بعد السلام أرقى على روس الرجوم=أصيح بأعلى الصوت للرجل الشجاع
يا (.........) راحت أيامي على قل العزوم=مير أصارع دنيتي والحظ عيا لا يطاع
شفت في الدنيا رجال يضدون الخصوم=كل ما ضاقت بك الدنيا تجدهم كالقلاع
وشفت انا رجل على ماقيل ما يسد اللزوم=مير رجل بالمسمى ولا ينفعك باع
بس هد الوضع دنياك ما تسوى هموم=وعز نفسك عن مواجه رديين الطباع
وخل علمك غانم لا تهوجس يا القروم=وارق عالي للسحايب ولا تلبس قناع
صغت أبياتي نصيحة ابي منها تدوم=للرجال اللي على الهقوة تحب الانتفاع