وشرايكم في هالشوفه يالربع ؟

[العويد]

وشرايكم وش اخسن هالعيشه مثل اللي في هالصوره ولا عيشتنا اللي إنا عايشينهاا هالحين ؟

[صقرالحماد]

اخسن او احسن

<<<<< ملقوف

خخخخخخخخخ
اقول وش رايك تجي تعيش معي بالحماد

<<<<<<<< واثق ان الحماد زين;)

هاه تجي يالعويد خلك من المكان اللي انت فيه صدقني مراح تلاقي مكان حلو الا عندي;)

واذا تبي اعيش انا وياك بالخيمه الخمس طعش عادي موافق:D

[الشامل]

يامال القوووووم

الحمدلله على النعمه الله لايغير علينا بس الحياه في هذه الصوره اكثر ترابط من حياتنا المعاصره لان القبيله تكون اكثر تلاحم ومحبه من هالوقت

لاهنت يالعويد على هذا الموضوع

[العويد]

صقر . حدد مكانك من الاعراب :p اقصد وينك عايش فيه .

انا والله ياخوك شفقان على عيشة هاللي في الخيام . ودي اخسر شي كثير وترجع الحيااه زي قبل .. كل شي يرجع زي قبل .

ومثل ماقال الشامل مافيه لا حسد ولا كره والقبيله الوحده تكون اكثر تلاحم وقلوب صاافيه وسبحان الله على هالتطور اللي إنا فيه الا ان الحياه ممله بشكل عجيب مقارنة بحياة الباديه او الصحراء .

الله يعوض الجنه احسن منهن كلهن .

دمتم احبه جميعا الصقر والشامل .

اخوكم العويد .

[ابن شطيط]

الله لك الحمد على النعمه

والله يامذكر هيضتنا نبيها تعود ونرجع لها ونعيش مرها وحلها

بس يالله لك الحمد هذا حنا ماخليناها كل ربيع وانا نحاول نرجع بعض منها


قل بس يالله المطر والربيع

اخوك ابن شطيط

[ابن جـــــــراح]

العويد

لاهنت على هالموضوع وهذي الصوره الاروع بصراح

الحمد لله حنا هالحين عايشين ومستانسين


بس العيشه هذي فالخيام عز الله ان لها طعم خاص بيت الشعر له ذوق وله رونق لكن خلاص الدنيا تغيرت لو بغيت ترجع والله ما تقدر الا في شي غصب عليك لكن الحمد لله وعليكم بالطلعات
للبر هي اللي ترجع شي منها على الاقل توسع صدرك وتطلع من الجو الروتيني


مشكور اخوي العويد على هالموضوع

تقبل تحياتي الخالصه اخوك بن جراح

[السبيعي الغازي]

عسى الله يديمها من نعمة
إنا في نعمة بس محتاجين نفوس أجدادنا وطبايعهم الحسنة
بعيد عن روح التمدن التي طغت على حلاوة الحياة القديمة
يعني نبغى التقنية والمكيفات ونفوس والتزام الأجداد بدينهم
وطبايعهم . والا الرخاء محد ما يبيه .
واخيراً عسى برزقنا شكر نعمته

[صقرالحماد]

:Dهلا اخوي العويد:D

انا مكاني بالاعراب قصدي عايش بالحماد

ماتشوف اسمي صقر الحماد;)

واذا ماتعرف الحماد قلي وابشر اعلمك وينه

تحياتي لك

صقر الحماد

[البارع 2000]

اخي الغالي / العويد

اولا شكرا لك على طرح هذا الموضوع ......

ثانيا / والله العيشة في البر احسن اذا جاء العشب (( الله يرزق المسلمين بالمطر ))

وصارت الابل ترعى (( مهوب ذا الطعام )) ......

والحمد لله على كل حال ...........


لو ماروح كل خميس وجمعة ..... لضاق صدري

في النهار الحر لكن في الليل سعة الصدر .....

وندعوك للزيارة ...... عند الابل ..

البـــــــــ2000ــــــا رع

[سانشيرو]

عيشة بــدو مكملةِ بـالكــمال **** مجمع هل الطيب رجال فزوعي
ماعاد به ليل وغدرا وسحال **** وعلوم طرقي ومسامر ربوعي

وين ايام اول يالعويد راحت الأيام

والعلوم الزينه

اللحين الناس طوابير عند الخباز
وبنده الله يخليلنا راعيها مايخلي شي الا ويحطه فيها

والأمور زينه ومعدله

احمدو الله