[size=9]أشكرك يابو عبدالله على اوراد السالفه وعندي بعض الاضافات
القصه كما ذكرت جهز بن هذال بن فهيد الشيابين غزاء على ال عمير مثل ماذكرت وخذ الابل ولحقوا هل الابل وراد الله ان الوادي يسيل في الليل والشيابين خابرين الوادي أمس ما معه سيل وحولوا الابل يمين ثم لاالوادي يمشي ثم ميلوها يسار والله يدخلهم في شعيب الوحه بين جبلين وعره وحشروهم فيه واللي سلم منهم فاض مع راس الوحه .,,
فقال/مناحي بن ملعقه الملق(بالشاعر)
يالله يامذري هبوب النسانيس # الاقدام لامنه ومرهن مشني
جانا جهز مرذي طوال النسانيس #ذيبٍ على فرس اللحـم مستسنـي
جانا بربعـة كاسبيـن النواميـس # كم فاطـراً خلـو ولدهـا يحنـي
وركبو هل البل فوق مثل القرانيس # وكم ابلجاً قـرب جـوادة يعنـي
لحقو بصمعاً كنهـن المحاسيـس #صويبهن يبطـي بكونـة يونـي
ذيب المصِيدة ناد ذيب الهلاقيـس # تلقى العشى ياذيب فـي وردهنـي
تلقى العشى حمراً سوات المقابيس # وصفر على حوض المنايا يجنـي
فرد علية جهز بن هذال ابن فهيد هذة الابيات:
حييت يامنهو هرج هرجة القيس # بافعولنا وفعولـة الـي مضنـي
لحقومن السبعان خيلً كراديس # ياطيب أهلهن ويطيبهني
ركبو وحدونا على الواد ابوخيس # العفو يـوم اقفـن ثـم اقبلنـي
نلوعهم بم الرصاص الدلابيـس # ويلوعنا مـن عندهـم مثلهنـي
رصاصهن مادق وسط المهاريس # تاقاء ذحاح الموت في صفرهني[/size]