يا هاجسي لغم لي القافيّه=نويت اسوي بالغزل مرثيه

[عايض ابوشيبه]

يا هاجسي لغم لي القافيّه=نويت اسوي بالغزل مرثيه
معاد به حبٍ شريف وعذري=الا ثلاثه واربعه فالميه
كلٍ من الشعار يشكي فرقا=على حدود النبره الصوتيه
كلٍ يبي شوف الوليف الغايب=اللي رسم لأحلامه الورديه
حتى لو إنه ماعرف محبوبه=يرسم خياله قصةٍ وهميه
حتى ربط حزنه بصوت الورقى=اللي تجر لحونها عصريه
لو المحبه كلها مصطنعه=ولى حقيقة لحظةٍ منهيه
كلٍ يلمع صورته ويغني=كن المشاعر بالغزل معنيه
يامعشر الشعار مامليتو=ولى دخلكم بالغزل جنيه
مافيكم اللي شاف حال الأمه=ولى نشوف بنظرةٍ دونيه
حال امة الأسلام مايرضينا=بأحزانها كم قصةٍ مرويه
الجرح واضح والعيون تشاهد=و قلوبنا بصدودها مبليه
تقول كن الأمر مايعنينا=ولى جهود اسلامنا منفيه
وإنا جسد واحد وهمٍ واحد=وأمالنا مع بعضنا مبنيه
وليا انجرح مسلم ومادافعنا=عارٍ علينا نطلب الحريه