بـديـت بـذكـر مــن فـيـه استعـيـنـا
الــه الـكــون فـــى ذكـــره بـديـنـا
عظيـم الشـان رب الخلـق الاوحـد
تـعــالــى الله خــيـــر الخـالـقـيـنـا
الــــه حــــرم الـظـلــم وتــوعـــد
تــوعـــد بـالــعــذاب الـظـالـمـيـنـا
ومـن بـعـد ذكــره بديـنـا بالمثـايـل
تركـت النقـص واختـرت السمينـا
ارد الـــرد لـبــن نـعـيــم هــايــف
احــــذر مــــن ســــب الغافـلـيـنـا
أحــذر مـثـل هـايـف كــل هـافــي
يـتـجــنــب لابـــشـــره يـبـتـلـيـنــا
يتجـنـب كــان هــو يـبـغـا حـيـاتـه
وياويـلـه كــان هــو طــاح بيديـنـا
يعـيـف الاولـــه هـــى والـتـوالـى
ويـعـرف افعالـنـا لـيـا مــن بلـيـنـا
ويعـرف ان الفعـول فعـول شـمـر
وشــمـــر بـالـفـعــول المـثـبـتـيـنـا
وانـــا مـــاذم حـمــران الـنـواظـر
ولانــــا مــــن يــســب الغافـلـيـنـا
اخـــاف الله انـــا و ادارا عـذابــه
وعسـى ربـى مـن الظـلـم يحميـنـا
ولـكــن ابـتـلانـى هـايــف الــلــى
ذكــر لــى غلـبـنـا غـلـبـن علـيـنـا
بــدا فــى ذمـنــا والـبــادى اظـلــم
فـتــل حـبـلـه وبالـنـقـض ابتـديـنـا
تــمـــادا بـالــغــرور وبـالـمـذمــه
ظـلـم نفـسـه جـعـل حـضـه دفيـنـا
غـزانــا الـهـيـس بلـسـانـه اخـذنــا
ذبـحــنــا بـالــكــلام ولا دريـــنـــا
ردى النفـس مـدرى ويـش اصابـه
ولادرى وشـبـلا الـخـايـب علـيـنـا
ولادرى ويـن ربـعـه مــن كـلامـه
عــلامـــه مـالـقـالــه نـاصـحـيـنــا
قليـل العـرف مثـل الـورع ينصـح
ولــكــن مـانـصـحـوه الـعـارفـيـنـا
ولا درى ويش بلا الجاهل تجاهل
فـعـايـل مـــن لـهــم فـعــل يـقـيـنـا
جعـل فـعـل القبـايـل غـيـر شـمـر
وتـقــول مـطـيـر نـجــم معتـلـيـنـا
ولـكـن مـاأحـد حـســب احـسـابـه
ولا لحـسـاب مــن مـثـلـه خـذيـنـا
احــــده وان بــنــا بــيــت نــهــده
واذا عـانـد عـلـى خشـمـه وطيـنـا
اهيـنـه لـيـن ينـسـى بـأمـس ويـنـه
ولايـعـرف اليـسـار مــن اليمـيـنـا
وينـسـى كـيـف ينظـمـن الـقـوافـى
ويتبـدل زجــرت المـاضـى ونيـنـا
الا يـالـذيـخ وش خـــلاك تـكــذب
وتـحـط نـفـسـك بـمـقـام الكاذبـيـنـا
تقـول فـى بكـيـر ذبـحـت الطنـايـا
مـتـى ذا صــار ياابلـيـس اللعـيـنـا
عـلــى كـيـفـك تـذبـحـنـا بـزيـفــك
بـزيـف وكــذب وأوهــام تغـزيـنـا
تـرى فــى كـيـر ماذبـحـت شـمـر
خـذيـتـوا مــثــل مـاحـنــا خـذيـنــا
ولـكـن اذكـــرك بـــاام الجـمـاجـم
بــهــا زدنــــا عـلـيـكـم واعتـلـيـنـا
هزمـنـاكـم بـهــا اكـبــر هـزيـمــه
وتـــرى ماسـلـمـوا الا الهاربـيـنـا
بـهــا صـلـنـا وجـلـنـا لـيــن نـلـنـا
ورجـعـتـوا خـاسـريـن ونـادمـيـنـا
تندمـتـوا عـلــى حـــرب الطـنـايـا
ورجـعــنــا لـلـغـنـايـم كـاسـبـيـنــا
طنايـا نـروى الظـامـى مــن الــدم
عـلـى راس المـعـادى لــه حنـيـنـا
واذا يالهيـس تجـهـل فـعـل شـمـر
ســـل الـتـاريـخ يعـطـيـك اليقـيـنـا
واذا انـــــك نـاسـيـلــه مـاتــذكــر
تـــرى الـتـاريـخ يـذكــر مانسـيـنـا
سـل الاجـواد عــن تـاريـخ شـمـر
كـبــار الـســن والــــى فاهـمـيـنـا
يـعــدون الـصـحـيـح ويقـنـعـونـك
والــى يخـفـاك منـهـم لـــك يبـيـنـا
هــل الـذمـه هــل التـاريـخ سلـهـم
ولـو هــم مــن عـربـك الا قربيـنـا
تــركــد وانــشــد الـعـقـيـل عــنــا
قـبــل تـظـلــم وبـالـقـيـل تهـجـيـنـا
تقـول مطيـر صـاروا عـون شمـر
عـلــى الـويــلان مـعـنـا قايـمـيـنـا
متـى شمـر طلـبـوا الـعـون منـكـم
كـذيــت ولالـكــم فــظــل عـلـيـنـا
ولكن قـول مـع ابـن سعـود قمتـوا
ومـــع مـبــارك وقـفـتـوا ولتقـيـنـا
وعليكـم بالصريـف الرعـب خـيـم
ورجعتـوا مــع مـبـارك خاسريـنـا
اعنـتـوهـم عـلـيـنـا وان هـزمـتــوا
عـويــن خـيــب ظـــن المستعـيـنـا
فـلا نلـتـوا مـديـح ومــلا سلمـتـوا
مـثــل مـــن عـــاد يـــم القريتـيـنـا
وتقـول الظيغـمـى شلـتـوا جــواده
وخــت فــي مـلـك فتـنـان سنتيـنـا
اقـول انـت تهـبـا كــاذب وكــاذب
فــلا شـالـوا عـمـوم مطـيـر شيـنـا
كـــذوب وبالـخـطـا عـمــدٍ تـعـمـد
لـعـنــك الله لـعـنــه كــــل حـيـنــا
تـقـول انــه قـلـيـل الـلــى غلـبـكـم
وتـقــول بـكــل وقــعــه فـايـزيـنـا
ونسيـت الغـزوه الـى كـد غـزاهـا
حــدا الـلـى بالحـجـاز مسيطريـنـا
ابـن عـون الشريـف اسمـه محمـد
غـزاكــم ويـــن فـعـلــك مايـبـيـنـا
وذكـركـم عــن مـلاقـاه انتحـيـتـوا
ولاتـخــفــا عـلــيــك ولا عـلـيـنــا
وشواهدهـا قصـيـده مــن غـزاكـم
ونـفــس الـنــص مـوجــود لـديـنـا
وغـزانــا والتقـيـنـا بـــه بـمـوقــق
وحـنــا الــــى ثـبـتـنـا ماانتـحـيـنـا
تقابلـنـا وصـــار الـصـبـح ظـلـمـا
يشيـب مـن الـفـزع راس الجنيـنـا
صـمـدوا فريـسـنـا تسـعـيـن لـيـلـه
سـنـاعـيــس لـــضـــده مـاتـلـيـنــا
وجـت زوبـع وطيـر الـعـز غـنـى
انـاشـيــد الـنــصــر للـصـامـديـنـا
بـــذاك الـيــوم سـمـيـنـا الـطـنـايـا
طـنـايــا مـانـهــاب لــيــا طـنـيـنــا
طـنــايــا مـارضـيـنــا بـالـمـهـونـه
ولانـرضــى المـهـونـه ماحـيـيـنـا
طـنـايـا الـــذل مـانـنـزل جـــواره
وعلـى انفسـنـا المـذلـه مارضيـنـا
طنـايـا وان نطحـنـا كـــل غـــازى
تيراعـد خــوف مــن يقـبـل عليـنـا
طنـايـا مــن حربـنـا لـــه ضـربـنـا
نصـب الويـل فــوق الـلـى يجيـنـا
طـنـايـا نـــارد حـيــاض الـمـنـايـا
اســـود بـالـحـروب مـجــر بـيـنـا
طـنـايـا عـنـدنـا تــحــل الـقـضـايـا
احـــرار بـالـعـلا لــــى معتـلـيـنـا
طنـايـا نـكــرم الـعـانـى ونـعـطـى
وعطايـانـا الجـزايـل لـيـا عطـيـنـا
طنـايـا وان نـصـانـا كـــل ضـايــم
يشـوف الـعـز مــن سـاعـه يجيـنـا
فـكـم مــن واحــداً ضــاق وزبـنــا
زبـنــا مسـتـظـيـم ولــــه حـمـيـنـا
حميـنـا مــن لـجـا يطـلـب احمـانـا
ودحـرنــا كـــل غـــدار ونـحـيـنـا
طنايـا يـوم ارمـاح الـقـوم تخـطـى
تصيـب ارماحنـا مــن بــه رميـنـا
طـنـايــا فـعـلـنـا فــعـــل يــتـــرخ
ويـبـقـى مـاعـلـى الـبـيــدا بـقـيـنـا
تـدارســه الاجـيــال غـيــر حــنــا
عظـيـم ولــو جـحــده الجاحـديـنـا
طنـايـا هـــم سـلاطـيـن الـجـزيـره
هـم الحكـام فــى مـاضـى السنيـنـا
طنايـا مـن الزمـن قـرن احكموهـا
اضـف عشـريـن معـهـن حاكميـنـا
تـسـيــدنــا وســـدنـــا بـالـقـبــايــل
قـبـايـل نـجــد كـلــه لـــه وديــنــا
وتسلطـنـا بـحـد الـسـيـف الابـتــر
أزحــنــا مــــن تـــــولاه ولـيــنــا
عـلـى يـدنـا هدمـنـا حـكــم دولـــه
وعــلــى يــدنــا لـدولـتـنـا بـنـيـنــا
حكمنـاهـا بـقــوه مـاهــى هـــدون
اخــذنــاهــا بــديــنــا واعـتـلـيـنــا
وكتبنـا اسـم الطنايـا فـوق عـرشـه
واسـم مــن كــان يحكمـهـا محيـنـا
وفتحنـا فـى سجـل الحكـم صفحـه
وصفحـه مـن حـكـم فيـهـا طويـنـا
حكموا فيها ال الرشيد ابطال شمر
نعـم هـم مـن حكـم حكـمـن مكيـنـا
وتـــرى شـمــر فعايـلـهـم تـعـجـز
تــراهـــم بـاالـفـعــول المثـبـتـيـنـا
تـلـقـبـنـا بـغـلـبــا مـــــاا نـغـلـبـنـا
لـكـثــر غـلـبـنـا الـعـايــل عـلـيـنـا
علـى الاعــداء قاسـيـن وصـيـارم
يـلـيــنــن الــجــبــال ولا نـلـيــنــا
طـنـايـا وان نـخـانـا كـــل مـبـلــى
تـوشـحـنـا الـهــنــادى وانـتـخـيـنـا
ونخـيـنـا كـــل مــقــدام مــجــرب
وجمعنـا الجمـع وبالجـمـع التقيـنـا
واخذنـا بثـار مـن صــوت لشـمـر
بـــدل هـذلــول شيخـيـنـن رمـيـنـا
مشـى هـايـس لـهـم لعـيـون هيـفـا
تـنـخــوا وانـتـخــا ذرب اليـمـيـنـا
وفعـل فـعـلٍ رفــع روس الطنـايـا
وعلـى فعلـه اخصـومـه شاهديـنـا
ونوانـا الشيـخ ابـن هـنـدى بحـايـل
وحـنــا مـــن نـوانــا لـــه نـويـنــا
تحـركـنـا ونـزلـنـا لـــه بــعــروى
قصـرنـا عـنــوة الـشـيـخ وعنـيـنـا
تقابلنـا الضـحـى والشـمـس حـيـه
وخـسـر فيـهـا وحـنــا الرابحـيـنـا
ورجعـنـا للـجـبـل مـعـنـا الغـنـايـم
عـوايـدنــا لــيـــا مــنـــا غـزيــنــا
وفعلنـا المعجـزه فـى كــون بقـعـا
ذبـحـنـا كـــل طـاغــى ماطـغـيـنـا
ثـلاث آلاف مـن مــات وتـصـوب
نـهــارٍ فـيــه شـــاب المرضعـيـنـا
نـهــارٍ فــيــه سـويـنــا الـهـوايــل
علـى اغلـب جمعهـم حنـا قضيـنـا
صـفـا بقـعـا علـيـهـا الـــدم غـطــا
وكـــم راس شـيــخ لـــه وطـيـنــا
شريدتـهـم حـلـف واقـسـم وطـلـق
فـــلا يــغــزا مـداعـمــره يـمـيـنـا
وحاصرنـا الكويـت اشهـور اربـع
وثــلاث قــلاع بالـجـهـراء بنـيـنـا
ولاذوا فـــى حـمــا الانجليـزعـنـا
وفعـلـنـا المـعـجـزات ولا انثنـيـنـا
ونخانـا الشيـخ ابـن ثـانـى واجبـنـا
كـمـا الـعـاده لـيــا نخـيـنـا مشـيـنـا
امرنـا الضيغمـى نمـشـى وسـرنـا
لبنـي يـاس وهـل البحـريـن جيـنـا
وصلنـا لـدار ابــن ثـانـى واغـرنـا
عـلـى جـمـع الـغـزات الطامعيـنـا
وهزمـنـا جمعـهـم والـكـل يـشـهـد
وشــواهــد مــاذكــرت القلعـتـيـنـا
الـى يومـك باسـم بـرزان تـعـرف
