[أبو يزيد]

هنا رائعة (قنبلة الشعر) بدر بن سعد بن خرفاش السبيعي
التي القاها في حلقة الامس والتي صفق لها الجمهور واللجنه والضيوف كثيراً وشدت انتباه المتابعين وإشاد ت بها اللجنه واستحق على اثرها النسبه الاعلى من اللجنه والجمهور الحاضر في مسرح شاطئ الراحه.

تداعي ياهجوس الشعر لامنه دعاك الداع=كنوز ممتلكها في الحشا مانيب خازنها
اجمل لابتي فالمحتضر بالجزل والابداع=عقود الدر واللولو من الافكار اكونها
اعيف السهل واعشق كل قاف لادعي ماطاع=واجيب المفردات الي تسلي من تمعنها
طرات الشعر معنى مبتكر تطرب له الاسماع=تسج الناس معه من الظروف الي تزامنها
وبعد شبه انقرض جزل القصيد الحر بالاجماع=واراضيه جدبت واعيونها غارت بباطنها
ولاعاد امطرت بالماء سماه وخابت الارماع=بعثها اموات الاشعار الجزيله من مكامنها
بعثها الي لصعبات الامور الكايده طواع=محمد مأسس النهضه ورايدها وصاينها
محمد يحمده مستنجده من جاير الاوجاع=كريم مدته شمخ جبال الفقر تدفنها
جزيل المد سقم الضد نور البدر فوق القاع=قوي العزم راعي الهزم والرحمه بموطنها
ملاذ اللاج والمحتاج باهج مهجة الملاع=يضو الروس فوق وروس من العالي يطمنها
شبيه الليث غيث المستغيث معدل الاوضاع=شياطين البشر في حضرته تترك تشيطنها
نسل زايد حكيم العرب دمث الخلق واف الباع=عسى قبره تعله غر الامزان بغشاينها
تفكر وافتكر فكرن بكر ماقط قبله شاع=غفال ماعليها قبل وسمه وسم يرهنها
وتخير له رجال مامشت بالغش والاطماع=ذممهم مع ضمايرهم نزيهه تنطق السنها
فهام بالطروق ويقنعون مخالف الاسناع=اليامن جاب له منظومة تفقد توازنها
واذا تاه الدليل وضاع رايه رايهم ماضاع=بنادقهم على النيشان مايخطي مقننها
هذا القول الصحيح الواضح اللي ماعليه قناع=سما فوق البرامج شاعر المليون واحزنها
ولو كثروا نواقيده على التلفاز والمذياع=دروب الانتقاد ثنين محد ظاهر منها
الاول ينقده حقد وغرور وغيض واستلكاع=وياتي له بحجه مالها شي يبرهنها
والاخر كالنبات الي لنور المشرقه تباع=صبغته بالسواد وهو بلا جدوا يعاينها
روابع والروابع في تراكيب العقول انواع=حد ينزل بها واحد علوه من تمكنها
ومنتوج الكلام الصافي الي ماعليه اقناع=سما فوق البرامج شاعر المليون واحزنها

:



: