اقتباس:
المشاركة الأصلية كتبت بواسطة ابو مـــــسلط
قصيدة للشاعر/شافي مسلط السبيعي
ابتدي بسم الولي منزل كتابه=السميع المعتلي رب البريه
اسجد لوجهه وخوفن من عذابه=واطلبه بسماه وارفعله ايديه
طلبتي عنده عساها مستجابه=غافر الزلات علام الخفيه
العضيم اللي رجانا في ثوابه= جعل يهديني على سنة نبيه
والكلام الزين يلهمني صوابه=جعل بعض القول مايكتب عليه
يوم ماينفع صديق ولاقرابه=تعرف النفس السعيده والشقيه
الادمي طرقي وماشيتن ركابه=السعيد اللي يعيش بواقعيه
كل عاقل يابشر يحسب حسابه=قبل تطوى الصحف وتجيه المنيه
الزمن داير وكم واحد غدابه= الزمان الصعب دوراته قويه
الحظيظ اللي على نهج الصحابه=ماكسبله لاذنوب ولاخطيه
صح لسانك يا ابو مسلط على طرحك الرايع والقصيده جزله من شاعر جزل شهادتي فيك مجروحه صحيح انك مبدع دايم