الــــســلام عليكم ورحمة الله وبــــركــاتــــــه
يسرني ان اضع بين يديكم مااستطعت ان اجمعه من قصائد الحكمة والـفخـر والغربـه والـوطـن
لشاعر النظم الرائع والمتميّـز بمفردات قصايـده الجزلـه وعذوبة كلماتها ../ بـجـاد ابـن شـطيّـط ابـن بـرغش من الـعيـد من الـقريشات من سـبيـع
يسكن الرياض وهو من شعراء سـبيـع الـمعروفيـن ،، عمره الآن حوالي 75 سنه ادام الله عزه وطول الله في عمره
:. الــقـصايــد كــتـابــــه .:
:
:
((( الــعــرضــــه )))
في الحدود الشماليه في حرب اكتوبر عام 1973م انتصرت مصر بساعدة العرب والمملكه على عهد الملك فيصل
وكـانـو يعرضون وكل ياتي بطاري قـبـيـلـتـه ويـمدحهـا
فـكانـت لـبجاد هذه القصيده وهي عباره عن عرضه مدح فيها السعوديه وربعه سبيـع والقبايل كلها تعرض
ياسلامي سلام ومرحبا بالحــــضـــور = بالجهاد المقدّس كلّنـــــا نحتفـــــــل
أرفع الرّايه الخضراء لشرح الصدور = شوفة الرايـة الخضراء تداو العلـــل
مايحمل الأمانه كود هـــذي النحـــــور = ولا يخوض المعارك كود منهو بطـل
الشجاع أيتفضّل والذليل معـــــــــــذور = مال من ترتعد يمناه معنا محــــــــــل
ننتظر دعوة القايد ثلاثة شهـــــــــــور = إلا أختلط عج والبارود عمّك جمـــل
من تخلّف عن الواجب تراه مهجــــور = مانسلّم على رخو الـــــــــيدين الأذل
اليهودي لقوّاته يحفر القبـــــــــــــــور = يحسبن حربنا المغرور شيء سهـل
ياهل الخط الأوّل والمعارك تــــــــــدور = كنّها عند أهل نجد شـــرب العســــل
تحت راية بلدنا لو نخـــوض البحــــور = كنّ شمّة ريــاح الــموت شمّة نفــــل
لابتــي عزوتي يوم البنادق تثــــــــــور = كم عدو لدود فـــــــي نحاهـا قتــــــل
مشبعين الذياب الجايعـــه والنســــــور = عقــب ما كان يبغى الفوز جيشه فشل
يا حـرار مخــالبها تسـد النّحـــــــــــور = من وقــف في نحرها عرّضوه الوشـل
لابتـــي من هل الغلبا وساع الصــــدور = مقحميــن المعارك بالسيوف السلـــــل
والقبايل عزيزة مـــا عليها قصــــــــور = راســـيه مثل ما يرســــي الجبــــــــــل
[line]
[line]
((( في نجد كله مالقينا وصيـــفه )))
قـصيـده غـزليـه رائعـــه بكل ما تعنيـه الكلمــــه ،، ووصـف عـجيب
إلى الـقصيـده ..
