قصيدتي المسنده لناصر الفراعنه ورده عليها

[ابن جدعان]

اخواني:
اخو شما
و
الجراح
و
ولد الوجيرب
و
مروض
و
النداوي
و
المزاح
و
ابو تركي
و
زيزوم

صح لسان الجميع.

وكلي اسف عن التاخير.

[ابن شطيط]

.

صح لسانك
اخوي ابن جدعان
على الرديه الرائعه كروعه اصحابها
وجزل يابن جدعان جزل ولاهنت عليها
ولا هان ابو فارس على الرد الوافي والشافي
ابيات في قمة الروعه وطاروق جميل
وشعار كبار واهل جزاله
استمتعت بقراءتها
اخوك
ابن شطيط

[ابن جدعان]

اخوي ابن شطيط

صح بدنك طال عمرك

[المولع]

صح لسانك ولسان ناصر

وبيض اللــه وجهك ووجهه

وننتظر منك كل جديد

[ابن جدعان]

اخوي المولع

صح بدنك

ووجهك ابيض

وابشر بالخير

[واصل]

الأخ ابن جدعان

قصيدتان ابدعتما فيهما ايما إبداع

لقد إستمتعنا بقراءتهما

لكما الشكر والتقدير ودمتما بألف خير

[الكوكب السيار]

صوت وصدى في قمة الابداع

[ابن جدعان]

الاخوه:

واصل

و

الكوكب السيار

اشكركما هلى مروركما

واعتز بما قلتم .

[خيَّال الغلباء]

المشاركة الأصلية كتبت بواسطة ابن جدعان

يا الله يا ربنا يامدبر الكون=يا مدبر الكون نطلبك الاعانه
باعانة [ن] منك نبداء كل مضمون=مضمون ما اقول يحمل له حصانه
حصانة الدبلماسي ما تجي دون= دون النجوم العوالي في زمانه
زمانه الي يحطم كل دندون=دندون اله في زمان اول مكانه
مكانة [ن] دونها ناس [ن] يثانون=يثنون بالفعل من زود الرزانه
رزانةالمخ بالآفكار يبنون=يبنون بني الفطانه والذهانه
ذهانة [ن] ورعها يمشي على الشون=الشون خلوه ربع الخيزرانه
الخيزرانه لها ناس [ن]يلا وون=يلوونها لجل ما تزعل فلانه
فلانه اللي لها مليون ابو لون=لونه خضر قلب ورع [ن] فالحضانه
حضانة [ن] سدها ماهو بمأمون=مأمون لو كان في دانه ودانه
ودانه ودانه تناسب قوم فرعون=فرعون ما له ورى الاسلام خانه
خانة حقيقه تحقق ما تمنون=ياللي تمنونها ضحك وميانه
ميانة الجاهل المذنب تقفون=تقفون مع دربها والكم بطانه
بطانة [ن] فالصحافه تكحل اعيون=اعيون للحق قاطعة [ن] لسانه
لسانه اللي يبين كل مكنون=مكنون بين الفضيحه والأمانه
وأمانتي قلتها ياللي توحون=توحون ما اقول ما يبغى ابانه
وابانته زود مكدها وتلقون=تلقون ما قول في داخل خزانه
خزانة [ن] ربحها مضمون مضمون= مضمون صرف الذهب واعرف اوانه
اوانه ان راح ناصر يلعب الحون= الحون فيها يولع شمعدانه
ياحالتي يا فهد يـا حالـةالـدون=يا حالـة الـدون عوّدتـي ديانـه
ديانة السامـري فـاولاد صهيـون=صهيون ماقـدّروا ربـع استكانـه
الاستكانه حشوها غصـن زيتـون=زيتون رمـز الكرامـه والإهانـه
إهانة جمّـرت فـي راس غليـون=غليون خمّارة فـي وسـط حانـه
حانة سفرجيّـة السفـاح شـارون=شـارون نطّّـل محازمهـا لعانـة
لعانـة ورثّـت تسعيـن ملـعـون=ملعون الاصل احسبه مبطي تكانـه
تكانة صـورت فـي فلـم كرتـون=كرتون عانه ياابن جدعـان عانـه
عانه مع ( المدمزيل ) الستّ ( سيمون=سيمون هي ليت ما هـي قهرمانـه
القهرمانه قهرها المصطفى جـون=المصطفـى جـون قلّدهـا جمانـه
جمانة من جمان ( استيف بـارون=بارون من فمه فـي فمهـا لبانـه
لبانة المستكا صنع الصنم عـون=صنع الصنم ( عون ) مصدر كل عفانه
عفانـة بيّنـه وش عـاد يبغـون=يبغـون بالمطرقـه والسنديـانـه
السنديانـه نهايـة كـل مجنـون=مجنون من سبّـة جنانـه جنانـه
جنانه اربع كسر سمـر وجالـون=جالون جلـة لهـب زانـه وزانـه
زانه وزانه وعود اثلة وعرجـون=عرجـون برحيّـة عشـره ثمانـه
ثمانه الوضح والمدفـون مدفـون=مدفـون دفـن العرافـه والكهانـه
كهانة صيّحـت موسـى بهـارون=هـارون فصّـل لسانـه طيلسانـه
الطيلسانه لمثل احمـد وذا النـون=ذا النون ما غالت عجافـه سمانـه
سمانه سمان ما تشـرى بعربـون=عربون من يكسر سنانـه سنانـه
سنان وسنان بن جدعان مسنـون=مسنون من يلحق سنانـه عنانـه

صح لسانك ولسان أبو فارس

[شبيه الذيب]

ابن جدعان


لاهنت ياغالي على هذه القصيده الجزله

منك ومن شاعرالثقلين

تقبل اعجابي وفائق احترامي