رد : هـام جـداً:::قصايد للشاعر مبارك البخيت::::نادره جداً
كُتب : [ 22 - 08 - 2006 ]
اخواني مشرفين هذا المنتدى ومتذوقين الشعر الشعبي من المهتمين والمطلعين على ذالك اننا سوف ننزل قصائد عن هذا الشاعر كما وعدتاكم وهي في مدح رجال من القبيله او في القبيله نفسها او اجتماعيه او دينيه خلال الايام القليله القادمه
رد : هـام جـداً:::قصايد للشاعر مبارك البخيت::::نادره جداً
كُتب : [ 23 - 08 - 2006 ]
بيض الله وجهك ياجبل تين على النقل .
وبيض الله وجه الشاعر الكبير مبارك البخيت على التميز الكبير
وحسن النظم .
والقصيده موضوع الخلااااف معروف انها للشاعر / مبارك
والله يعيد المخطيء الى الحق .
رد : هـام جـداً:::قصايد للشاعر مبارك البخيت::::نادره جداً
كُتب : [ 23 - 08 - 2006 ]
من خلقتي ماحب هرج العنادي***هرج العناد اللي قليل صلاحه
ابغى الصراحه والصراحه مرادي***ولاريد هرج غير هرج الصراحه
وهرج الصراحه هو غايه فؤادي***ومبدأ الصراحه ماتغير وشاحه
وهو غايتي هو منوتي واجتهادي***وسعى ورا كسب العلوم المباحه
واللي كذب في هرجته ماستفادي***ومن يختلف ممشاه عجل مطاحه
ياهل القلوب اللي غشاها السوادي***ترى سواد القلب يلزم كفاحه
وترى القلوب السود منها الفسادي***ولابد ماتمشي مماشي قباحه
دورات الاشهر والليالي اجدادي***وتعلم السباح طرق السباحه
لا جاء نهار فيه قدح الزنادي***وكلا يميز رميته من سلاحه
وعلى ولي العرش كل اعتمادي***ومخافه الله لابن آدم نجاحه
ومن قال انا صياد لازم يصادي***وكم طاير لاطار يكسر جناحه
مانعتذر لاجاء نهار الطرادي***ونعرف طريق المعركه والسياحه
وتحصد اليا من حان وقت الحصادي*** وتعلم الفلاح طرق الفلاحه
ونجاهد اللي يستحق الجهادي***ونحب درب الصدق والصدق راحه
ومن جنب السنه عن الدرب غادي***بكره يصيح ولايفيده صياحه
ولانيب احب مكثرين الدوادي***اللي معانيهم معاني جراحه
الكذب دايم عندهم شي عادي***وكل يمجد كذبته واقتراحه