|
قصيدة المقناص
كُتب : [ 07 - 10 - 2010 ]
بسم الله الرحمن الرحيم
السلام عليكم ورحمه الله وبركاته
سوف نقدم للقراء الاعزاء ومن هواة الشعر قصيده قديمه جدا يتداولها الناس في جميع الأوقات في سفرهم وفي اعمال في المزارع وفي رحلات البر لكن لايحفظون ابياتها كامله وبعضهم يزيدون وبعضه ينقصون وبعضهم يأتي بها مكسره وبعضهم يقدم شطر البيت على الاخر وبعضهم يأتي بها من وسط القصيده والبعض الاخر يأتي بها من آخر القصيده وغير مرتبه وسوف إنشاء الله ننشرها كاملة والقصيده للشاعر فراج ابن ريفه القحطاني حسب كلام الرواة والكتاب والله أعلم
وعددها 41بيت
قصيدة (" المقناص") :
قال بن ريفه بدا في مرقب عالي -- بأعلى المراقب تصفقني هبايبها
عديت في مرقب ماني بكسلاني -- واذل من خبرت باحث مزاهيبها
يا مرقب جاك من الأمطار همالي -- أنصوب مزن من المنشا يهل إبها
مايدهله كود صاف الريش والوالي -- والا الولع يوم يفتك في عجايبها
عليك يامرقب جيته وانا سالي -- ذكّر على قلبي إديار ربيت إبها
هيض علينا شدوق الثفن وجبالي -- عطفت طريب الأزفة جوانبها
لامن غدا العشب كنه زرع عمالي -- سيله من القدم للبطنان ناهبها
كم مرة قد نزلنا عشبة المالي -- بيوتنا لاوزا المجرم يلوذ إبها
نبني بيوت بعراف وجهالي -- وان جا النذر من حفيف مانزهبها
بعيال مفلح وهم حماية التالي -- بحمول صلفا عطيبات ضرايبها
صبيان مفلح تحل المنجم الخالي -- كسابت المدح حامين ركايبها
ربعي عبيده وانا من حريهم جالي -- هل هيه باضحا تشعا كسايبها
انشد عبيده هل الطولات عن حالي -- وانشد الاجناب يوم انا نقاربها
منهو يقلط على فرشن وفنجالي -- سعد بن عمه الى جاته مصايبها
لامن غدا بيننا ناقض وفتالي -- وباحت علومه والا عاد يعربها
وقفت انا ثم نسفته على الجالي -- نسف الدلي والمعدي يوم يجذبها
عسى هل الشين مايبقى لهم تالي -- واهل دروب الردا يارب تذهبها
واللي رفيعن واللقالات حمالي -- ارفع نواصيه ياربي وقطبها
وانا من الخبره اللي شورهم عالي -- واما هل البخل بامر الله نجنبها
قم يانديبي على اللي يهذل اهذالي -- ما مونت يرفع الهولان غاربها
تزها السفايف وتزها الخرج وحبالي -- ما يشتجن من هل العيرات راكبها
يالله انا طالبك حمرا هوا بالي -- ون روح الجيش طفاح جنايبها
لاروح الجيش حاديه اشهب اللالي -- لاهي تورد وسيع صدر راكبها
اللي على كورها واللي بلا إحبالي -- واللي على المردفه واللي بغاربها
لا ورحت مع سباريت الخلا الخالي -- كن الذبابة تنهش من جوانبها
اردها للمخلا والحق التالي -- اردها للتوالي ثم احظبها
مع بندق رميها ماأظن له افعالي -- مخضب عقبها من ضرب شاربها
حديدها واذكر الله كنه اريالي -- كن الحيايا تطوا في مقاضبها
ياما حلا دحته وبالعثعث الخالي -- تلقا على عقبها من لفض شاربها
لاثار حس الندب و الملح مانجالي -- شف الدماء يوم ينثر من مضاربها
نبدا بها القايدة والتيس بالتالي -- وقد الاداني تلافت طاح شاربها
الله يرحمك ياعود شرا هالي -- من واحد جابها للسوق جالبها
شريتها للدهر يوم ارخص الغالي -- مايه وخمسين ما يهمل بغايبها
بنت غراها زباد عند دلالي -- ولا طموح و هواها من ايلاعبها
اضرب بها الوعل لامنه تبنالي -- ابو حنيفه كبير الراس قاد ابها
ذبحت عشرة بها والظل مامالي -- والحادية روحت تثلع مضاربها
والا لفونا من المقناص زعالي -- احد مدح بندقه واحد يعذربها
بشرتهم بالعشا من عقب مقيالي -- والقايدة مع مرد الكوع ضاربها
لاثار بارودها والعود متكالي -- قامت ترايع تلفت ويش صايبها
اسرح بها بالسحر واتي بمدهالي -- وكم جملة فرقتها من ربايبها
وباذكر الله عدد ماهل همالي -- وارجيه يغفر الا رزت نصايبها
|
غير متصل
