منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه قصيدتي في غزو العراق المشؤم للكويت و قد نشرت في جريدة اليوم في حينها عسى إن تحوز على رضاءكم.
ألا يـا الله إنـي طالبـك طلـبـة الأبــرار × تعـز الشعـوب الـلـي تـكـرم قرايبـهـا
و تعدم شعـوب الكفـر و الغـدر و الإنكـار × علـى نكرهـا المعـروف يـا رب حاسبهـا
صدم فالعرب صـدام و أصبـح لهـم غـدار × جنـوده حقـوق الجـار قامـت تناهبــهــا
ذكر لي صديقـي صيغـة الحـرب و الدمـــار × حكا لي عن اللي وسط نفسـه يجـول إبهـا
و لاحظت فيـه العـز و الفخـر و الإصـــرار × علـى مسكـة الحربـه و تمكيـن مضربهـا
على جبهـة الغـادر تثبـت كمـا المسمـــــــــار × على شأن يصحي من حلوم(ن) يهيـم إبهـا
يقول الصديق الغدر شي(ن) خبيـث و عـار × إذا صــار فالدنـيـا العـزيـزة يخربـــــــهـا
بعد ما حصل للجـار مـن عصبـة الأشـرار × ضعـوف النفـوس اللـي نسبهـا مقربهـا
بذل نفسه الصاحب لحـق الوطـن و الـدار × و تطهيـر دار اللـي زبنـهـا و لاذ إبـهـا
و قـال الحقيقـة لـو تفكـرت بالأقـطـــــــــــــــــــار × شمال و شمال و غرب و أيضا(ن) جنوب إبها
تعجب لك الله يا صديقـي مـن اللـي صـــار × رضيـع(ن) بعـد مـا روي لامـه يحاربهـا
كـلاب(ن) تجوعهـا تتبـع هــل الأثــــــــــــار × و تعرف سلـوم النـاس و تعـرف واجبهـا
و في حالة الشبعه يجيهـا هـوس و طيـار × تشيـل الـردى حتـى تحـمـل غواربـهـا
تعرف إنها فـي حالـة الهضـم و الإعسـار × إذا راح عنهـا الجـوع نسيـت حبايبـهـا
شعوب(ن) بعضها فيه غل(ن) قديـم و ثـار × تعادي هـل التوحيـد مـن شيـن مذهبهـا
و بعضها حمير(ن) فوقهـا تحمـل الأسفـار × تناهـق علـى العـدوان و اللـي يصاحبهـا
تفاخـر بأساميهـا و تعمـل عمـل كـفـار × تنـاقـض مباديـهـا و يكـثـر تقلبـهـا
تعرف إنهـا تشعـر بحامـي لهيـب النـار × تحـس إنهـا بالصـدر شـبـت لهايبـهـا
تخبط من أثـر المـس و الدهـر فيهـا دار × عسفها بليـس اللـي علـى طـول راكبهـا
تسمع لهـا تعجـب و فـي قولهـا تحتـار × نهـار(ن) تصدقـهـا و الأخــر تكذبـهـا
تغيـر عزايمهـا قبـل ينتهـي المـشـوار × تنـازل عـن الصافـي و تشـرب سرايبهـا
عسى قربها يبعـد بعيـد(ن) عـن الأنظـار × تـلاشـى بقايـاهـا و تكـبـر مصايبـــهـا
و عسى النصر فال اللي على واجبـه صبـار × عيـال الحـرار اللـي ثنـت دون واجبـهــــا
يدافع عن الشيبـان و اللـي تحتـه صغـــــــــار × و عن كل عذرا(ن) مـن أمـور(ن) تعذربهـا
تقـدم بـدون إفلـوس بالليـل و النـهــــار × تطـوع كريـم(ن) مـا يحسـب لراتبـهـا
و ربـك يعـز اللـي علـى طـارة القطــــــــــار × رجال الصخاء و الدين و الحلـم بـأن إبهـا
عيـال البطـل و القائـد الملهـم الجـبــــار × ليـوث العريـن اللـي تصفـي مشاربـهـا
ملكنـا فهـد يعجبـك لا ذكـرت الأذكـــــار × زعيـم السياسـه و التـجـارب مجربـهـا
و مني ختام القـول صلـوا علـى المختـار × عدد ما كتـب مـن كتـب و إعـداد كاتبهـا
لكم تحيه
التعديل الأخير تم بواسطة جزاء مزعل السمي ; 25 - 07 - 2012 الساعة 11:26
اول شي : صح لسانك يابن مزعل قصيدة جزله من جزل حتى ولو انها في حدث قد انتهى لاكن تعتبر من الذكريات التي
يجب ان تحفض للآجيال . لانها تجسد وتبين حق الجار على الجار وتثبت وتوثق الحدث وجزئياته كلها ..
ثانياً : الله يحييك في محلك ووجودك مكسب لنا جميعً كيف لا وانت شاعر غني عن التعريف ويستفاد من خبرتك الشعريه
وايضا من قبيلة عزيزه علينا ..
اكرر الترحيب واتمنى ان تجد بيننا طيب الاقامة وان لا تبخل علينا بما لديك من درر..
تحياتي
الا يــانــاشـــد عنــي تـراني ** بميقاف الشرف لازم تراني
من الحــقـّي تـورثنا فـخرنا ** ويبقى فخرنا طول الـزماني
مجامعـتاً لـنـا مجـداً يـشرّف ** جمـيع سبيع خطلان اليماني