منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذي القصيدة قالها الشاعر/ حمد بن شافي في خواله ال أبوراس وذكر فعايل خاله الفارس / فليان أبوراس وذكر أيضا قبيلته المنيفات من المجامعة من سبيع
لي خوالن عز منهم خوالي
لاد ابن غيدان زيزوم القبيله
لاد ابن غيدان حامين التوالي
لاقدح للحرب في راس الفتيله
لاد ابن غيدان امروين السلالي
سعد منهم فزعته يوم الدبيله
هم زيزوم العرب ياهم لالي
مثل ضلع نايف كل يخيله
بالكرم تشهد لهم صفر الدلالي
والصنايا اللي محالقها جليله
راسين مثل ماترسي الجبالي
والجبل كثر العواصف ماتحيله
للحمول اللي ثقيلات جمالي
ينطحون أخفافها واللي ثقيله
بالشدايد عندهم قو احتمالي
عازفين للدهر عدله وميله
إنشد ابن سعود عنهم ويش قالي
هم هل البيرق ومركاض الفضيله
وزنة افليان بثلمين تكالي
راعي المركاض بالخيل الأصيله
هم بني عمي خوالي راس مالي
هم عمى عين العدو لخطأ دليله
افتخر في خالي وفي خال خالي
ومن نشدني قلت خالي ونتميله
ولاد مشنان إليا من جا سوالي
شيخنا منهم ولانبغي بديله
والغربا محزمي طول الليالي
هم هل الطالة محصلة الجميله
هم هل الطاله كرمين السبالي
بالفعايل يكحلونك بإلكحيله
ولاد ردعان مداغيش العيالي
حملهم ما كل من هزه يشيله
أما انا من للي فعايلهم اجزالي
العدو نركي على قلبه مليله
الخطر ناطا عيله ولانبالي
لين ناخذ حقنا ونزيد كيله
آل ماضي فعلهم باول وتالي
لازبنهم مجرم خلي سبيله
يشهد التاريخ والذود الغوالي
لوم مخرب رد بسيوف صقيله
افتخر في مدحي اقروم الرجالي
الرجال اللي مواقفهم مهيله
افتخر في خالي وفي خال خالي
ومن نشدني قلت خالي ونتميله
الشاعر/ حمد بن شافي بن تفاق السبيعي
وترقبو موضيعي الجديد عن مركاض الفارس والشيخ / فليان بن حمد أبوراس في غزوة العين [/SIZE]
أما انا من للي فعايلهم اجزالي
العدو نركي على قلبه مليله
الخطر ناطا عيله ولانبالي
لين ناخذ حقنا ونزيد كيله
آل ماضي فعلهم باول وتالي
لازبنهم مجرم خلي سبيله
يشهد التاريخ والذود الغوالي
والله ونعم وصح لسانك ياحمد بن شافي
والفارس فليان بن حمد يستاهل
رنـيـه وطــنـا مــتــبـدل بالابـــدال=نخلص لها دايم وبالعهد نافي
نسمة هواها تنعش القلب والحال=تشفي الفؤاد وللجريح تشافي
في ضفاف واديها بساتين وضلال=والجو فيها دايم الدوم صافي