ياهل الجيكس اللي سمعنا وحيفه = بالله عليكم ريضـــوا واركبوني
واليا وصــلتوا شف بالــــي وريـفه = وصلت جميلتكم وانا حــولوني
بنت الرجال اهل القلوب النظــيفه = لعلهم عقب الجفا يرحموني
ربيع قلبي يالنشـــاما وصيــفه = اللي على شوفي شفوق حنوني
شقرا على كل الصـــبايا منيـــفه = ياليتـــهم راحو ولا وادعـــوني
عنقا عنود الصيد بيــضا صحيــفه = ماكـــل ضحاكن عليها يموني
بيض الملاحظ والمذاهب شريفه = وكا غرسة البستان لدن الغصوني
لاهيب مليانه ولاهي نحيـــفه = مربوعة تضفي عليها القـــروني
من أول قلبي جروحــه خفيــفه = واليوم من فرقاه تســهر عيوني
في نجد كله مالقينا وصيـــفه = واليا اشتكيت من العنا سامحوني
يفـــز قلبي لاتذكـــر حليـــــفه = بنت الرجال موسعين الطعوني
ماتنحني لأهل النفوس الضعيفه = بنت للرجال يدسمون الصحوني
ناس يرون السيـــوف الرهيـــفه = واشهد بها لو كان مايسمعوني
ماهمب مثل اهل الوجيه الكسيفه = اللي على دمث القدم يحسدوني
من لامني يرمى بحد القذيــفه = ومن ايده تكثر عليه الديـــوني
لاونها بالســــوم جبنا اللطيــــفه = والله لادفــــع مـــاورايه ودوني
[line]
[line]
((( هــــجينيّـه )))
قصيده للشاعر وهي من الشعر الهجيني وهو يتذكر الايام الماضيه من حياته في الصحراء وايام الشقاء اطال الله في عمره
بألعب السامر وأجـر الهحيني ماعلي = مـــــاعلي من المناقيد ذيك الغاديه
هاضني ذكراي يـــوم الزمان الأولــي = يومها زهرة شبابي وبيت أمجاديه
يوم أنا تـــوي صغيرٍ وفي خدمة هلي = قبل غـــارات الليالي تجي متحاديه
جعل براق الــــــوسامي تسيل مدهله = جعل تســـــقي دارنا يوم حنا باديه
لاوردنــــــا الماء نسقي دبشنا بالدلي = مع غناديــر البوادي مع الاجواديه
كم هنوف فالموارد تبي شوف الشلي = من مقاعيــد الخلا ماتذوق الزاديه
تــذبـح الـعـشـاق ذبـــح الغريم مكبلي = في نهار الورد نجل العيون أمفاديه
أشهــد أن أول شباب الولد له منزلي = في صدور البيض لاصار منه فايده
[line]
[line]
((( قصيده وهو في سكاكا عام 1369 هـ )))
حمامة تلعب المــــــــنكوس طـربانه = بالـروض قامـــــت تجرالصوت وتلالي
عزّي لمن ولّـــــــعه بالقلب وجــدانـه = لا غـرّدت ثم جـــــرّت صوتهـا العالي
يالله ياللي لك التـدبـــــير سـبحانـه = امدبّر الأفــــلاك مـن حـال اليا حالي
ياللي لوجهك نـزور الــــبيت وأركانه = معنا ثقيل الـــــخـطايا وأنـت حـلاّلي
عبدك على الباب يـرفع كـــف ذرعانه = قد له سنين وهــــو يا راحـم الحالي
أفرج لمن هو سكاكا الـجـــــوف عنوانه = لا نال فضل الجــــهاد ولا معــه مالي
ما يرتجي كود فـــضل الـرب وأحسانه = مـحص المخاليق مـــحيي الميت البالي
رحـنا نـبي نكــسـب النيرات والدانه = وجينا محــاويج لّــــــك يا ريّف الحالي
والمـسجد الــــــلي تجـندنا على شانه = راحت سوالفنــا يضـــرب بها أمثالي
أثر الـمــــــغـرّب حـياتـه ما لها خانه = كنّه مـن الدّيــن عــــن طلاّبته جالي
أضحك مع اللي ضحك والعين سهرانه = من بعد أهلها تسـوق وتهجل هجالي
لا واهني مـن قــــضـى فـي نجد عبّانه = من بين ربع و بـني عـــمّ وبني خالي
يـقـوله الـلـي بـعـيــــــد دار حيّانـه = ومقيّد بالنـظـام وضـــــيّـق البالي
لـي ديـرة غــاليه عـــــنـدي وسكّانـه = دار المحبين عنـدي مـالهـــــا أمثالي
منها نشـيـنا وعــشنا بـــين وغدانـه = وفيها كبرنا وذقـنـا المـر والحـــــــالي
