لا تكلـم حــلاوى=أحلى وألذ من العسيـل النقـاوي
لغضا بخـدن تقـل بـراق نـاوى=شلـع خفوقـي مابقالـه شـلاوي

[خيَّال الغلباء]

أخي الكريم الشاعر / مبارك مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[خالد الشماسي]

صح لسانك يا مبدع


قصيده رااااائعه كروعة كاتبها



تسجيل متابعه لديوانكم الرائع

[((ابوحمود))]

صح لسانك يابو بندر

مبدع دائماً

[قائد الطائره]

صح لسانك

[مبارك مقين]

خيــــــــــال الغلباء وعليك السلام والرحمه

صح بدنك ورفع الله قدرك وأنت بألف خير وصحة وسلامه يالطيب

لا عدمت مرورك المميز

[مبارك مقين]

صبحك الله بالخير


اخوي خالد الشماسي وصح بدنك

ولا عدمت مرورك يالغالي

[مبارك مقين]

صبحك الله بالخير

ابوحمود صح بدنك يالطيب

ولا عدمت مرورك

[مبارك مقين]

صبحك الله بالخير

أخوي قائد الطائرة وصح بدنك


ولا عدمت مرورك

[حمود]

صح لسانك