ونستكمل معكم بقية القصائد .. ومع هذه القصيدة العتابية:
دارنا دار السعد وشِّمَهْ رمـل النفـود = نهضت شلانهـا بالفـرح والله عطـاه
كنها عذرا زهت بالملابـس والعقـود = تّوها باول شبابه علـى زمـة صبـاه
ما تريد الشوق عين الطموح اللي تذود = طرفّت باب الهوى ما ترايـع للسفـاه
ما تريد مصرقع العقل والخبل الشـرود = والبغل واللي تقل حامـل ينقـل بـلاه
ياهل الفيحا ترا النقص جا من باب زود = واحد جره مع الـراس والاخـر قفـاه
ما يشد الخيمـه الا حبالـه والعمـود = كان مس حبالها واحـد يـدري هـواه
خايف ينهـد مبنـاه والمبنـى يكـود = في نهار ما تعرف العشيه من ضحـاه
غيمها الدخان والبرق برهاف الحـدود = والمشوك يدفعه قاحـل يوضـي سنـاه
معثبين للحرايب من القاحـل او وقـود = والذهاب اوعدت الحرب عابين عبـاه
ما ضرينا للتمـدن وصابـون الجلـود = والتفرك بالكراسي وتضييـع الصـلاه
من دواهي نجد قطاعة مثـل الاسـود = كم صبي غره الـزود واقعدنـا صغـاه
إن بلينا فالله اللي علـى خلقـه يعـود = حربنا سمّ على القلب ما يعـرف دواه
وهذه من القصائد التي تشال سامري أو حوطي
خبروا مشهـور خيـال السبـق = ما درا باللي برك حملـه ثقيـل
طارق له بالمواجـع مـا طـرق = ما طرق لأيوب يوم انـه عليـل
من هوى غروٍ مع المفرق مرق = يذبح العشـاق وطيـه بالشليـل
يتهمن بالعلم واقفى مـا نطـق = وابتحلت بشارته شفـرات تيـل
ما رجيت الوصل من سود الحدق = ناعسات الطرف والخد الجميـل
ولعن قلـب المولـع واحتـرق = واصبح المجروح من ليله عليل
راح عقله يـوم جنـه واندفـق = واخلفنـه ليـن ردنـه هبـيـل
حايلـه واقسمـن لـه بالشفـق = وحلفن له بنهن زبـن الدخيـل
ناشيات بالعـذاب مـن الغـرق = خادعنـه ليـن لافنـه بـويـل
وهنا قصيدة من جميل شعره العذب والجزل في نفس الوقت
على الضواحي لميع بـروق = كشافهـا يشتـعـل نـيـره
تدفـق هماليهـا بـرفـوق = وانساق سيله على الديـره
نوٍ ردف لـه خِيـال فـوق = يضحـك وتبكـي مواخيـره
ينثر على منبـت الرقـروق = من مافـق الرمـل لعشيـره
تفرح بها مرزمـات النـوق = من غب مزنٍ ضفـا خيـره
تقطف من الروض والزملوق = حلو الزهـر مـن دواويـره
تلقى الجمايل عليـه فـروق = ما عـذب الرجـل تدويـره
لا تطرد الصيـد يالمطفـوق = خل الظبـا واستلـم غيـره
قبلك رمنن بعرض السـوق = ما غير طقـن لـي الحيـره
كني على حجتـي مصفـوق = يوم الهـوى حايـمٍ طيـره
مثلي ومثلك قليـل اوفـوق = من سـوّ حظـك وتدبيـره
ويتبع بإذن الله