دار بها الأجنبي يفـخــر بـــــجــيرانـه = من طيب أهلها وزين الـمرتع الـغالي
جعل الوسامي تسـيّل كـــل وديـانـه = تضفي عليها وترجع عقب الامحـــالي
ياخـذ عـليهـا شـهر ماكــــف ودّانـه = نوّ عـريض وريّـض لـه تــزلــــــــزالي
كـنّ الهـنادي تـسـلّـل بــــــين ربّانه = رعوده تنـحناح وبـروقـــــــه تـشعّالي
يرخي على مرتـع الغالـــين شـلاّنه = مرتع بني عمّنا ماضـــــــين الافـعالي
بالـديرة اللي عـليها النــفس ولهانـــه = اللي حـمى صـيدها فيــصل وهذالي
دار حمينـاها وأنـّا أبـطــال فــــرسانـه = لاجت تـلافخ باهـلها شهــب الاذيالي
حـنـّا الـقريشـات لامـن ثـار دخـّـــانـه = نفرض على من عصى حضرالتجوّالي
بـجمع رزين هل الــــنامـوس شبّانـه = مثل الســـكارى نهار الهوش عــيّالي
كل القـبايل تصالحــــنــا عـلى شانـه = وندّب به الــــمعتدين وراســـنا عالي
في راي شـيـخ ثـبت لـلـنّاس برهانـه = قوّاد دهم الـسرايا يـحـتـمـي التّالي
نرعى نبات الـخطر لاشـــكّـل ألـوانـه = بـمـصـقـلات تـــــــخلّي الدم شلاّلي
مـشـاري الـلي ليا من سلّ شامانـه = عـن دربـه الـخيل با لــفرسان تنجالي
كم شيخ قوم ثعا فـي زيـن بـنـيانـه = فـعـلـه يماري به الأول مـــــع التالي
عقب الزعامه خذوا بالـسـيف ذيدانه = بـمـصـقـلات مـع تسعين خــــــيّالي
واليا طلبهـا ورانـا نـيـبـــس ألـسانه = لا قـد شـربـنا لـبنها بعـــــد الابهالي
وأنّا عـضـود الأمير وحـمــــاة سلطانه = نحـفـظ كـيانه و شأنه عـــــــندنا عالي
شيخ خذا شيـخـته مـن روس جدّانه = ماهـو نـبـتـة كـما قالوه جهــّــــــالي
واليا نـزل مـنـزل مــــاصـك ديوانه = ويمّه مناديب غيره تـــهـذل اهذالي
كـم فاطر جبّـهـا لاكــــرام ضـيـفانه = ومن الغنم ما تـهـيّــــــا دق وجلالي
[line]
[line]
((( الـــغــربـــــه )))
قـال هذي القصيده عند ذهابه إلى دولـة المكسيـك للـعـلاج
ياعيد انا من هاجس الليل سهران = قدر لي ضروفي وخلك سموحي
ياعيد أنا في ديرة القوم حيران = والطير ما ينهض بليا جنوحي
يلعبِ الهاجوس من بين جدران = كني سجينٍ ماحصله فسوحي
قامً يجن أخماس وأسداس وأثمان = مرٍ مراويح ومرٍ سروحي
من أولٍ دنياي تومي بالأردان = واليوم صارت لي هبودٍ رموحى
ربعي من الخفجي أليا حد حوقان = ونا لحمران العتاري نزوحي
متمركزينٍ بين سفلاك وألمان = ولاني مستانس ولامن نجوحي
احجز لنا ياعيد فوق أم جنحان = اللي على ربد السحايب طفوحي
نبي نعْود لنجد يا وافي الأفنان = والعافية ياعيد من رب نوحي
قلبي على نجدٍ وأهاليه ولهان = ويلاحي القمري إلا ناح نوحي
واللي مهيظني تنهات سلطان = في هاتف الجوال يا روح روحي
حنا فرحنا به وهو صار فرحان = والكل منا صار دمعه سفوحي
هذاك شيال المحامل بليهان = عد الروى لامن تخلى الشحوحي
يذبح لضيفانه جزيلات وسمان = وجليس ضيفه لين ضيفه يروحي
احب سلطان الوفا سر وإعلان = واعلن له أشواقي بروس السطوحي
واحب من يروي شبا السيف شامان = سلطان لامن هج زمل الطموحي
ولاني في حب المناعير غلطان = يوم إن قلبي لنشاما رجوحي
والله لفيض مابصدري بالألحان = لاقام وهاج الضماير يفوحي
ما استأنس إلا مع بني عم وإخوان = في مجلس مافيه وجه قموحي
ودي مع ربعي طويلين الأيمان = وفي حبهم ياعيد لاسمع ولا أوحي
ضد الحَريب ومهدّية كل سكران = أهل الشويمه كاسبين المدوحي
حنا مروية النمش يوم الأكوان = فوق الركاب وكل قبٍ جموحي