دلايــــل فـعـلـنـا لــــو مااحـكـيـنـا
يـكـونـن الـفـعـول بـفـعـل فــاعــل
وحـنــا للـصـعـاب الــفــا عـلـيـنـا
وغزينا الجوف يـوم رويـل زادوا
وهدمنـا دونهـا الحصـن الحصيـنـا
وذبـحـنـا بالـهـنـادي كـــل خــيــر
بقـطـع الـــراس لـلـغـادر جـزيـنـا
حـصـدنـاهـم وابـدنــاهــم ابـــــادة
هـزمـنـاهــم واخــنـــا البـيـرقـيـنـا
علـيـنـا يـبـتـغـون الــــزود لــكــن
تـطـيـح الـــروس مـاتـعـلا علـيـنـا
وغزينـا المنتفـق بـاطـراف دجـلـه
وهزمنـا جمـع خزعـل و ارتكيـنـا
هزمنـا اللـى مـع مبـارك يحـامـى
وعــن الفـزعـات يـامـا لــه نهيـنـا
ولـكـنـه تـمــادى فـــى غــــروره
تـنـاسـى فعـلـنـا مـــادرى نـسـيـنـا
دفـع قيمـه غـروره نصـف جيشـه
جـــزا للـكـبـر واسـتـهـزاه فـيـنــا
يـقـود اجموعـنـا شـبــل مـجــرب
شـجــاعــن مـــايـــذل ولايـلـيــنــا
شجـاعـن كــل اهــل نـجـد تهـابـه
ويهابـونـه هــل البـصـره وسـيـنـا
لــه الشـيـخـان يـهــدون الـهـدايـه
ولــه الفـرسـان هيـبـه خاضعـيـنـا
سلاطـيـن الــدول تـاخـذ احسـابـه
ولااحـــدن فـيــه يـقــدر يستهـيـنـا
وجميـع ال الرشيـد ابـطـال شـمـر
لــهــم فـعـلــن وتــاريــخ مـبـيـنــا
جمعوا مابيـن الامـاره والشجاعـه
ومابـيـن اللـيـن والـعــزم المكـيـنـا
ولــو نـجـد وحمـوهـا واحتمـوهـا
اســود الـغـاب حـامـيـن العـريـنـا
اســـــود مـايـهـابــون الـمــعــادى
اســـــود يـقــهــرون الـمـعـتـديـنـا
اســود اسـيـاد ســـادو بالـجـزيـره
اســـود عـيــال اســـود محنكـيـنـا
اســود اسـيـاد ســادو كـــل سـيــد
هـــم الاسـيــاد رغـــم المنكـريـنـا
وتـــرى شـمــر تمـيـزهـم ثـلاثــه
بــهــا عــــن غـيـرنــا متمـيـزيـنـا
صخانـا الحاتمـى مــن دور حـاتـم
اضـف معهـا الشجـاعـه ثــم ديـنـا
ورثنا الجود مـن ابـوا الجودحاتـم
بنـا الامـثـال تـضـرب كــل حيـنـا
وسـكـنـا بالـجـبـل قــبــل الـنـبــوه
ومـابـعــد الـنـبــوه لــــه حـمـيـنــا
ونحيـنـا عــن جبلـنـا كــل طـاغـى
بـحــد الـسـيـف قــطــاع الـوتـيـنـا
براضـى نجـد قـد رفــرف علمـنـا
ومـن البصـره الـى حـد الرافديـنـا
تـحــت رايـاتـنـا تـمـشـى قـبـايــل
ومـن يعـصـى عـلـى داره مشيـنـا
وحـنـا أهـــل الـمــروة والأخـــوة
واذا ضاقـت علـى المبـلـي يجيـنـا
وكـنــا اهـــل الـريــادة والـسـيـادة
لـنـا تـخـضـع ارقـــاب العالمـيـنـا
طـنـايـا للـمـعـالـي فــــوق نــرقــا
سـنــام المـرجـلـه فـوقــه رقـيـنــا
لـنــا الـتـاريـخ يـشـهـد بالحـقـايـق
مـع اهـل الـعـرف فيـهـم شاهديـنـا
حقـايـق لــو جهلـهـا مـثـل هـايـف
كـثـيـر الـنــاس مـاهــم جاهـلـيـنـا
حقايـق لــو جحـدهـا كــل جـاحـد
تـبـيـن وتـتـضـح غـصــبٍ تـبـيـنـا
حـقـائـق حــــق تثـبـتـهـا وثــايــق
لـهـا التـاريـخ واثـبـاتٍ ضصميـنـا
ولا أحــدٍ يـدعـي بـأفـعـال غـيــره
سوى عن اللـي بالفعايـل عاجزينـا
غير متصل
