أنا يوم أفكر في هذا الوقت كيف أنا
تعدى قطاري واجرد القاع من دونه
تعدى قطاري يامحمد وﻻ بنا
يدي ماتخلي والمداخيل موزونه
عسانا عن الانذال يابوك في غنا
رجال الكرم بيت البخيل يتعدونه
رفيق على شداة اﻻيام ماثنا
الليا صار مابه نخوة فيه ياعونه
يسمى رفيق ورفقته مالها خنا
ليا صار ماينفع وربعه يحسبونه
عسى ماتحوش ايديه يابوك للفنا
يطير الذي بيديه ويشب مخزونه
عسى الله يزيل ايديه عن كل ماجنا
لعله يجيب ايدين ناس يزكونه
وترا رفقة الطيب مثل عالي البنا
مثل راس برج للذباذب يسوونه
يجاذب من اﻻقمار ويبث للقنا
يبث الصور ويعلم اللي يشفونه
مثل فارس الغنيم ياعز من عنا
حميد المكارم جعل اﻻنذال يفدونه
صعد فوق ابن فهاد للعز مادنا
يعل البخيل فداه وللي يحبونه
وانا بثنيي على فارس واكرر الثنا
عدد من يزور البيت ويطوف بركونه
وعدد مايلوح البرق بالمزن وانحنا
عليه سﻻم الله يعافيه ويصونه
ويجيره من الوعات والحسد والخنا
لحيث الكريم امعان والناس ينصونه
غير متصل
العرض الشجري
