منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه القصيدة بوجه الخصوص تناولوها أهل العلم والأساتذة وهي للشاعر : ناصر الفراعنه السبيعي , والقصيدة شدت إنتباه الكثير من أساتذة علم التاريخ والأدب ووقفوا أمامها كبار شعار الجزيرة العربية لما فيها من غموض وغوص في أعماق المعاني والتاريخ .
وخلاصتها أنه استفسر منه أحد أكبر شعار الكويت عن حقيقة (نوت) التي وردت في بعض قصائده في قصيدة طويلة يشيد بشاعرية ناصر الفراعنه ويمجده وهو الشاعر أحمد الخياط .
ولكن أحب أن أنوه على شئ ففي مقدمة القصيدة
يحكي الشاعر عن ( نوت ) وهي ليست من الإنس بل هي من الجان ويشكي من السحر فهو كان مسحور حين يقول في قصيدته :
خبيثٍ من بني قومي سقاني حامض الكبريت.......قرت وسطه عجوزٍ من ذوي حضرم ظفارية
فهو يحكي عن سحره ويحكي عن المدة التي كان مسحور فيها وعن مدة علاجه فالقصيدة كلها عن نوت المعشوقه وعن سحره والعذاب الذي ذاقه وهو مسحور . وباقي البيوت لا يحتاج لها أي توضيح فالمعاني واضحة
على قبر اليتيمه( نوت) ثوبي بالخلا شقيت =ذكرت الله وشبت في ضلوعي حرب أهليه
عقب وتر السبع والخمس والتسبيح والتسميت =طيور الما على سلمى تغني (طاق طاقيه)
على باقي عرق ساقي زجاجة كاهنٍ شميت =على قرنة حجاجه نجمة السبط اليهوديه
على الجنب التهامي لبسوني خرقةٍ من زيت =تلالى مثل واري جمرةٍ في حوض صفريه
على ساقة ملوكٍ من بلاد الرافدين اضحيت =أركّب سن واقلع سن لو ماله ولا ليه
وفي ريشة جناح ٍ من حمام الأخشبين أوديت =أمذرع شان واقرع شن وآبرقع نصيريه
وعلى ظهر النعامة سافروا بي سبعةٍ من هيت =إلى أعتى شعوب الأرض الادنيه والاقصيه
ذبحت العبد الادريسي ونجل الطاغيه(حبريت) =بأرض المغرب الأقصى طبخت من اللحم نيه
على تابوت نوت احيا واموت افنيت ما ابقيت =ضربت الطار واجتاحت عبيد الزار كونيه
على قبر اليتيمه نوت أجدد حسرتي لاجيت =واقبّل ضاحكات الموت تحتيه وفوقيه
على شانك يانوت اعميت خطلان البشوت اعميت =أقارع كل ذو سدٍ وذو خدٍ وكوفيه
على شانك ينوت ادميت روس الخاينين ادميت =أسرّج مرْج أمرّج سرج علويه وسفليه
على شانك ينوت اضرب بحد مصقلٍ إصليت =وكدنا ننتهي لولا خيانة عيد الألفيه
خبيثٍ من بني قومي سقاني حامض الكبريت =قرت وسطه عجوز ٍ من ذوي حضرم ظفاريه
وبسم اللي لهول اسمه تزلزل منبر السوفيت =نحرها اعلى ظهرها جبةٍ بالسم مطليه
ثلاث دهور اصارع نافثات الزرو ماذليت =أغيّب شمس وادفن رمس والأصنام مرميه
ثلاث ازمان أداقش مسرجات الجان في تكريت =ثلاث ازمان تمرخ لي ملوك الجان رجليه
ثلاث سنين اعافر نافخات الطين ماوليت =ثلاث سنين أكفن قاريات التين بيديه
وثلاث شهور ألاعي نازلات الطور مامليت =أجاوب جنب خيمة ضاربات الطنب طبليه
وثلاث ايام تنعاني سرايا يام لين اصغيت =أقدم كوع اوخر كوع يابيي ويابيه
لذي الفيروز سادٍ معبد النيروز مالبيت =لغير الواحد المعبود ما أبديت مافيه
بوادي برك طارت بي حراير ترك يوم امسيت =أعاشر ليل عاشر كل ذي حمرا نميريه
طباين سبك تدبك دبك ساع اقبلت ساع اقفيت =لسردٍ شرد جردٍ مرد اصيّح كل قيسيه
ببطن القرش اعشّي حايمات العرش ماغديت =وحرش الطرش اورّدها قليب الهرش عصريه
بوجه الحوت جل اللي خلقني ضيغم ٍ صنتيت =هزبر ماتحرك منه ساكن ألف سكنيه
ورب البيت ماخليت منهم بيت ماهديت =أهدّم دور وابني دور والآيات متليه
هل المزمار عبّادة لسان النار والباكيت =بني الإفرنج قوم ٍ من فروج الزنج مبليه
بكى سابور ذو الأكتاف في قصر الملك بلهيت =على نيكل سقيفة عابد الهيكل ضحاويه
تغطرس بطرس النقرس وجينا له على التوقيت =من ارض الفرس وارض الروم جبنا القوم منهيه
بعما والنبا والخمس من سورة سبأ شديت =بقوة ماتواتر في الليال العشر مكيه
أقمنا دولة الأيتام من حلي إلى حليت =وآخر عهدنا ما أوردَت ليلى الأخيليه
وانا ما هاضني فيما على بيض الورق خطيت =شجاع ٍ لقبوه (أحمد) وله شلفا وشبريه
أعرف أحمد إلى جاء جاء وانا لاشلت ماحطيت =تحامينا على وضح النقا والأرض محميه
لا هنت أخوي أبو سعود على الاختيار الرائع للشاعر أروع
وتعقيب على كلام أخوي ابوعمر على ماأضن أنه خلص او بيخلص ديوان صوتي لشاعرنا ابوفارس
رنـيـه وطــنـا مــتــبـدل بالابـــدال=نخلص لها دايم وبالعهد نافي
نسمة هواها تنعش القلب والحال=تشفي الفؤاد وللجريح تشافي
في ضفاف واديها بساتين وضلال=والجو فيها دايم الدوم صافي
غير متصل
