حدد خريطتها كوير بن راشد = وإن اجحدوه الناس الله حسيبها

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة الشاعر الكبير / عايض بن محمد بن عريمان الرويبي السبيعي رحمه الله وأسكنه فسيح جناته وتحتوي هذه القصيدة على ذكر الأنساب في قبيلة سبيع الغلباء عامة وإخوانهم من القبائل الأخرى خاصة ويقول فيها :-

يا ناشد (ن) عني وقصدك معرفتي=أنا أجنبي وأخبارنا وش تبي بها
حظيت في النشده وتبغى علومي=ومن سألنا له السوالف نجيبها
أنا سبيعي والقبيلة رويبي=مثل النجوم البيّنه ينسريبها
أسكن بلاد سبيع في علو رنية=في ديرة (ن) يلقى الكرم من يجيلها
في بّرها ضبي وعلو وحبارى=وسحج (ن) يقدّم للنشاما حليبها
دار (ن) لنا فيها رؤوس ظليله=ويقطع لعصمان الشوارب عسيفها
هذي بلاد سبيع وحنا أهلها=نشرب مناهلها ونرعى شعيبها
من دونها عود العريني عصانا=نذود عنه القوم ولا ينهقيبها
حدد خريطتها كوير بن راشد=وإن اجحدوه الناس الله حسيبها
وراشد السبيعي من سبيع بن عامر=اللابه اللي باللقى نعتزيبها
من صعصعه صرنا شعوب وقبايل=وكل أسرة (ن) راحت تدور نصيبها
منّا بني خالد ومنّا المنتفق=ومنّا بني هلال اللي أبو زيد ذيبها
ومنّا بني جعده ومنّا القواسم=ومنّا السهول اللي تنوّخ طليبها
ومنّا بني روّاس قوم ابن جامع=لا جاء لردات البرى يندري بها
ومنّا رجال (ن) من سلول بن عامر=تلطم معاديها وتكرم صحيبها
وإخواننا نجل الرباب وربيعه= ووايل وتغلب سعد من يلتجي بها
تتفرق أسمائنا وحنا قبيله= قبيلة (ن) ينعرف نسبها وطيبها
منها حكومات ومنها مشايخ=ســــاده وتاريخ العرب يعتني بها
هذي نبذه عن بلادي ومنسبي=نبذه صحيحه وما بها ما يريبها
تمت وصلاة ربي على سيّد البشر=محمد اللي سنته نقتني بها

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .

[مناحي المجمعي]

صح السانك

ورحم الله الشاعر / عايض الرويبي

[خيَّال الغلباء]

مناحي المجمعي جزاك الله خيراً ولا هنت

[الهضيبي الحريق]

رحم الله الشاعر عايض الرويبي وأسكنه فسيح جناته قصيدة رائعة
وبيض الله وجهك يابو ابراهيم

[خيَّال الغلباء]

أخي الكريم / الهضيبي الحريق جزاك الله خيراً ولا هنت

[راعي الذود]

اخوي خيال الغلباء

نشكرك على هذه القصيده التي كم نحن بحاجه

لمثلها في هذا المنتدى

ولقد لاحظنا بعض الملاحظات حول هذه القصيده من اخطاء املائيه

وغيرها والتي تم تعديلها بواسطة ابو كوير

ودمت في اتم الصحه والعافيه

اليكم القصيده بعد التعديل

يا ناشد (ن) عني وقصدك معرفتي

أنا أجنبي وأخبارنا وش تبي بهـا

حظيت في النشده وتبغى علومـي

ومن سألنا له السوالـف نجيبهـا

أنـا سبيعـي والقبيلـة رويبـي

مثـل النجـوم البيّنـه ينسريبهـا

أسكن بلاد سبيع في علـو رنيـة

في ديرة (ن) يلقى الكرم من يجيبها

في بّرها ضبـي (ن) ووعل وحبـارى

وسحج (ن) يقدّم للنشاما حليبهـا

دار (ن) لنا فيهـا غروس(ن) ظليلـه

يقطع لعصمان الشوارب عسيبها

داخل بواد سبيـع وانا هللهـا

نشرب مناهلها ونرعـى شعيبهـا

من دونها عود العرينـي عصينـا

نذود عنـها القـوم ما ينهقيبهـا

حدد خريطتها كويـر بـن راشـد

وإن اجحدوه النـاس فالله حسيبهـا

وراشد سبيعي من سبيع بن عامر

اللابـه اللـي باللقـى نعتزيبهـا

من صعصعه صرنا شعوب وقبايل

وكل أسرة (ن) راحت تدور نصيبها

منّا بنـي خالـد ومنّـا المنتفـق

ومنّا ال ابو هلال اللي أبو زيد ذيبها

ومنّا بني جعـده ومنّـا الحواسـم

ومنّا السهول اللي تنـوّخ طليبهـا

ومنّا ذوي روّاس قوم ابـن جامـع

لا جات ردات البرى ينـدري بهـا

ومنّا رجال (ن) من سلول بن عامر

تلطم معاديهـا وتكـرم صحيبهـا

وإخواننا نجـل الربـاب وربيعـه

ووايل وتغلب سعد من يلتجي بهـا

تتفـرق أسمانـا وحنـا قبيـلـه

قبيلة (ن) يعرف نسبها وطيبهـا

منها حكومـات ومنهـا مشايـخ

ساده وتاريخ العرب يعتنـي بهـا

هذي عن الساس السبيعي ملامح

نبذه صحيحه ما بها مـا يعيبهـا

تمت وصلاة ربي على سيّد البشـر

محمد اللـي سنتـه نقتدي بهـا