نهدي عمار ما تبيع بالأثمان = في ساعة ما يمتنيها السنوحي
كسابة الناموس في كل ميدان = لاقام مسقوف الفرنجي يدوحي
ولا انا على المحتاج ياعيد بخلان = نعْرف لامن جاء الزمان اللحوحي
وأنا لنا في قمة المجد عنوان = والنا على روس المعالي صروحي
وانشد هل التاريخ في ماض الأزمان = ولا تنشد إلا الطيبين النصوحي
مالي عن الربع المحبين سلوان = واصبر وأنا بأطراف كبدي فلوحي
واتابع الأخبار والقلب حنان = أجامل الدنيا وعيني نضوحي
ولا واهني من شافهم عقب ما كان = في ساعة فيها تجدد فروحي
ولي لابة نروع بها كل عدوان = حي الرجال لا قل هرج المزوحي
هل سَرّبة فرسانها أبطال سبعان = مركاضهم يبرد غلايل جروحي
يقودهم سهم المنايا كحيلان = ويثني خلاف الجاثية واللدوحي
فوق المهار اللي تلافح بالأرسان = مرٍ معاريض ومرٍ نطوحي
بشلف مضارب حدها بين الأمتان = تخلي السكارى من سكرها صحوحي
وترعى قرارة نجد من دون جيران = لامن قام براق الوسامي يلوحي
وتلقى لهم في مرتع الصيد ذيدان = لاروحن ما يسمعٍ النبوحي
ويبرى لها يوم القوامات فرسان = وإلها على درب المعادي شبوحي
ونحمد اللي بدل الخوف بإيمان = أقولها لله والناس توحي
هذي طراة الروح والوقت منان = قام يتحداني بشكل وضوحي
لابد من يوم نمهد بالأكفان = وإلباسنا عقب التزكرة شلوحي
عسى لنا توبة ورحمه وغفران = لاصرت ما عندي بصيره بروحي
في ساعة يغيبن الأذهان = والنفس تخرج والنواظر شطوحي
وصلوا على المختار من نسل عدنان = عند الغروب ومع طلوع الصبوحي
[line]
[line]
((( مـجـارات الـشاعريـن عبد العزيـز الحمد وعلي السبيعي)))
هذي القصيده مجاراةً لقصيدة الشاعر عبد العزيز الحمـد العريني وقصيدةالشاعر علي السبيعي ،، وفيها مدح ربعه سبيـع
بديت بالقدوس شيال الأثقال = اللي له التصريف من عزةٍ له
اللي رفع سبع السموات للعال = وبسّط لنا بيداه من قدرةٍ له
يامرحبا ترحيبة إكبار وإجلال = بعلي السبيعي والحمد حشمةٍ له
هاض الجواب وصار فالقلب ولوال = وهاض الضمير وحن من هاجسٍ له
من وقتنا الأول إلى وقتنا الحال = وسبيع غلبا وحدةٍ مستقله
ومن شق صف سبيع ماهوب رجال = والله عليم بدق سلكه وجله
نهتم بالشجعان ونعيف الأنذال = وخل الردي يرتاح في مثبرٍ له
بني عمر ضد المعادي ليا عال = وحريبهم مايمرح الليل كله
ولهْم مناويخٍ كثيرات وثقال = وتعدل الغلطان من غلطةٍ له
حديدهم راكان من ضربهم ذال = وليا بغى ذيدانهم ماحصل له
وعساف شب النار في روس الأقذال = واللي حضر من لابته فازعٍ له
وإنا حضرناها على شهب الأذيال = وخيالنا مشهورةٍ عزوةٍ له
جتنا رسايلهم وجيناهم عجال = والموت ماياتي حدٍ قبل حله
هل سربةٍ يضربها كل الأمثال = نجم ليا حول على الضلع هله
زعيمهم يوم المفازيع هذال(1) = ومشى بها فيصل على دعوةٍ له
له حربة من ضربها الدم شلال = واللي حضر في المعركه شاهد له
من ضربها ابن حفيظ من سابقه مال = وصويبها ماعاد يرجى شفى له
والحق حق ومنه الأنذال زعّال = ولا يزعل ألا أهل القلوب المغله
والنذل بين لو لبس بشت وعقال = من مدح غيره ينعقد ناظر له
يبغى التقدم لو ماجاله افعال = ولا يرتكي للكايد الا هلله
يقوله اللي يوفي الكيل لاكال = ولا يفتح الثغرات لمنا ويله
[line]
[line]
((( الــــملك فــــيصـــــــل )))
قصيدة الشاعر بجاد بن شطيط هذي القصيده في جلاله الملك فيصل بن عبد العزيز خلال جولته العالميه لكسب التأييد
العالمي للقضيه الفلسطينيـه ..
