ولا واحد منكم ياسبيع ؟

[صنيتان المطيري]

ولا واحد منكم يا سبيع؟
السلام عليكم ورحمة الله وبركاته
كتبت لكم قبل هذه المرة وقلت لكم والنعم بكم ياسبيع و بعيال عمكم السهول والنعم بمطير وكل القبائل
وقلت لكم جاوبني على سؤالي وابي الجواب من راس شايب يوقف العلم عنده ولاهوب قصور في البقية
وقلتولي ابشر بالسعد ؟ ولا أدري هوا الطير كلاه الذئب ولا إنه غدا ؟
قلت أنه مرة من المرات تعشيت عند ابن عملي # مطير عدوها عطيب وخيرها يزيد #
ولقيت عند راعي العشاء رجال مبعد شفته عنده إلا هلمرة والعشاء له ويوم اني دخلت المجلس عرفني راعي العشا على ضيفة وقال هذا فلان بن فلان القباني
وبعد ماسرى الضيف سألت راعي العشا ولا فيها شي قلت له القباني وش يرجع ؟ انا تراني اجهل في بعض فخوذ العرب
قالي القباني يرجع في القبابنه والقبابنه بعضهم يكتب السبيعي وبعضهم يكتب السهلي
تناقشنا لين طال الليل علينا ولا فهمت شي من خويي
اليوم علموني ياسبيع عطوني العلم اللي يجمد على الشارب ابي العلم من شيابكم ولا رجال يرفع يده ويقول انا مسؤل عن فتواي واسمي فلان بن فلان اسمه واسم ابوه وجده القبابنه وشهم او وشيرجعون وسلامتكم
صنيتا المطيري ربعي اهل العز والطيب ولا قصور فيكم

[المسالم]

الاخ صنيتان المطيري
السلام عليكم ورحمة الله وبركاته
مرحبا بك أخي في منتيات سبيع الغلبا
اتمنى مراجعة هذا الموضوع لعلك تجد مايفيدك

لعلك تجدالجواب هنا

[خالد الشماسي]

هلا بك يا صنيتان

يا كبر هروجك .. واللي يشوفك يقول الرجال ذا مذبوح له احد ولا رايح له مال ولا حلال !!!

الأنساب طال عمرك متشعبه فالجزيرة كلها تفترق في الحروب وتحالف في الحروب وترحل من ديرة لديرة بالحلف .


فحتى انتم يا مطير متحالفين ولا هيب غريبه في الجزيرة العربية .

فلا تحسب ان كل من قال انا مطيري جدهم واحد .


هذا بس لجل تخيل الوضع


ثانيا القبابنة سبعان ( ولاهب كل من جاك وقال انا قباني انه قباني )


هد اعصابك و ابحث عن موقع القبابنة بقوقل وتلقى اللي انت تبي كانك تفهم


وكان خويك عجز يفهمك و موقع القبابنه عجز يفهمك فريح بالك من الانساب والحق الغنم في الصمان وخل عنك طرد الناس .


محبك خالد الشماسي

[صنيتان المطيري]

والله انت رجال طيب ومن عرب يالسبيعي والكلام الي انت قلته كلام منطقي
غنمي في الصمان والخد زانت بأمر الله
حبيت اعرف القبابنة وأتشرف بعرفهم والحماس خذاني بزيادة أنا يوم هروجي كبيرة ابي باكر يوم يجي طاري ولا نشدة عنهم ويوم اتكلم اتكلم وأسند كلامي عليكم مجيب شي من راسي
وأنت رجل جنوبي حار بلحيل تاكل عشاك وهوا مستوا احلم علينا وسع صدرك الله يصلحنا ويصلحك
القبابنة عرفناهم انهم سبعان والنعم ثم النعم ثم النعم بسبيع الغلبا والنعم بمطير وكل القبائل
والله يجعلنا اخوان معتزين بهذا الدين الله يعزنابه ويعز الدين بنا
وسلم على كل القبابنه 0

[ابن السهول]

اليك ماتريد اخى صنيتان المطيرى :

نسب القبابنة

القبابنة من الشماسات من الزكور من سبيع من بني عامر بن صعصعة من هوازن من قيس عيلان من مضر من عدنان من ذرية إسماعيل عليه السلام ، كان موطنهم الأصلي ( رنية ) - موطن الزكور من سبيع - ونزحوا منها بسبب أحداث حصلت في ذلك الزمن إلى طويق والأفلاج وأستولوا على الغيل ، ولقد قام القبابنة بتكوين حلف السهول بقيادة سعد بن مجلي بن رشيد بن قبان في منطقة العرض قرب القويعية .. والآن من القبابنة من ينتسب إلى قبيلة سبيع أصلاً ومنهم من ينتسب إلى قبيلة السهول حلفاً ، علماً بأن القبيلتين مترابطتان نسباً وتاريخا .