س1- هل يمكن لنا التعرف على شخصيه مشعاب الحقيقه أي الاسم كامل
س2- هل انت ممن يمارس شعر الرد في ساحات المحاوره وإذا كان الإجابه
بنعم مع من لعبت من الشعراء
س3- منهو أفضل شاعر نظم بالمملكة في نظر مشعاب الخاص حسب رايك
بدون إجابات دبلوماسيه لو سمحت:
س4-منهو الافضل في نظرك سعد بن جدلان الاكلبي أو خلف بن هذال العتيبي في شعر
النظم فقط
ولك تحياتي وتقديري.
ولا يا بن بداح الحظ طيب وانت تستاهل= وحظي لا سبق حظك تراهي دبرة الحاكم
وانا ما اخترت مشعاب العوج في الطيبه جاهل=نبي نسبح ولا ننقد من أهل الخير شرواكم
وأنا مانيب يا رجال في العوامه اصاهل=ولي رمعات مثل الذيب جعل الصيف نلقاكم
وأنا يعجبني الحربي ولا عن خبرتك ذاهل=ولا خربت مع العربان في الساحه ندبناكم
وابن جدلان لامن قال قوله يعتلي الكاهل=زعيم القاف والمعنى ثقيل والخبر جاكم
انا من المعجبين بسلوبه بالمنتدى
انسان يزرع البسمه من خلال ردوده ومشاكساته الجميله
سوالي كم عمر مشعاب
متى بدأ الشعر وكم كان عمره وهل تقتصر محاوراته على النت
من تأثر به من الشعراء
ماهي مؤهلاتك العلميه
هل لك مشاركات في الصحافه ( وش كان اسمك)
لماذا مشعاب هجومي في محاوراته ومندفع
لم نرى نظم لمشعاب في المنتدى
أجمل بيت سمعته
منهو مثل مشعاب الاعلى
هذا فيصل دوت نت وتحياتي لاهنت
أنا حول النصيفه و الله أعلم وش بقى ليه=وبديت الشعر في وقت المراهق والتشرباكي
ولو عندي نظم بعرف ليا من قلت لي ذيه=و ابن جدلان شعره في السوالف مثل مسواكي
درست من العمر نصفه ونصف الي بقى زيه=وطول العمر درسن والمراجل ما بها ابراكي
وأنا هذي سواتي والنوايا ما بها ليه=وليا منا لقينا الموجبه قلنا افتحي فاكي
اجمل بيت=
يموتن النوامي قالها خالد علامية= على حب الحبيب الي من ظلال الشجر باكي
مشعاب أخو عجراء
التعديل الأخير تم بواسطة مشعاب ; 23 - 01 - 2004 الساعة 01:43
مشكورين الاخوان على الافكار النيره وعلى الاسئلة الوجيهه وكذالك احب اشارك معكم في الاسئلة بسوال واحد فقط للشاعر مشعاب
س1 من اين اكتسبت الشعر هل هو وراثه ام غير ذلك واذا كان وراثه نرجو ان نسمع من قصائد اجدادك ؟؟
اخوك الفارس
ورثت الشعر من جدي ولي بالملعبه شاهد= شعر ما هوب تلفيقة مثل ناس تلفقها
وأنا عن مدح ربعي في الملاعب واللقا زاهد= صفايح صم في وسط العرب تعرف طرايقها
عملاق وموهبه شعريه فائقه
الله لايضرك
انا خايف عليك بعد هالمقابله
تروح فيها
ماتعوضنا في حضرتك مشاعيب الارض
ههههههههههههههه
بسم الله عليك يامشعابوه
فيصل دوت نت مذيع قناة سبيع الادبيه
قسم مضارب الباديه
انا يالعابر اعزك ولي خوتك مقصود=ليا من جيت يم العاصمه يا خوك واجهني
صحايف خوتك بيضاء حشى ماهيب يم السود=زعيم في المراجل لك شهاده والمه مني