الـمـلـك فــيـــصـل لــفــانــا يـاهـلابه = مــرحــبــا بــه عــد مـاتــذر الهبايب
أحــمــد الله يــوم مــاطــوّل غــيـابه = فــي قـلـوب أهـل الـوفا ماهو بغايب
شـيـخـنـا الـمـحـبـوب له منّا الحبابه = حــاكــم الــحــكّــام حــلاّل الـنـشايب
عــمّــت الــفـرحه ربوع أطهر ترابه = وأبــتـهــج شـعب الجزيرة والكتايب
الــصــديــق أمـنـاه والـعاصي يهابه = فــي عــدام الــســلـم كــلّ منه هايب
جــولــتـه فــيــهــا تـحـقـق ما هقابه = نــاصــر الإســلام حــلاّل الـصـعايب
فــي نــحــور الـضـد ياقف بالصلابه = وجـيـشـه الـمـغوار عادوا بالكسايب
شـــعـبـنـا لــه مـوقــفٍ كــل درى به = مـايـمـل ولا يــكــل مــن الــحــرايب
حـــررت قـــواتــــنــا غــزّه وطــابه = مــن يــهــودٍ مــاتعرف إلاّ الغصايب
حــن شبـاة السيف والفيصل نصابه = فـالــلــزوم أجـــنـود شـبّـانٍ وشـايب
أنــشــد الــتــاريـخ يـعـطـيك الإجابه = مـن مـوحـدهـا على عوص النجايب
وحّـــد الأقــطــار وأخــمـرت الذيابه = وأصـبـح الفيصل عن السلطان نايب
وأصـبـح الــدسـتور من محكم كتابه = يــوم دسـتـور البدع مخطي وصايب
ســنّــة الـمـهـدي ودستور الصحابه = غــايــة الإســلام مــافـيـهـا شـوايب
طـــوّر الــــقــوات بــآلات الـــحرابه = مــن صــقـور الجو ورجال الحرايب
[line]
[line]
((( ديـــنـيّـــــــه )))
هـذي الـقصيـده اختـم بها الموضـوع ،،، وهي تعبّـر عن نـفسهـا
ياهني من صلى العشاء والتراويح = وسبع ركعات كل ما دلبح
في مسجد فيه الرجال المفاليح = ويرتلون آيــــــات الإلــه
يقرون بالقرآن حفظ وتصـــحيح = ودموعهم مثل الرشاش
مـــر وقوف ومرتيـــن مدابيــــح = ويعدلون الحرف لا مال
متسلحين براية العلم تسلــيح = والعلم بصدور النشاما
جليسهم يدعى على هبة الريح = إحياي لـسنه وللجــــار
اللي من اول فالجواهل زحازيح = وصناعة التاريخ لا ركبوا
اللي ليا ركبوا على الفطر الفيح = إلا لفوا يجيبون الغنايم
وإن ألحقوهم مبعدين المصابيح = عيوا على البل شاربين
وشربوا لبنها فالركا والصناديح = عقب الطراد وعقب طرح
لامن شعوها كاسبــين التماديح = تمشي سراياهم على الجدي
ولا ياخذون من المعادي تصاريح = إلا على قحص المهار
إلا جاء لمسقوف الفرنجي تضابيح = ومجردات فالقاء ترهق
وجه بوجه وكمـــــلن التمــازيح = أحد كسب وأحد قليل
وقفوا عليها بالغنايم مفــاريح = وطاب الكرى مع لابسات
واليوم دور ملاعبين المســابيح = عشــاقة الكوره ولابــه
واللي منول فالمواشي سواريح = يقول انـــا عنتر وغاديبه
يقوله اللي مايحب التجـــاريح = ولاهوب سباق على القال
نبذه من التاريخ تعطي تلاميح = توصي بتقوى الله وكثر التهاليل
هـذا غـيض من فـيض لبـو عـيـد ،، وسامحونـا عـلى الـقصـور
[ عـــقـيـــد الــقــوم ]
غير متصل
@ ديــوان الـشاعـر ../ بـجاد بن شطيّـط الـقريشي @
