رد : قصيدة للشاعر / مسلط بن نايف المديري السبيعي في إبنه الأكبر فهد
كُتب : [ 30 - 09 - 2006 ]
يافهد قـدامك علـومٍ مشـطَه = تبي صبيٍ ما يهاب الخســاره
الرجم قدام المــناعير نـطه = وخل الردى لمحلبين الوبــاره
حطيت لك في ذروت المجد خطه = يوم إن ولد اللاش فعله صراره
رفيقنا ليا اونس من الدهر شطه = اليا نصانا ما نصغَر وقــاره
راس الطلي من يوم يقبل نقطه = وغيره قعودٍ راكزينٍ فقـــاره
والنور لا دور عندنا ما نغطـه = قولٍ على برهان نثبت قــراره
والوسم في بنت الطلي ما نحطه = ولا نجمع الطليان لاجل التجاره
الوسم في شولٍ اليا قـاد عطه = خطو الزعول الصلفه أم الحواره
ملحاً مهادلها تقول راس بطـه = طويلة النسنوس قطما ما الفقـاره
ورفيقنا قدم العرب ما نفطَــه = ولاهيب عادتنا نحفر الجحـاره]
رد : قصيدة للشاعر / مسلط بن نايف المديري السبيعي في إبنه الأكبر فهد
كُتب : [ 30 - 09 - 2006 ]
مشكور أخوي عقيد القوم على الجهود الرائعه التي تفضلت وقمت بها من إعادة لإخـــــــــــراج القصيده بهذا المظهر المتميز إن دل ذلك على شي فإنما يدل على حرصك على رقي وسمو هذا المنتدى الموقر ....... الله يكثر من أمثالك
أخوك/ قائد الطائره
السلام عليكم ورحمة الله وبركاته
في الوقت الذي تقوم فيه بتصفح المواقع على هذه الشبكة العنكبوتية قم بفتح هذ الرابط
وأختر الشيخ اللي تحب أن تسمع صوته وأتركه يقرأ