منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
لقيت لي شايب يصيح وينتخي باللي يجيه=مفجوع ويعلي لصوته تكفون يعيال الحلال
جيت وحكالي قصته وهمومه اللي تعتليه =يقول بيع للغنم والجيب مع صفر الجمال
ثم سألته قلت ماضنك برجالن سفيه=ياخوف قلبي صايبك باالعقل عله وأختلال
قول وتكلم يارجل ولا حلالك ماتبيه=كيف بعت اللي ملكته قل وجاوب للسؤال
ثم قال انا جاني رجل من طيبتي وثقت فيه=تظهر على وجهه علامات الكرامه والجلال
يقول عطني كل مالك بحفظه وأسهر عليه=كانك تبي تصبح غني مثل الوليد ابن طلال
أنا بساهم لك باالأسهم والغناء كلن يبيه=وبأجعلك تاجر كبير اتعيش في عز ودلال
يقول ثم قمت أتخيل بيتي اللي بشتريه=وسدد اديوني وسفر عني المصري جمال
قمت اتخيل يوم أجي للبشت من ثم أرتديه=وأركب مع السواق وميل على الراس العقال
لكن خدعني ثم ضاع المال وإن جيت اشتكيه=مابه دليل إني عطيته من حلالي لو ريال
واليوم هاذي حالته ينخى وينصى من يجيه=يقول دلوني على بيت الوليد ابن طلال
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه
غير متصل
