حمام يانايح على خضر الاغصان = برسلك واحفظ مابسط الرساله
اسرح صلاة الفجر والبال طربان = وجه جنوب الدار واترك شماله
برسلك للغالي ابو طرف نعسان = واليا وصلت البيت رحله لحاله
وعلى دريشة غرفته جر الالحان = لين ايتهيض جعل غيره افداله
بيجيك خلي ياعسى ايامه ازمان = ريمن جفول ويتعب اللي رقاله
انسان لكنه مهوب إية انسان = زينه سحر ويبين في كل حاله
لا قال وش جابك اهنيا مسيان = قله انا مرسول واحمل ارساله
من صاحبلك يقضي الليل سهران = يشكي فراق الخل واعزتاله
قله ثلاث اسنين صاحبك مرضان = وتراي ماسعى للهجر لو سعاله
وابقاء على حبه ولو كان ماكان = واسعى لشوفة صاحبي وعناله
وليا عطاك العلم والعلم لك بان = اعجل علي وقل كل شي قاله
غير متصل
